Album fotopoemoj from Cezar /Kaiser

Sovaĝaj porkoj

nobody@ipernity.com (Cezar /Kaiser) — Thu, 02 Apr 2009 10:40:43 +0000

Foto de Zefirina, Ipernity
www.ipernity.com/home/38043

Cezar

Sovaĝaj porkoj

por foto de Zefirina

Sovaĝa estas mi
kaj forta porko,
kaj tamen vivas ni
ne en Novjorko.

En roto sentas mi
min kvazaŭ hejme.
Sed vivas ni pro Di'
ne senprobleme.

Arbare loĝas ni
dum tuta jaro
en paca harmoni'
sen tro da faro.

Se ne la homoj nin
sovaĝe ĉasus,
jen eĉ la viv' ĉe l' fin'
pli bone pasus.

Ekde novembro sin
la aproj ĉasas.
Bataloj por aprin'
de nun amasas.

*

Suno kun verdaj okuloj

nobody@ipernity.com (Cezar /Kaiser) — Thu, 02 Apr 2009 10:40:37 +0000

Cezar /Kaiser has posted a doc:

foto de David
www.ipernity.com/home/dave_sn

Cezar

Suno kun verdaj okuloj

(por foto de David S)

Kun la suno en la koro
pli agrablas ĉiu horo.
Eĉ acida hom' pli fidas,
se la brila suno ridas.

Se la hela sun' enkoras,
homon tian ni adoras.
Eĉ la morna ino Luno
brilas hele pro la Suno.

Se la sun' smeraldokulas,
ĝia koro verde brulas.
Jen ĝi plenas de espero
pri komuna mond' sur Tero.

PS: www.cezarpoemoj.cezarpoezio.de/175.html
2

Vere stulte

nobody@ipernity.com (Cezar /Kaiser) — Thu, 02 Apr 2009 10:40:35 +0000

Cezar /Kaiser has posted a doc:

Foto de Paul, Ipernity
www.ipernity.com/home/paul_peeraerts

Cezar

VERE STULTE

(libere laŭ Lutero)

El la ĉielo venas mi,
alportas bonon nur por vi.
De la bonaĵoj, vere multe.
Pri tio kantas mi nun stulte.

Sur vian kapon fekas mi,
ke bone kresku, kara, vi.
Mi monumentojn tre beligas
aliaĵn birdojn eĉ instigas.

PS: Laŭ foto "Kopfschmerzen" de Paŭlo Peeraerts el ipernitio, vidu la foton supre.

PSS: www.cezarpoemoj.cezarpoezio.de/20.html

*

Vivu Esperanto

nobody@ipernity.com (Cezar /Kaiser) — Thu, 02 Apr 2009 10:40:30 +0000

Cezar /Kaiser has posted a doc:

Natali, Ipernitio
www.ipernity.com/home/natali

Cezar

Vivu Esperanto!

Vivu Esperanto
kvazaŭ nova kanto,
ĉirkaŭbrak' de l' Tero
trans nacia sfero!

For la naciismon,
ĉiun fian ismon!
Estu pac' sur Tero
sen militĥimero.

Vivu Esperanto,
kvazaŭ nova kanto!
Kaj por mondo paca
varbu ĝi senlaca.

Pacobatalanto,
vivu Esperanto!
Zamenhofon kore,
agu ni fervore.

PS: Verkita por la foto "Vivu Esperanto!" de Natali el la rusa urbo Kropotkin. Ŝi faris la foton ĉe la tombo de Zamenhof.

*

Ankro kaj ĉeno

nobody@ipernity.com (Cezar /Kaiser) — Thu, 02 Apr 2009 10:40:15 +0000

Cezar /Kaiser has posted a doc:

Foto de Zefirina
www.ipernity.com/home/38043

Cezar

Ankro kaj ĉeno

Marist' veturas sur la mar'
sen lia amikin'.
Sed ankris li ĉe ŝi dum jar'.
ĉar ĉenoj logis lin.

Nu, ĉeno estis ŝi por li,
nur foje ankaŭ ben'.
Sed sur la maro nur por si,
li revas pri la ĉen'.

Ŝi estis longa kiel ŝnur',
amore tenis lin.
Li estis luda ankro nur
kun magra in' sur sin'.

Sed mankas ŝipe ankroĉen'.
ne eblas ankrohor'.
La ŝipon levis flus' sen pen'.
Ĝi drivis gaje for.

"Mi estas via belulin'
sur vasta vasta mar',
mi, ho marist', nur amas vin",
flustras la ŝip' kun kar'.

PS: www.cezarpoemoj.cezarpoezio.de/169.html

Boksisto kun floro

nobody@ipernity.com (Cezar /Kaiser) — Thu, 02 Apr 2009 10:40:10 +0000

Cezar /Kaiser has posted a doc:

el: photo-is.com/gallery.php?gallery=6

Cezar

Boksisto kun floro

(por N.S.Valujev)

Boksisto sidas jen kun floro.
Li sidas tiel jam dum horo.
Li la boksadon ne tre ŝatas
kaj la venkitojn eĉ kompatas.

Li volus esti papilio
aŭ herbsaltulo, sed ne dio.
Kaj tamen li boksisto estas,
alia vojo plu ne restas.

Boksisto estas aĉa sorto,
li diras nin, kaj eĉ sen vorto.
Li tenas floron en la mano.
En ver' li estas ĝentlemano.

Bugivugipiano

nobody@ipernity.com (Cezar /Kaiser) — Thu, 02 Apr 2009 10:40:04 +0000

Cezar /Kaiser has posted a doc:

Foto von David, Ipernity
www.ipernity.com/home/dave_sn

Cezar

Bugivugi-piano

"Sen bier' muzik' ne sonas",
nin la pianist' admonas.
"Sen bier' pian' ne ludas,
aŭ la sonoj simple krudas.

La muzik' bezonas fluon.
La biero peras ĝuon.
Do bieron tuj alportu,
ke muziko mia fortu."

Refr. (dufoje):
"Sen bier' muzik' ne sonas",
nin la pianist' admonas!

PS: Bugivugio estas Boogie-Woogie, jen ritma variaĵo de la bluso, mododanco. Bugiviugi-piano kun iom da fantazio similas al tiu foto de David. Nur la biero sur la piano mankas:).

PSS: Ree mian specialan dankon al vi, David! Ankaŭ pro la laŭdo:).

PS: www.cezarpoemoj.cezarpoezio.de/184.html

Ĉevalsorto

nobody@ipernity.com (Cezar /Kaiser) — Thu, 02 Apr 2009 10:40:01 +0000

Cezar /Kaiser has posted a doc:

Foto de Zefirina, Ipernity
www.ipernity.com/home/38043

Cezar

Ĉevalosorto

(Por foto de Zefirina)

Ĉeval' kun ĉaro sur la korto
atendas jam kun sia forto.
Ĝi volas tra arbarojn troti,
ĉe tio ĉion belan noti.

Ĉeval' atendas veturantojn,
ĝi krome ŝatas belajn kantojn.
Se ĉiuj bele hele ridas,
la mastro apenaŭ ĝin bridas.

Ĉevalo staras sur la korto.
Estas, ĝi scias, sia sorto.
La saĝa besto eĉ ne plendas.
Rekomendindas, kio endas.

Cikonioj

nobody@ipernity.com (Cezar /Kaiser) — Thu, 02 Apr 2009 10:39:56 +0000

Cezar /Kaiser has posted a doc:

Foto de Zefirina, Ipernity
www.ipernity.com/home/38043

Cezar

Cikonioj

Jen plia bela cikonio,
en ĝia regno Liberio.
Sur alta nesto sur la stango,
kun siaj idoj vang' al vango.

La homoj bone ĝin komprenas,
kaj tial multe pri ĝi penas.
Kun cikonio sur la domoj
pliiĝas ankaŭ idaj homoj.

PS: Poemo por foto de Zefirina

Ĉu mapo del' land' Kraterio?

nobody@ipernity.com (Cezar /Kaiser) — Thu, 02 Apr 2009 10:39:51 +0000

Cezar /Kaiser has posted a doc:

Foto von David, Ipernity
www.ipernity.com/home/dave_sn

Cezar

Ĉu mapo de l' land' Kraterio?

Ĉu mapo de l' land' Kraterio',
ĉu eble Laflanda Nenio?
Mi estas, amikoj, ne Dio.
Sed David ja scias pri tio.

Respondo de David ĝentila:
"Cerbumu ne plu tro subtila,
mi diras nun tute trankvila:
jen arbtrunko renosimila.

troviĝas en: cezarpoezio/cezarpoemoj

dentraduloj

nobody@ipernity.com (Cezar /Kaiser) — Thu, 02 Apr 2009 10:39:43 +0000

Cezar /Kaiser has posted a doc:

Foto von David, Ipernity
www.ipernity.com/home/dave_sn

CEZAR

DENTRADULO

Mi povas vidi vin en felo,
tra via haŭto el mielo.
Mi fiksas vin per ŝtalokuloj
kaj vidas, ke vi estas nuloj.

Maŝina estas mi, ne drola,
nur por rezisti tre malmola.
Sed, se vi tiel plu min gapos
mi vin tuj per martelo frapos.

Kaj se vi pensas, ke mi aĉas,
jen sciu do, ke vi nur klaĉas.
Se estas hom' sen fantazio,
li vidas nur sin mem post ĉio.

PS: Spontane verkita pro tiu ĉi rava foto.

*

Knabo ludas kun plastaj trinkujoj

nobody@ipernity.com (Cezar /Kaiser) — Thu, 02 Apr 2009 10:39:39 +0000

Cezar /Kaiser has posted a doc:

Foto von David, Ipernity
www.ipernity.com/home/dave_sn

Cezar

Knabo ludas kun plastaj trinkujoj

Ĉu li metu flanken ĉiujn,
aŭ nur tiun aŭ nur tiujn?
Li ne scias vere bone.
Ĉu prefere tiun fone?
Kiel ajn li metos ĝin,
mankas iom la rutin'.

Ĉu li metu ĉiujn vice
ĉu en aro laŭpolice?
Ĉu li lasu ilin sune?
Ĉu stakigu ilin kune?
Li plu luktas pri decid'.
Ĝenu ne per laŭta rid'!

Ĉar la knabo ne nur ludas,
sed pripensas kaj konkludas,
li forgesas pri la mondo
dum medito pri la rondo.
Li forsinkas en cerbum'
dum fotado por album'.

*

Malnovaj domoj

nobody@ipernity.com (Cezar /Kaiser) — Thu, 02 Apr 2009 10:39:25 +0000

Cezar /Kaiser has posted a doc:

Foto de Zefirina, Ipernity
www.ipernity.com/home/38043

Cezar

Malnovaj domoj

En la malnovaj domoj
maljunas ofte homoj,
plej ofte vere bonaj,
malofte fi-admonaj.

Se domo tre belegas,
olduloj ĝin plu flegas.
Se domoj ekformortas,
olduloj ne plu fortas.

Se idoj jen revenas,
kaj pri la domoj penas,
jen daŭras dombeleco,
kaj festoj, homa deco.

Se sin labor' troviĝas,
la domoj kunfeliĉas.
Jen floras la kamparo
kaj homoj sen amaro.

*

Malplenaj seĝoj

nobody@ipernity.com (Cezar /Kaiser) — Thu, 02 Apr 2009 10:39:13 +0000

Cezar /Kaiser has posted a doc:

Foto de Phl, ipernity
www.ipernity.com/home/72312

Cezar

Malplenaj seĝoj

Jen malplenas ĉiu seĝ',
sen paroloj plu pri leĝ'.
La turist', la vera reĝ',
plezurigas sin sur neĝ'.

*

Marmonstro

nobody@ipernity.com (Cezar /Kaiser) — Thu, 02 Apr 2009 10:39:08 +0000

Cezar /Kaiser has posted a doc:

Foto de Zefirina, ipernity
www.ipernity.com/home/38043

Cezar

Marmonstro

por foto de Zefirina

Jen monstro en la akvo naĝas,
ĝi ŝajne krome partoplaĝas.
Se mi la foton bone legas,
ĝi ĉiujn trukojn bone regas.

Okulon tenas ĝi fermita.
Ĝi mem rigardas ŝajne spita.
Ĉu ĝi patrino tamen estas
kaj la ŝtonet' ĉe ĝi ennestas?

PS: www.cezarpoemoj.cezarpoezio.de/95.html

Mevorevo

nobody@ipernity.com (Cezar /Kaiser) — Thu, 02 Apr 2009 10:39:06 +0000

Cezar /Kaiser has posted a doc:

Foto de Natalie, Ipernitio
www.ipernity.com/home/natali

Cezar

MEVOREVO

(por foto de Natali)

Mevo, mevo,
bela mevo,
kavzaŭ revo
estas mevo.

Jen sopiro,
rev' de viro,
jen inspiro
laŭ zefiro.

Mevo, mevo,
for de devo
estas mevo
bela revo!

PS: www.cezarpoemoj.cezarpoezio.de/170.html

Mirinda vivo

nobody@ipernity.com (Cezar /Kaiser) — Thu, 02 Apr 2009 10:39:01 +0000

Cezar /Kaiser has posted a doc:

Foto de Zefirina, Ipernity
www.ipernity.com/home/38043

Cezar

MIRINDA VIVO

(Por Zefirina)

Bovo ina kaj buntfela
eĉ ne revas, ke ĝi devas
manĝi ion ĝis ĝi krevas.

Ĝi nur staras, kaj ne faras
eĉ ne ion aŭ nur tion.
Sankta besto rajtas ĉion.

Viv' mirindas, vere indas
por bovino pro bontrovo.
Ĝi ne tikas eĉ per brovo.

*

Modernu la arto

nobody@ipernity.com (Cezar /Kaiser) — Thu, 02 Apr 2009 10:38:56 +0000

Cezar /Kaiser has posted a doc:

Foto de Zefirina, Ipernity
www.ipernity.com/home/38043

Cezar

Modernu la arto

(por foto de Zefirina)

Modernu la arto
por nia bonfarto.
Ne sakru, vin bridu,
modernon ekfidu!

Modernaj vin gloras,
la arton adoras,
ĉielen vin levas,
ĝis iam vi revas!

Artistoj scivolas,
pajace eĉ rolas.
Artistoj protestas,
kun mok' manifestas.

Modernu la arto,
ĝi helpu ĉe l' starto.
Gi ridu laŭveste
kaj brilu dumfeste.

Ĝi montru nin celojn.
Ni hisu la velojn.
Ĝi belu kaj dancu,
provoke avancu.

Se arto modernas,
ĝi homojn koncernas.
Ĝi ofte instigas,
la vivon beligas.

Se arto modernas,
ĝi baldaŭ eternas,
Modernu la arto,
por nova bonfarto.

*

Nur pro plezuro

nobody@ipernity.com (Cezar /Kaiser) — Thu, 02 Apr 2009 10:38:43 +0000

Cezar /Kaiser has posted a doc:

Katalin Kovats, Ipernitio
www.ipernity.com/home/katalin.kovats

Cezar

Nur pro plezur'

(por foto de Katalin)

Jen iras viro tra muro,
salutas nin per vok'.
timigas nin sen mezuro
per nova ŝok'.

Sed kion celas la viro,
el transa mond' kun fervor'?
Nu, Fantômas, kavaliro
kaj alportant' de teror'!?"

Sed diras li sen cerbumo:
"Por kio do la skulptur'?
Por kio venenparfumo? -
Nur pro plezur'.

PS: www.cezarpoemoj.cezarpoezio.de/168.html

*

pensulo

nobody@ipernity.com (Cezar /Kaiser) — Thu, 02 Apr 2009 10:38:40 +0000

Cezar /Kaiser has posted a doc:

Andy,Ipernitiano
www.ipernity.com/home/andyflorida

Cezar

La pensulo

(por foto sendita de Andy)

Mi pensas kaj pensas:
Ĉu pensoj sensencas?
Ĉu pensoj utilas,
se hom' nur babilas?

Ĉu movi do manon?
Ĉu baki la panon?
Ĉu pensi kaj sidi
sen krei aŭ ridi?

Ĉu pensi sen agi?
Nur pense do vagi?
Ni pensu kaj faru,
praktike komparu!