Docs from Harri Laine

Legejo

nobody@ipernity.com (Harri Laine) — Thu, 03 Dec 2009 07:08:39 +0000

Harri Laine has posted a doc:

Voĉlegista kabineto en la sonregistrejo “Lukimo”. Sur la librostableto kuŝas la verko Australia Felix de Trevor Steele. Krom la libro, nur mikrofono, kapaŭdiloj, bona lumigo kaj zorge son-izolaj muroj estas necesaj por produktado de voĉlibro. Krome, kompreneble, estas la komputila aparataro, kiun regas profesiulo en apuda ĉambro..

Vödasbuk 1

nobody@ipernity.com (Harri Laine) — Thu, 19 Nov 2009 18:01:00 +0000

Harri Laine has posted a doc:

Vortaro germana-volapuka-germana de J. M. Schleyer, la aŭtoro (datuvel) de la furora mondlingvo. Kiam aperis ĉi tiu kvara eldono, Esperanto estis unujara bebo..

La vinjeto maldekstre kadras la devizon, kiu ofte aperas en volapukaj presaĵoj ĝuste tiel, mallongigite: M. b. p. b. Dorsflanke de la titolpaĝo oni povas legi la sloganon plenvorte en tri lingvoj, volapuke, gemane kaj latine: Menadè bal pükì bal! Einer Menschheit eine Sprache! Unam uni generi humano linguam!, ‘Por unu homaro unu lingvon!’

La Unua Libro de Esperanto (1887) jam rebatis sur la kovrilo: Чтобы языкъ былъ всемірнымъ, не достаточно назвать его таковымъ., ‘Por ke lingvo estu tutmonda, ne sufiĉas nomi ĝin tia’. La frazo evidente memorigas pri la lingvonomo volapük, laŭvorte ‘mondlingvo’.

[Johann Martin Schleyer, Groſses Wörterbuch der Universalsprache volapük. 4-a eldono, 1888. 11×15 cm, 670 paĝoj.]

Vödasbuk 2 - reformeme

nobody@ipernity.com (Harri Laine) — Thu, 19 Nov 2009 18:00:59 +0000

Harri Laine has posted a doc:

Johann Martin Schleyer tenis volapukon en feraj katenoj: nur li rajtis enkonduki novajn vortojn, nur li rajtis eldoni germanajn vortarojn kaj lernolibrojn.

Li okupiĝis ankaŭ pri reformado de la germana ortografio. Tio nur iom videblas en la vortaro mem, sed diversgrade en la antaŭparoloj. En la bildo estas parto de liaj notoj por la tria eldono. Mi devis iom halti kaj repensi antaŭ ol mi certiĝis, ke tio fakte estas germana teksto.

[Johann Martin Schleyer, Groſses Wörterbuch der Universalsprache volapük. 4-a eldono, 1888.]

Ŝavaĵo

nobody@ipernity.com (Harri Laine) — Fri, 06 Nov 2009 09:31:57 +0000

Harri Laine has posted a doc:

La irlanda verkisto George Bernard Shaw testamentis monon por krei pli bonan skribon por la angla lingvo. Post lia morto, la komisiitoj aranĝis konkurson pri reformita skribo kaj fine publikigis unu teatraĵon de Shaw en du-skriba eldono. Ĉi tio estas la komenco de la verko: maldekstre la teksto presita Ŝav-alfabete, dekstre en la tradicia angla ortografio. La linioj de la novstila skribo estas okulfrape pli mallongaj ol tiuj de la normala teksto. – (G. B. Shaw, Androcles and the Lion, Penguin Books, 1962)

Harri & studejo

nobody@ipernity.com (Harri Laine) — Thu, 03 Sep 2009 11:59:13 +0000

Harri Laine has posted a doc:

Fotis István Mórocz

István, Jorma kaj lernantoj

nobody@ipernity.com (Harri Laine) — Thu, 03 Sep 2009 09:33:45 +0000

Harri Laine has posted a doc:

Instruisto István Mórocz kaj lernejestro Jorma Ahomäki (maldekstre en la foto) kun lernantoj 11–12-jaraj en la popollernejo de Rauvola, apud Turku, en sudokcidenta Finnlando. Bildo el la jaro 1961. – István instruis Esperanton en alia lernejo (en Somero) sed vizitis ankaŭ la lernejon de Jorma.

Kaj István kaj Jorma havas jam paĝaron en Ipernity, sed bedaŭrinde ankoraŭ nur malmulta enhavo troviĝas tie. Ambaŭ instruistoj-veteranoj havas multegon por rakonti, kaj mi esperas, ke ni iam vidos ĉi tie ampleksajn kontribuaĵojn de ili.

István kaj Marjo

nobody@ipernity.com (Harri Laine) — Mon, 31 Aug 2009 15:34:06 +0000

Harri Laine has posted a doc:

Instruisto kaj disĉiplino, revido post jaroj. (István Mórocz kaj Marjo Laine)

Amasmurdo, 2

nobody@ipernity.com (Harri Laine) — Wed, 19 Aug 2009 15:51:37 +0000

Harri Laine has posted a doc:

”Ne mankas tombo por mortinto nek pano por vivanto” (PE). – Tuj post halto mi jam vidis ĉi tiun muŝon sidiĝi ĉe la preta tablo. Bona plado da lekinda kaj suĉinda proteino. Sed memoru, kara muŝo, ke “de tro da pano venas malsano”.

Amasmurdo, 1

nobody@ipernity.com (Harri Laine) — Wed, 19 Aug 2009 15:40:07 +0000

Harri Laine has posted a doc:

“En amaso eĉ morto estas pli gaja” (Proverbaro Esperanta) – Detalo el la antaŭo de de mia aŭto post 1000-kilometra veturo en Finnlando. Ŝajnas, ke plejmulto de la kuloj estis bone manĝintaj, ĉar videblas tiom da freŝa ruĝo. Ĉu restoj el homa kaj alia mamula sango? Aŭ eble la malsataj, nenion manĝintaj insektoj estis tiom malpezaj, ke la aerkirloj antaŭ la rapidanta aŭto facile ĵetis ilin supren kaj tiuj mirakle savis sin.

Stranga ŝtormo, 1

nobody@ipernity.com (Harri Laine) — Wed, 19 Aug 2009 11:42:28 +0000

Harri Laine has posted a doc:

Feriante en meza Finnlando, mi subite rimarkis en apudvoja arbaro ie-tie amasojn de renversitaj arboj. La trunkoj estis dise falintaj sur areo de eble hektaro, eble kelkaj hektaroj. Tiajn areojn mi vidis kelkajn, kaj ili ŝajnis apartaj, kun distancoj de centoj da metroj. Do, mi ne vidis ian seninterrompan strion de detruo, kian kaŭzas ciklona ventego sin movanta tra arbaro.Tre mirige.

Nur vidante tion, mi memoris, ke antaŭ kelkaj tagoj mi estis leginta raportojn pri ŝtormo ie en Savo, kaj ĝuste tie mi nun estis, en la komunumo Lapinlahti.

Stranga ŝtormo, 2

nobody@ipernity.com (Harri Laine) — Wed, 19 Aug 2009 11:42:27 +0000

Harri Laine has posted a doc:

Tre kurioze, iuj arboj ankoraŭ staris kiel duonaj trunkoj, nur la suproj estis kvazaŭ forblovitaj. Ĉie plena malordo.

En Finnlando ne okazas katastrofaj uraganoj de tropika tipo, sed iam fortaj kirloventegoj detruas arbaron ne amplekse. Ĉi tio ne ŝajnis tute “normala” ciklono. Mi legis poste analizojn de vetersciencistoj, kiuj diris, ke eble estis “superĉela fulmotondro”, malofta tipo de fulma ŝtormego, kiun karakterizas meza suprenblova kirloventego kaj pluraj apartaj, fortegaj terenblovoj ĉirkaŭ la kerna ciklono.

Kantocigno

nobody@ipernity.com (Harri Laine) — Sun, 16 Aug 2009 10:58:36 +0000

Harri Laine has posted a doc:

Du kantocignoj (Cygnus cygnus). Mi rapide fotis ilin tra aŭta fenestro, sur lageto en sudorienta Finnlando. Mia simpla fotilo ne estis la plej taŭga ilo por tia situacio, foti birdojn de iom longa distanco. – Troviĝas multaj fotoj pri cigno en ipernity. Inter tiuj estas rave belegaj bildoj, sed la plej multaj montras la tuberbekan mutan cignon (Cygnus olor).

Kantocigno estas la nacia birdo de Finnlando. Dum jarmiloj, la birdon bildigis artistoj, ekde prahomoj kiuj ruĝfarbe desegnis ĝin sur rokoj ĝis modernaj artistoj. Ĝi rolis mitologie kaj simbole, kiel la mistera Cigno de Mortejo fone de Kalevala-tema pentraĵo de Gallén-Kallela. Paron de flugantaj kantocignoj oni vidas ankaŭ sur moderna ĉiutagaĵo: vidu bildon pri la finna 1-eŭra monero.

Por multaj cignofotoj el Finnlando, pli belaj ol mia bildo, vidu kion havas Roomeri kaj aliaj. Tie rolas kaj la muta kaj la kanta cigno, kaj okaze ankaŭ unu fama velŝipo, "La Cigno de Finnlando".

Surmure

nobody@ipernity.com (Harri Laine) — Thu, 13 Aug 2009 20:38:32 +0000

Harri Laine has posted a doc:

Bildojn pri ĉi tiu dom-muro mi vidis multajn, ankaŭ ĉi tie en Ipernity, sed plej ofte ili nur detale montras pentraĵojn. Nu jes, fakte indas montri la pentraĵojn, ĉar ili estas ĝuinda kreaĵo, sed jen la tuta muro. (ul. Ludwika Zamenhofa 26, Białystok)

Numero Unu

nobody@ipernity.com (Harri Laine) — Wed, 12 Aug 2009 18:29:07 +0000

Harri Laine has posted a doc:

Kongresano numero 1 en Bjalistoko mienas decideme antaŭ la lasta ero de la aŭkcio. Ne estis malfacile antaŭdiri, kiu akiros la vendotaĵon. Kaj tiel okazis: ŝi estos Numero Unu ankaŭ en Kubo.

Nun atentu, gesinjoroj!

nobody@ipernity.com (Harri Laine) — Wed, 12 Aug 2009 18:29:06 +0000

Harri Laine has posted a doc:

La antaŭlastan aŭkciaĵon ni vidis jam en Roterdamo , sed tie Tonkin rifuzis vendi ĝin por la proponitaj 500 eŭroj. En Bjalistoko estis jam pli ol unu interesato, kaj ĉi-foje la pola eldono de la Unua Libro estis vendita por 3400 zlotoj (preskaŭ 850 eŭroj).

Je la kukolo, ili estas eĉ du!

nobody@ipernity.com (Harri Laine) — Wed, 12 Aug 2009 18:29:05 +0000

Harri Laine has posted a doc:

Pli detala ekzameno montris, ke sur la vendotablo estis ne nur unu sed eĉ du ĉapeloj de la Krokodilulo (NB, senco ne kongresĵargona).

Ĉu tie? Ne, tie ĉi!

nobody@ipernity.com (Harri Laine) — Wed, 12 Aug 2009 18:29:04 +0000

Harri Laine has posted a doc:

Michela kaj Humphrey ambaŭ vidas proponon por pli alta prezo.

Ĉio okazu laŭstatute

nobody@ipernity.com (Harri Laine) — Wed, 12 Aug 2009 18:29:03 +0000

Harri Laine has posted a doc:

Osmo klarigas la proceduron kaj regularon de la komenciĝonta aŭkcio. Michela Lipari kaj Humphrey Tonkin koncentriĝas antaŭ la mansvinga batalo pri movadaj valoraĵoj..

Masaĝon por streĉitaj ŝultroj

nobody@ipernity.com (Harri Laine) — Wed, 12 Aug 2009 18:29:01 +0000

Harri Laine has posted a doc:

La publiko serĉas por si bonajn sidlokojn en la salono Lapenna, antaŭ la aŭkcio. Elektro vibras en la aero, kiam la samideanaro kalkulas siajn lastajn zlotojn kaj rigardas suspekte eventualajn konkurantojn. Unu feliĉulo eĉ sukcesis havi siajn muskolojn masaĝataj – certe agrabla malstreĉiĝo por la ŝultroj kaj nuko.

Ĉu vendi, ĉu aĉeti?

nobody@ipernity.com (Harri Laine) — Wed, 12 Aug 2009 18:29:00 +0000

Harri Laine has posted a doc:

Osmo Buller evidente cerbumas, ĉu li mem povus aĉeti la aŭkciatan ĉapelon kun pendantaj ŝnur-aldonaĵoj ĉirkaŭ la rando. Eble iam posedis ĝin Krokodilo-Dundee. Tia ĉapelo povus esti taŭga akcesoraĵo por la ofica uniformo de ĝenerala direktoro de UEA, pozitive kontribuante al ties aŭtoritato. Eble li tamen ne tro bezonis tian, ĉar mi ne aŭdis lin proponi eĉ unu groŝon, kaj la ĉapelon finfine aĉetis iu alia.