Album Fine de kloako from Harri Laine

Jubilea stratluko

nobody@ipernity.com (Harri Laine) — Sat, 28 Feb 2009 21:10:12 +0000

Harri Laine has posted a doc:

Urbo festis sian 450-an jaron surstrate.

Por krizo, 2.

nobody@ipernity.com (Harri Laine) — Sat, 01 Nov 2008 16:17:19 +0000

Harri Laine has posted a doc:

Sukuriloj, estingiloj, brankardoj, kaskoj...

Kontrolado

nobody@ipernity.com (Harri Laine) — Sat, 01 Nov 2008 16:17:22 +0000

Harri Laine has posted a doc:

La basenejo de fina biologia filtrado estas ankaŭ plena de instrumentoj, kiuj kontrolas la kvaliton de la ellasota akvo: ĉu sukcesis la bakterioj, la aldonitaj kemiaĵoj kaj ĉiuj skrapiloj kaj sedimentigiloj? – Ĉi tiu aparato mezuras nitratojn, kiuj estas utila sterkaĵo por terkulturisto, sed malutila trofekundigilo en naturaj akvejoj.

Post la fina, “poluranta” laboro de la bakterioj la akvo estas sufiĉe pura por esti ellasata en la maron. Tunelo 17 kilometrojn longa kondukas la defluaĵon ĝis la vasta maro ekster la insularo antaŭ la urbo. Tie estas la fina malŝarĝejo de la akvo, kiu venis al la ĉefurbo el pura lago, tra 120-kilometra enroka tunelo.

Loĝejoj por bakterioj

nobody@ipernity.com (Harri Laine) — Sat, 01 Nov 2008 16:17:26 +0000

Harri Laine has posted a doc:

La bakterioj de la fina stadio de purigo vivas surface de polistirenaj perletoj. La purigota akvo fluas tra baseno plena de ĉi tiaj flosantaj bakterio-portiloj (en la baseno la plastglobetoj ne estas ĉi tiom dense pakitaj).

Fina poluro

nobody@ipernity.com (Harri Laine) — Sat, 01 Nov 2008 16:17:27 +0000

Harri Laine has posted a doc:

Veziketoj pruvas, ke la bakteriaro agadas. La bakterioj, fiksitaj sur flosantaj perletoj de polistireno, transformas nitratojn (azothavajn kemiaĵojn en la akvo), tra pluraj ŝtupoj, en azoton, kiu estas normala atmosfera gaso. Krom la nitratojn (kiuj estas sterkaĵo, grava poluanto de akvoj), la bakterioj bezonas ankaŭ iometon da “trinkaĵo”, kaj pro tio oni devas aldoni metanolon.

Bakterioj laboras sub baŝoj

nobody@ipernity.com (Harri Laine) — Sat, 01 Nov 2008 16:17:37 +0000

Harri Laine has posted a doc:

La fina fazo de la puriga proceso okazas per biologia filtrado. Vivaĵoj aktivis jam en antaŭaj ŝtupoj de la proceso, sed la fina filtrado estas tre grava senazotigilo. Azoto havas fortan sterkan efikon, se oni ellasas ĝin en la maron. – La bakterio-basenojn de biologia filtrado kovras plasta tego.

Jam akveca

nobody@ipernity.com (Harri Laine) — Sat, 01 Nov 2008 16:17:58 +0000

Harri Laine has posted a doc:

Ĉe la defluilo de la dua sedimentiga baseno la akvo jam aspektas akveca, ne plu nigra. La defluilo (kun sufiĉe klara akvo) estas meze kaj akvo fluas en ĝin de ambaŭ flankoj. Komence de nia marŝado tra la kavernoj ni ankoraŭ povis senti odoraĉon, sed iom post iom tio malaperis, kaj ĉe la finaj stadioj oni flaris nur normalan, malsekan aeron de kelo au kaverno.

Dua sedimentigo

nobody@ipernity.com (Harri Laine) — Sat, 01 Nov 2008 16:18:06 +0000

Harri Laine has posted a doc:

La dua sedimentigo okazas en 16 basenoj, kiujn la akvo malrapide (en 9 horoj) trafluas. En la baseno estas 1. enigaj tuboj kaj flu-bremso, 2. ĉenskrapiloj, 3. defluiloj, 4. feĉoforigilo.

Ŝaŭmanta proceso

nobody@ipernity.com (Harri Laine) — Sat, 01 Nov 2008 16:18:12 +0000

Harri Laine has posted a doc:

Surface de la aerada baseno videblas, ke aero estas blovata en la akvon.

Aero aldonata

nobody@ipernity.com (Harri Laine) — Sat, 01 Nov 2008 16:18:19 +0000

Harri Laine has posted a doc:

En la aerada baseno oni blovas aeron en la akvon. Tio diserigas organikajn substancojn kaj oksidas azotajn kombinaĵojn. La partoj en la bildo estas 1. Flu-mezuriloj, 2. Aertuboj, 3. Surfundaj aeriloj (membranaj difuziloj), 4. vandoj, 5. kirliloj 6. sengasigujo.

Feĉo

nobody@ipernity.com (Harri Laine) — Sat, 01 Nov 2008 16:18:28 +0000

Harri Laine has posted a doc:

Parto de la solidaĵoj en la akvo falas funden, parto flosas. Ambaŭ tipoj (ŝlimo kaj feĉo) estas forigataj en la sendimentigaj basenoj. La akvo trapasas ĉi tiun fazon en tri horoj kaj duono.

Sedimentiga baseno

nobody@ipernity.com (Harri Laine) — Sat, 01 Nov 2008 16:18:35 +0000

Harri Laine has posted a doc:

La purigejo havas sep ĉi tiajn kavernojn kun sedimentigaj basenoj.

Proceso, ŝtupo 1

nobody@ipernity.com (Harri Laine) — Sat, 01 Nov 2008 16:18:43 +0000

Harri Laine has posted a doc:

La purigejo iam akceptas gastojn ankaŭ eksterlandajn, kaj ĉe kelkaj enirejoj troviĝas plurlingvaj informtabuloj pri la sekvaj instalaĵoj. Jen ni eniras la sekcion de unua sedimentigo kaj ŝlimodensigo. La partoj estas: 1. ŝlimdensiga konuso, 2. sedimentiga baseno, 3. ĉenskrapiloj por forigi ŝlimon, 4. feĉoforigilo.

Por krizo

nobody@ipernity.com (Harri Laine) — Sat, 01 Nov 2008 16:18:53 +0000

Harri Laine has posted a doc:

Se vi volas bani vin en baseno de kloaka akvo, ne forgesu poste duŝi vin! Por tio troviĝas ĉi tiu duŝilo por krizaj okazoj.

Ĉio eblas

nobody@ipernity.com (Harri Laine) — Sat, 01 Nov 2008 16:19:03 +0000

Harri Laine has posted a doc:

La kloakoj transportas ĉion, kion homoj forgargaras tra diversaj defluaj truoj. La plej granda hejma defluilo kutime troviĝas en necesseĝo: ĝi kapablas gluti pugne grandajn objektojn. La kloakistoj diras, ke en la akvo videblas la tuta spektro de homa vivo. Ne maloftas ĉiaj higieniloj kaj tualetiloj, inkluzive de bebaj vindaĵoj, sed oni trovadas ankaŭ infanludilojn kaj aliajn plastaĵojn, ĉian pakmaterialon, sufiĉe grandajn ostojn, falsajn dentarojn, vestaĵojn kaj bulojn de solidiĝinta graso. Jen videblas, se mi ĝuste interpretas, ĉefe papero, plasto kaj folioj de arboj. – En la grandaj kloaktuneloj ĉio fluas glate, sed eĉ negrandaj objektoj povas kroĉiĝi en anguloj de endomaj tuboj, kaj kaŭzi ŝtopiĝojn multekostajn. Tial la kloakistoj tre malkonsilas ĵeti solidaĵojn en defluilojn kaj forte rekomendas uzi necesseĝon nur por la natura eligaĵo kun tiucela papero. Sed homoj malobeemas.

Forkribritaĵo

nobody@ipernity.com (Harri Laine) — Sat, 01 Nov 2008 16:19:13 +0000

Harri Laine has posted a doc:

Jen rezultoj el la unua ŝtupo de purigado. La kombilego ŝovis la kribrorubon sur transportan bendon.

Kombilego

nobody@ipernity.com (Harri Laine) — Sat, 01 Nov 2008 16:19:23 +0000

Harri Laine has posted a doc:

Kombilego de kribrokrado levas rubon sur transportan bendon. Subtere troviĝas kvar enfluo-tuboj por kloaka akvo, ĉiu havas similan kribrokradon.

Komenco

nobody@ipernity.com (Harri Laine) — Sat, 01 Nov 2008 16:19:31 +0000

Harri Laine has posted a doc:

La akvo venanta el kloakoj similas al nigra supo. Neforta odoro de kloakaĵo ŝvebas en la aero, kaj iuj vizitantoj fingre pinĉas sian nazon. La vertikala surfaco nigra estas parto de granda kribrokrado, kiu haltigas la plej grandajn objektojn alportatajn de akvo. Aŭtomata kombilego daŭre senrubigas la kradon forprenante tro grandajn pecojn el la proceso. – Meznombre fluas tri kubmetroj (3000 litroj) da kloaka akvo en sekundo.

Mapo de labirinto

nobody@ipernity.com (Harri Laine) — Sat, 01 Nov 2008 16:19:32 +0000

Harri Laine has posted a doc:

Vizitantoj staras antaŭ mapo de la subtera mondo.

En rokon

nobody@ipernity.com (Harri Laine) — Sat, 01 Nov 2008 16:19:49 +0000

Harri Laine has posted a doc:

Granda tunelo kondukas nin al la subtera mondo de la puriga proceso. Se ĉio okazus surtere, la purigejo bezonus eble 30-hektaran terenon. En roko estas stabila medio, kiun ne ĝenas frosto, varmego. pluvo aŭ aliaj kapricoj de vetero. La purigejo pretiĝis en 1994 kaj anstataŭas 11 surterajn instalaĵojn. (Mia blogaĵo pri la afero: “La alia fino de kloako”.)