Docs from Harri Laine

LKK 1969

nobody@ipernity.com (Harri Laine) — Fri, 18 Dec 2009 16:15:08 +0000

Harri Laine has posted a doc:

Parto de la Loka Kongresa Komitato de la 54-a Universala Kongreso de Esperanto, Helsinki, 1969.

Sidas antaŭe, de maldekstre, Irja Klemola, Oskari Lehtivaara, N. G. Narvala (prezidanto) kaj Erkki Kääriäinen.

Staras Jussi Jäntti, Anna-Liisa Parko, Reino Järvinen, Raimo Stranden, Jorma Ahomäki, Reima Viinamäki, Veli Kolari, R. J. Milton kaj Harri Melasniemi.

Forestas Mikuláš Nevan (KKS), Erkki Järvinen, Severi Parko, Heljä Favén kaj Simo Raumavirta.

Ĉu blankos la kristnasko?

nobody@ipernity.com (Harri Laine) — Fri, 18 Dec 2009 15:05:28 +0000

Harri Laine has posted a doc:

Ĉi-jare ni verŝajne havos blankan kristnaskon. Estas jam neĝo, kvankam ankoraŭ ne sufiĉe por skii en arbaro, kaj la veteristoj prognozas daŭran froston. Hodiaŭ jam la temperaturo falis sub minus 20 gradojn. La bildo montras sunplenan tagmezan momenton, kiam la termometro indikis minus 18.5. (Fotita tra hejma fenestro.)

Komento de mia amiko Tapio, kiu notis la faladon de temperaturo dum la lasta semajno: "La Kopenhaga Konferenco mirinde efike malvarmigas la mondan klimaton".

Ebriiga?

nobody@ipernity.com (Harri Laine) — Wed, 16 Dec 2009 16:36:51 +0000

Harri Laine has posted a doc:

Ĉu ankaŭ postebriiga. Mia blogaĵo hodiaŭa.

Frandoberoj

nobody@ipernity.com (Harri Laine) — Sat, 12 Dec 2009 14:52:44 +0000

Harri Laine has posted a doc:

Bongustegaj sovaĝaj framboj kolektitaj en arbaro. Frambujoj estas tipe pioniraj kreskaĵoj: ili unue aperas en lumplenaj lokoj, kie arboj estas forhakitaj aŭ forbrulis. Post kiam novaj arboj jam sufiĉe kreskis por ombri la pli malaltajn frambujojn, tiuj iom post iom malaperas.

Sovaĝaj framboj

nobody@ipernity.com (Harri Laine) — Sat, 12 Dec 2009 14:52:43 +0000

Harri Laine has posted a doc:

Framboj abundis ĉi-jare. La sovaĝajn berojn de Rubus idaeus mi ŝatas multe pli ol la kulturatajn.

Kolekti sovaĝajn frambojn estas alispeca laboro ol ekzemple plukado de arbaraj mirteloj kaj vakcinioj. Por tiuj lastaj oni devas kaŭri aŭ surgenui, dum frambojn eblas pluki starante. Aliflanke, framboj maturiĝas iom post iom, ne ĉiuj samtempe, kaj oni devas atenti preni nur la maturajn. Sed la maturaj jam estas tre falemaj, kaj necesas sin gardi por ne tro svingi kaj tremigi la tigojn.

Skisalto sen neĝo

nobody@ipernity.com (Harri Laine) — Fri, 11 Dec 2009 09:47:43 +0000

Harri Laine has posted a doc:

Flugi sur skioj.

Plasta saltejo

nobody@ipernity.com (Harri Laine) — Fri, 11 Dec 2009 09:47:42 +0000

Harri Laine has posted a doc:

Sur la deklivo aliflanke de la belvida turo staras du skisaltejoj. Fine de junio troviĝas neniom da neĝo. Sur la verdejo malsupre de la granda saltejo videbletas homo, kiu skiglitis laŭ la plastokovrita glitspuro de la saltoturo kaj post la flugo alvalis al la herbejo.

Kuopio

nobody@ipernity.com (Harri Laine) — Fri, 11 Dec 2009 09:47:41 +0000

Harri Laine has posted a doc:

Urbo Kuopio en meza Finnlando. Fone estas lago Kallavesi kun insularo.

Ombro

nobody@ipernity.com (Harri Laine) — Fri, 11 Dec 2009 09:47:40 +0000

Harri Laine has posted a doc:

Mi staras sur belvida balkono de la Turo de Puijo, en Kuopio, Finnlando.

Legejo

nobody@ipernity.com (Harri Laine) — Thu, 03 Dec 2009 07:08:39 +0000

Harri Laine has posted a doc:

Voĉlegista kabineto en la sonregistrejo “Lukimo”. Sur la librostableto kuŝas la verko Australia Felix de Trevor Steele. Krom la libro, nur mikrofono, kapaŭdiloj, bona lumigo kaj zorge son-izolaj muroj estas necesaj por produktado de voĉlibro. Krome, kompreneble, estas la komputila aparataro, kiun regas profesiulo en apuda ĉambro..

Vödasbuk 1

nobody@ipernity.com (Harri Laine) — Thu, 19 Nov 2009 18:01:00 +0000

Harri Laine has posted a doc:

Vortaro germana-volapuka-germana de J. M. Schleyer, la aŭtoro (datuvel) de la furora mondlingvo. Kiam aperis ĉi tiu kvara eldono, Esperanto estis unujara bebo..

La vinjeto maldekstre kadras la devizon, kiu ofte aperas en volapukaj presaĵoj ĝuste tiel, mallongigite: M. b. p. b. Dorsflanke de la titolpaĝo oni povas legi la sloganon plenvorte en tri lingvoj, volapuke, gemane kaj latine: Menadè bal pükì bal! Einer Menschheit eine Sprache! Unam uni generi humano linguam!, ‘Por unu homaro unu lingvon!’

La Unua Libro de Esperanto (1887) jam rebatis sur la kovrilo: Чтобы языкъ былъ всемірнымъ, не достаточно назвать его таковымъ., ‘Por ke lingvo estu tutmonda, ne sufiĉas nomi ĝin tia’. La frazo evidente memorigas pri la lingvonomo volapük, laŭvorte ‘mondlingvo’.

[Johann Martin Schleyer, Groſses Wörterbuch der Universalsprache volapük. 4-a eldono, 1888. 11×15 cm, 670 paĝoj.]

Vödasbuk 2 - reformeme

nobody@ipernity.com (Harri Laine) — Thu, 19 Nov 2009 18:00:59 +0000

Harri Laine has posted a doc:

Johann Martin Schleyer tenis volapukon en feraj katenoj: nur li rajtis enkonduki novajn vortojn, nur li rajtis eldoni germanajn vortarojn kaj lernolibrojn.

Li okupiĝis ankaŭ pri reformado de la germana ortografio. Tio nur iom videblas en la vortaro mem, sed diversgrade en la antaŭparoloj. En la bildo estas parto de liaj notoj por la tria eldono. Mi devis iom halti kaj repensi antaŭ ol mi certiĝis, ke tio fakte estas germana teksto.

[Johann Martin Schleyer, Groſses Wörterbuch der Universalsprache volapük. 4-a eldono, 1888.]

Ŝavaĵo

nobody@ipernity.com (Harri Laine) — Fri, 06 Nov 2009 09:31:57 +0000

Harri Laine has posted a doc:

La irlanda verkisto George Bernard Shaw testamentis monon por krei pli bonan skribon por la angla lingvo. Post lia morto, la komisiitoj aranĝis konkurson pri reformita skribo kaj fine publikigis unu teatraĵon de Shaw en du-skriba eldono. Ĉi tio estas la komenco de la verko: maldekstre la teksto presita Ŝav-alfabete, dekstre en la tradicia angla ortografio. La linioj de la novstila skribo estas okulfrape pli mallongaj ol tiuj de la normala teksto. – (G. B. Shaw, Androcles and the Lion, Penguin Books, 1962)

Hotelo sur maro

nobody@ipernity.com (Harri Laine) — Thu, 03 Sep 2009 12:09:15 +0000

Harri Laine has posted a doc:

Ŝipo de Turku al Stokholmo. Fotis István Mórocz, en Norrskata, aŭgusto 2009.

Harri & studejo

nobody@ipernity.com (Harri Laine) — Thu, 03 Sep 2009 11:59:13 +0000

Harri Laine has posted a doc:

Fotis István Mórocz

István, Jorma kaj lernantoj

nobody@ipernity.com (Harri Laine) — Thu, 03 Sep 2009 09:33:45 +0000

Harri Laine has posted a doc:

Instruisto István Mórocz kaj lernejestro Jorma Ahomäki (maldekstre en la foto) kun lernantoj 11–12-jaraj en la popollernejo de Rauvola, apud Turku, en sudokcidenta Finnlando. Bildo el la jaro 1961. – István instruis Esperanton en alia lernejo (en Somero) sed vizitis ankaŭ la lernejon de Jorma.

Kaj István kaj Jorma havas jam paĝaron en Ipernity, sed bedaŭrinde ankoraŭ nur malmulta enhavo troviĝas tie. Ambaŭ instruistoj-veteranoj havas multegon por rakonti, kaj mi esperas, ke ni iam vidos ĉi tie ampleksajn kontribuaĵojn de ili.

István kaj Marjo

nobody@ipernity.com (Harri Laine) — Mon, 31 Aug 2009 15:34:06 +0000

Harri Laine has posted a doc:

Instruisto kaj disĉiplino, revido post jaroj. (István Mórocz kaj Marjo Laine)

Amasmurdo, 2

nobody@ipernity.com (Harri Laine) — Wed, 19 Aug 2009 15:51:37 +0000

Harri Laine has posted a doc:

”Ne mankas tombo por mortinto nek pano por vivanto” (PE). – Tuj post halto mi jam vidis ĉi tiun muŝon sidiĝi ĉe la preta tablo. Bona plado da lekinda kaj suĉinda proteino. Sed memoru, kara muŝo, ke “de tro da pano venas malsano”.

Amasmurdo, 1

nobody@ipernity.com (Harri Laine) — Wed, 19 Aug 2009 15:40:07 +0000

Harri Laine has posted a doc:

“En amaso eĉ morto estas pli gaja” (Proverbaro Esperanta) – Detalo el la antaŭo de de mia aŭto post 1000-kilometra veturo en Finnlando. Ŝajnas, ke plejmulto de la kuloj estis bone manĝintaj, ĉar videblas tiom da freŝa ruĝo. Ĉu restoj el homa kaj alia mamula sango? Aŭ eble la malsataj, nenion manĝintaj insektoj estis tiom malpezaj, ke la aerkirloj antaŭ la rapidanta aŭto facile ĵetis ilin supren kaj tiuj mirakle savis sin.

Stranga ŝtormo, 1

nobody@ipernity.com (Harri Laine) — Wed, 19 Aug 2009 11:42:28 +0000

Harri Laine has posted a doc:

Feriante en meza Finnlando, mi subite rimarkis en apudvoja arbaro ie-tie amasojn de renversitaj arboj. La trunkoj estis dise falintaj sur areo de eble hektaro, eble kelkaj hektaroj. Tiajn areojn mi vidis kelkajn, kaj ili ŝajnis apartaj, kun distancoj de centoj da metroj. Do, mi ne vidis ian seninterrompan strion de detruo, kian kaŭzas ciklona ventego sin movanta tra arbaro.Tre mirige.

Nur vidante tion, mi memoris, ke antaŭ kelkaj tagoj mi estis leginta raportojn pri ŝtormo ie en Savo, kaj ĝuste tie mi nun estis, en la komunumo Lapinlahti.