Album La plej granda el ligno from Harri Laine

Majstro

nobody@ipernity.com (Harri Laine) — Wed, 27 Aug 2008 16:09:00 +0000

Harri Laine has posted a doc:

La konstruadon de la preĝejo estris pykmestari (arkaika vorto por konstru-majstro) Axel Magnus Tolpo, kiu ne vidis ĝin pretiĝi. Post lia morto la laboron daŭrigis lia filo. Tolpo estas enterigita sub gisfera kruco en tombejo proksima al la preĝejo La ciferoj en la datoj estas indikitaj en tradicia, iom enigma ordo: naskita la 22-an de novembro 1782, mortis la 27-an de julio 1845. – La tombo de la tiama paroĥestro, preposto J. F. Neovius (1786–1853) situas proksime.

Malsupren

nobody@ipernity.com (Harri Laine) — Wed, 27 Aug 2008 16:09:10 +0000

Harri Laine has posted a doc:

Sunbrilo sur interna strukturo de la sonorila turo.

Kontraŭ fajro!

nobody@ipernity.com (Harri Laine) — Wed, 27 Aug 2008 16:09:20 +0000

Harri Laine has posted a doc:

Ankaŭ supre en la sonorilturo oni trovas estingilon. Laŭ la indikoj sur la pulvorujo, ĝi apartenas al la tipo ABC, t.e. uzeblas kontraŭ fajroj en solidaj, likvaj kaj gasaj substancoj. Se ĉeestas elektra tensio, maksimume 1000-volta, oni tenu minimuman distancon unumetran. – Mi esperas, ke oni rimarkis la daton: la estingilo estu rekontrolita plej malfrue la 8-an de aŭgusto! (fotita la 31-an de julio)

Gloron

nobody@ipernity.com (Harri Laine) — Wed, 27 Aug 2008 16:09:30 +0000

Harri Laine has posted a doc:

Pri ĉi tio temis la averto en la ŝtuparo. La sonorilo, nun jam provizita per elektra mekanismo, estis fandita en 1884, se mi ĝuste vidis la ciferojn. La teksto diras: “Gloron al Dio en la alto...”

Puruvesi bluas

nobody@ipernity.com (Harri Laine) — Wed, 27 Aug 2008 16:09:40 +0000

Harri Laine has posted a doc:

Inter la arboj, antaŭ la lago, sin kaŝas partoj de la vilaĝo.

El la turo

nobody@ipernity.com (Harri Laine) — Wed, 27 Aug 2008 16:09:50 +0000

Harri Laine has posted a doc:

Supre en la sonorila turo oni vidas vaste la ĉirkaŭan pejzaĝon. Fore bluas lago Puruvesi. Maldekstre videblas angulo de la preĝejo.

Fermhoko

nobody@ipernity.com (Harri Laine) — Wed, 27 Aug 2008 16:10:00 +0000

Harri Laine has posted a doc:

Ĉu la hoko kaj la ingoj estis martelitaj de vilaĝa forĝisto?

Traboj de la turo

nobody@ipernity.com (Harri Laine) — Wed, 27 Aug 2008 16:10:20 +0000

Harri Laine has posted a doc:

La balustradoj ŝajnas multe pli novaj ol la origina trabaro, evidente instalitaj por sekureco de okazaj vizitantoj. La malnovan kandelabron oni apenaŭ plu uzas ĉi tie kun vive flamaj kandeloj. Videblas ankaŭ elektronika fajrodetektilo kaj tuboj de aŭtomata estinga ŝprucigilo, fiksitaj en la malnovaj konstruelementoj.

La antaŭdiro

nobody@ipernity.com (Harri Laine) — Wed, 27 Aug 2008 16:10:30 +0000

Harri Laine has posted a doc:

Ĉe la alia fino de la ĉerko la ĉeestintoj de iama funebra ceremonio povis legi: Huomenna sinä, “Morgaŭ vi”. Eble la teksto estus tro ŝoka por nuntempulo, kaj la ĉerkoportilo estis flankenmetita. Nun, por ĝin vidi, oni bezonas supreniri tra kruta ŝtuparo en la sonorila turo.

Konstato

nobody@ipernity.com (Harri Laine) — Wed, 27 Aug 2008 16:10:40 +0000

Harri Laine has posted a doc:

Tänäpäivänä minä, “Hodiaŭ mi”, diras la teksto ĉe unu fino de malnova ĉerkoportilo, demetita en angulon.

Averto

nobody@ipernity.com (Harri Laine) — Wed, 27 Aug 2008 16:10:50 +0000

Harri Laine has posted a doc:

“AVERTO! La preĝejaj sonoriloj povas eksoni kiam ajn.” Ĉi tiun skribaĵon inter ŝtupoj ne eblis pretervidi dum la supreniro.

Tur-bazo

nobody@ipernity.com (Harri Laine) — Wed, 27 Aug 2008 16:11:00 +0000

Harri Laine has posted a doc:

La teretaĝo de la sonorila turo, masonita el brikoj kaj ŝtonblokoj, estas ankaŭ la fundamento de la ligna turo. La malsuprojn de la traboj oni gudris, ĉar ili tuŝas la morteron kaj la malvarmajn ŝtonojn kaj tiel eblas malsekiĝo kaj putro. Ŝovita en la angulon estas ŝildo, kun parte videbla teksto, verŝajne “Feliĉa estas la popolo, kiu konas trumpetadon...” Sur la muro estas tabulo kun (krajona?) teksto “Mi scias ke mia Liberigonto vivas.”

Kampanilo

nobody@ipernity.com (Harri Laine) — Wed, 27 Aug 2008 16:11:10 +0000

Harri Laine has posted a doc:

La sonorila turo, iom aparte de la preĝejo, bone videblas al la vilaĝo. La muro de ĝia teretaĝo, la fundamento de la turo, estas masonita, ne ligna.

Vintre oni hejtu

nobody@ipernity.com (Harri Laine) — Wed, 27 Aug 2008 16:11:20 +0000

Harri Laine has posted a doc:

En 1953 oni konstruis, tuŝe al la granda preĝejo, flankdomon, t.n. vintran preĝejon, kiu estas varmigebla. La arkitekto zorgis meti samstilajn fenestrojn en la nova parto. La aldonita konstruaĵo, el ruĝaj brikoj, bone kaŝiĝas malantaŭ la ligna domego. Jam en 1932, samloke, oni konstruis samcelan preĝoĉambron pligrandigante la sakristion.

Ke oni ne bezonu ĝin!

nobody@ipernity.com (Harri Laine) — Wed, 27 Aug 2008 16:11:30 +0000

Harri Laine has posted a doc:

”Rompu la vitron, premu ĉi tie.“ Seka ligno brulemas.

Hejtilo

nobody@ipernity.com (Harri Laine) — Wed, 27 Aug 2008 16:11:40 +0000

Harri Laine has posted a doc:

La hejtfornojn de la preĝejo oni ne plu uzas. Estas malpermestie, pro tro granda risko de incendio. Ĉar bona hejtado ne eblas, kaj ĉiuokaze estus tre multekoste vintre varmigi la grandan spacon, oni konstruis en la jaro 1953, ĉe flanko de la malnova preĝejo, apartan, varmigeblan vintran preĝejon.

La skribo sur la luko de la forno montras, ke ĝi estas fornotipo numero 3 de la Metalfabriko de Fratoj Friis en Kokkola. En interreto, sur paĝoj de la Nacia Biblioteko (vidu ĉi tie) troviĝas katalogo de Fratoj Friis pri hejtiloj por preĝejoj, de la 1902-a jaro. Tie troviĝas sufiĉe simila modelo, kiu tamen aperas sen la ornama kradaĵo kovranta la tuton en ĉi tiu bildo.

Benkoj

nobody@ipernity.com (Harri Laine) — Wed, 27 Aug 2008 16:11:50 +0000

Harri Laine has posted a doc:

Por konstrui la preĝejon oni laborigis la vilaĝanojn. Ili hakis arbojn, ĉevaltire transportis tiujn al la centra vilaĝoj kaj ĉarpentis la konstruaĵon.

Kandelabroj

nobody@ipernity.com (Harri Laine) — Wed, 27 Aug 2008 16:12:00 +0000

Harri Laine has posted a doc:

Balkonoj kaj predikejo

nobody@ipernity.com (Harri Laine) — Wed, 27 Aug 2008 16:12:10 +0000

Harri Laine has posted a doc:

Alta plafono

nobody@ipernity.com (Harri Laine) — Wed, 27 Aug 2008 16:12:20 +0000

Harri Laine has posted a doc: