Album Tra l'mondo from Joël

buklo - O. Tzaut

nobody@ipernity.com (Joël) — Thu, 28 Feb 2008 17:51:24 +0000

Joël has posted a doc:

Buklo, buklo de mia amatino,
Disvolviĝu buklo en la vent' !
Buklo, buklo blonda, mi vin amis
Kaj memoro nur venas kun turment'.
Buklo, buklo blonda, mi vin amis,
Kaj memoro nur venas kun turment'.

Iam kun ĉapo vi brile elegantis,
Mi promenadis tuton da vesper’,
Kaj subĉape buklo via dancis,
Buklo via dancis, kaj dancis en l’aer’.
Kaj subĉape buklo via dancis,
Buklo via dancis, kaj dancis en l’aer’.

Printempo pasis, kaj svingis vi la manon.
Nun en ĝardeno pompas la somer’.
Kaj min malfeliĉan junan ciganon
Polico kaptos por fora malliber'.
Kaj min malfeliĉan junan ciganon
Polico kaptos por fora malliber'.

Sed Siberion mi vere ja ne timas,
Ĉar regas ankaŭ ĝin la rusa sent’.
Nur prirevi l’buklo min ne malkutimas,
La buklon blondan flirtantan en la vent’.
Nur prirevi l’buklo min ne malkutimas,
La buklon blondan flirtantan en la vent’.

tumbalalajn - O. Tzaut

nobody@ipernity.com (Joël) — Sat, 23 Feb 2008 16:41:27 +0000

Joël has posted a doc:

Staras knabo, staras kaj pensas,
Tutan nokton li nur pripensas,
Kun kiu iri sen koron ŝiri,
Kiun kunpreni sed ne ĉagreni.

Tumbala, tumbala, tumbalalajka
Tumbala, tumbala, tumbalalajka
Nu balalajko, pli laùte, pli !
Kun balalajko nun ĝoju ni !

Knabino, solvi enigmon provu :
Kio sen pluvo kreskas, vi trovu,
Kio brulante brulas sen flami,
Kio plorante ploras sen larmi.

Stulta knabo, kial demandi ?
Ŝtono sen pluvo povas kreskadi,
Koro amanta senflame brulas,
Kor’ doloranta senlarme ploras !

malproksime sur la monto - O. Tzaut

nobody@ipernity.com (Joël) — Thu, 21 Feb 2008 17:18:16 +0000

Joël has posted a doc:

Malproksime sur la monto,
Kien kuras mia penso,
Estas rozo, kiun mi ŝatus havi
Se mi nur bieneton povus savi.

Rozo de la monto,
Fora horizonto,
Ĉu mi iam posedos iun teron ?
Ĉu la revo ŝanĝiĝos en esperon ?

Mi revadas pri la rozo,
Pri vivcerto sen almozo,
Se mi nur havus riĉon, ho fidela,
Vi ricevus la tuton, mia bela !

dancu - O. Tzaut

nobody@ipernity.com (Joël) — Tue, 19 Feb 2008 16:38:56 +0000

Joël has posted a doc:

Dancu, dancu ni ronde, malpeze,
Ne faligu la fornon enmeze,
Bona forno dum vintro tre gravas :
Vi lanugon ne havas, ne havas !

Tra la la la la la la la
la la la la la la la la
Tra la la la la la la la
la la la la la la la la.

Staras garde soldato kovrita
Per mantelo malnova, ŝirita.
De vespero ĝis fruo, ĝis fruo
Ros’ lin kovras ĝis ŝuo, ĝis ŝuo.

Tra la la la ...

sur stepo moldava - O. Tzaut

nobody@ipernity.com (Joël) — Sun, 17 Feb 2008 15:48:33 +0000

Joël has posted a doc:

Kvazaŭ sonĝe trenadas la ĉaron’
Spireganta grimpante ĉeval’,
Kaj malĝoje rigardas kamparon
Ligna kruco ĉe rando de val’.

Kiam ventas sur stepo moldava,
Dum rezonas sub hufoj la ter’,
Tiam plaĉas al koro cigana
Nur vagadi en plena liber’.

En la fajro, la ligno ekknaras,
Ĉirkaŭflugas hirundoj kun lert’
Kaj treniĝa kanzono jen klaras,
Jen obtuzas ĉe korda koncert’.

Kiam ventas sur stepo moldava,
Dum rezonas sub hufoj la ter’,
Tiam plaĉas al koro cigana
Nur vagadi en plena liber’.

Sonorilas preĝejo najbara
Kaj Dnjestro ruladas sin plu.
Rekoniĝas la tero amara
De Ruslando, ĉe kiu ĉi flu’.

Kiam ŝajnas sonĝadi l’betuloj,
Kaj la kampoj sin lasas al dorm’,
Kiel mildas per larmaj okuloj
Ekrigardi al naskiĝa dom’ !

Voĉe de gitaro mia - O. Tzaut

nobody@ipernity.com (Joël) — Fri, 15 Feb 2008 14:33:07 +0000

Joël has posted a doc:

Voĉe de gitaro mia,
Kiam leviĝas mateno,
Pri mia lando meksika,
Mi volas kanti kun beno.
Mi kantu pri la vulkanoj,
Pri la herbejoj florplenaj.
Jen estas la talismanoj
De niaj amoj plej belaj.

O kara lando meksika,
Se mi mortos fore de vi,
Oni min taksu dormanta,
Kaj tuj portu tien-ĉi !
Oni min taksu dormanta,
Kaj portu tuj tien-ĉi,
O kara lando meksika,
Se mi mortos fore de vi !

Jen estas la kruda tero
Kie kuraĝe batalis,
Viroj, kiuj por libero
Plej grandanime forfalis.
Voĉe de gitaro mia,
Kiam leviĝas mateno,
Pri mia lando meksika
Mi volas kanti kun beno.