Docs from Stano Marček

Fabelo de la fratoj Grimm: Maljuna avo kaj nepo

nobody@ipernity.com (Stano Marček) — Wed, 09 Dec 2009 13:14:55 +0000

Verŝane ĉiu el ni, sed precipe niaj infanoj kaj genepoj, ŝatis, kaj eble ankoraŭ nun ŝatas aŭskulti fabelojn. Foriri el la realo en la mirindan mondon de herooj kun supernaturaj kapabloj, kie la bono venkas la malbonon. Plej agrable estis aŭskulti niajn proprajn patron aŭ patrinon, kiuj legis fabelojn ĉe nia lito...

Feliĉe voĉlegatajn fabelojn eblas registri, aldoni muzikon aŭ kantojn, kaj eldoni ilin sur kompaktdiskoj. Tiujn oni povas aŭskulti antaŭ ol (tre agrable) ekdormi, dum hejmaj laboroj, en aŭtomobilo... Emfazinda estas la pedagogia valoro de tia aŭskultado: aŭskulti kaj kompreni parolatan tekston, lerni novajn vortojn, alpoprigi al si belajn kaj modelajn vortturnojn en agrabla mondo de fabeloj.

Voĉlegitaj fabeloj ĝis antaŭ ne longe mankis en nia merkato kun kompaktdiskoj. Pro tio mi decidis forigi tiun mankon kaj komencis eldoni voĉlegitajn fabelojn (sonlibrojn) sur kompaktdikoj.

Fabeloj de la fratoj Grimm
La fratoj Jakob kaj Wilhelm Grimm estis juristoj kaj lingvosciencistoj. Ili ambaŭ laboris kiel bibliotekistoj en Kassel kaj profesoriĝis en la Universitato de Göttingen. Ili kolektis kaj eldonis popolajn fabelojn kaj historiojn. En Esperanto aperis Elektitaj fabeloj de fratoj Grimm (1906), kiujn tradukis el la germana lingvo Kabe (Kazimierz Bein, 1872 – 1959). La libro, voĉlegita de Stano Marček, nun aperis sur 8 kompaktdiskoj, aĉeteblaj unuope, aŭ en komuna plasta kovrilo. Ilia suma daŭro esdtas 7 horoj kaj duono.

Pli da informoj vi trovos ĉe: (prilaborata):

Fabelo de Andersen: Reĝidino sur pizo

nobody@ipernity.com (Stano Marček) — Wed, 09 Dec 2009 13:14:55 +0000

Stano Marček has posted a doc:

Fabeloj de Andersen
Hans Christian Andersen estis dana verkisto, kiu famiĝis ĉefe pro verkado de fabeloj. Tiuj estas tradukitaj al pli ol 100 lingvoj kaj influis ankaŭ teatraĵojn, filmojn, baletojn. La fabelojn de Andersen, kiuj aperis libroforme en kvar volumoj, tradukis al Esperanto L.L. Zamenhof.

Ĝis nun mi sukcesis voĉlegi kaj eldoni kvindekon da fabeloj de Andersen, sur 16 klasikaj kompaktdiskoj. Temas pri la fabelojn de la unuaj du volumoj. La suma daŭro estas pli ol 16 horoj. La diskoj estas aĉeteblaj unuope, aŭ po 8 en du plastaj kovriloj. Pli da informoj vi trovos ĉe:(prilaborata).

Mi laboras plu kaj preparas kaj eldonos ankaŭ la volumojn 3 kaj 4.

Kristnaska Oferto

nobody@ipernity.com (Stano Marček) — Thu, 26 Nov 2009 05:54:29 +0000

Stano Marček has posted a doc:

Ĉu Esperanta (lerno)libro aŭ kompakt-disko kun fabeloj estas taŭga kristnaska donaco por viaj proksimuloj? Jen mia aktuala oferto.

Reklamo al silento - Team'

nobody@ipernity.com (Stano Marček) — Mon, 23 Nov 2009 19:46:25 +0000

Stano Marček has posted a doc:

REKLAMO AL SILENTO

Televid’ reklamas
la silenton nun,
ĉiu jam ekflamas pro
bela oportun’!
Al silent’ reklamo
vera furoraĵ’,
importita silenteg’
plej necesa aĵ’.
Refreno:
Eblas en kaŝ’ la silenton de arbar’
havi por via dom’.
Estas garantio, indas la far’,
akiros ĝin plej ruza hom’!
Vico antaŭ fremd-butik’
longas pli kaj pli
sed silenton, kara amik’,
baldaŭ havos ni.
Konservita en skatol’
freŝa kiel lili’,
tiel enormas la feliĉ’
ke ektimas ni!
Refreno
Al silent’ reklamo
preskaŭ kiel trofe’
bruas el ĉiuj flankoj
nin konsternas tre.
Sed denove hantas
plej terura bru’,
ĉar silent’ ekmankas
jam ne estas plu.

Sur la sama ŝipo - Team'

nobody@ipernity.com (Stano Marček) — Mon, 23 Nov 2009 08:10:03 +0000

Stano Marček has posted a doc:

SUR LA SAMA ŜIPO

Printempe mi
frusonĝis ke
la dom’ ne plenas je malam’.
Falis kradar’,
apertas dom’,
kaj sin salutas ĉiu hom’.
Bela rond’
ĉar ne plu envi’,
simple mirinda mond’.
Bonan pli
ĉu elpensis vi?
Ne, pli bonan ne!
Refreno:
ĉiu el ni
ja sur la sama ŝipo
ĉiu el ni
por unu foj’.
El sama kaj’
l’ unua paŝo
por sama kaj’
ĝis forpas’.
Printempe mi
plu revis ke
la dom’ ne plenas je timem’.
Falis kradar’,
apertas dom’
kaj ĉiu tenas sin ĉe man’.
Bela rond...
Refreno

Jen mia numero - Team'

nobody@ipernity.com (Stano Marček) — Sun, 22 Nov 2009 06:58:27 +0000

Stano Marček has posted a doc:

Ĉu povas esti vi grava
veninte el sonĝoj, lud’ kaj kin’?
Cirkulas dir’, eble prava,
pri multaj, kiuj koncernis vin.
Tro diafanas la ombrelo
kaj pro tru’ ne ŝirmas vin
kaj kion vi faru el ĝi?
Sekretaj faltoj
en la kor’ ofendas vin...
telefonvoku al mi!
Refreno:
Jen mia numero
alvoku kiam aperos solecoprem’,
senta sincero
estas ĉe mi amikem’...
Vi estas nur ajnulino
konata pro sonĝoj, lud’ kaj kin’,
sed ŝajnas ke mia destino,
estonte, certe koncernos vin.
Tro diafanas la ombrelo
kaj pro tru’ ne ŝirmas vin
kaj kion vi faru el ĝi?
Sekretaj faltoj
en la kor’ ofendas vin...
telefonvoku al mi...

Rakonta silentado - Team'

nobody@ipernity.com (Stano Marček) — Sun, 22 Nov 2009 06:58:27 +0000

Stano Marček has posted a doc:

Pluv’
rakontas sen vort’, sed
en si doloras ankaŭ rid’...
ĉu ĝin nomi ted’?
Via
same nun sonas paŝ’:
laŭ vitral’ eĥas inter nin
silentad’, silentad’
Refreno:
Surda hor’
en ĝi nun
rulas nin
muta film’.
Rol’
enua por vi plej...
vane mi legas el via lip’:
vi mutas al mia sol’.
Pluv’:
tra gutar’ lacas spir’,
vi ŝajnas paĝ’ en brokantlibr’
kaj mi rekonat’.
Refreno.
Vi ĉifron havas de l’ rakont’,
en vort’ muto maskon prenis
el ni, kiu demandos ĉu la am’
plu spiras, plu spiras...

Letero de Vincento - Team'

nobody@ipernity.com (Stano Marček) — Sun, 22 Nov 2009 06:58:27 +0000

Stano Marček has posted a doc:

Refreno:
Mi serĉas ĉu mankas,
dum vipas nin la vipo de hast’,
mi serĉas, ĉu mankas
la tempo por prokrast’.
Jaroj pasas sen leter’
atende plu kreskas trist’
pri amik’ tre fora sur la ter’,
ho, pentrist’.
Jam konata, tiu ul’,
freneza Vincent’ Van,
korv-gardist’, mallaborul’,
sen ordo, sen plan’.
Refreno
En mond’ plasta kaj sen rid’,
nin falsanta ĝis fin’,
la natur’ post nia perfid’
trompas nin.
Eble venos la leter’
en ĝi, ja neni’:
da sunfloro nur semer’
el Van, por mi.
Refreno
Vanas jam de mi vespir’ plu,
ĉar ŝajnas nun,
ke malamikas kalendar’.
Mi scias ke mankas,
dum vipas nin la vipo de hast’,
mi scias, ke mankas
la tempo por prokrast’.

Prezento de nova lernolibro

nobody@ipernity.com (Stano Marček) — Sat, 07 Nov 2009 05:43:01 +0000

Stano Marček has posted a doc:

Artikolo el Zagreba Esperantisto, verkita de Josip Pleadin:

La lernolibro de Stano Marček aperis en la kroata!

Post la eldonoj en la angla, franca, itala, rusa, ĉina, japana, korea, portugala, pola, slovaka, Esperanto, greka, nederlanda, irlanda, rumana, germana, dana, litova, serba, vjetnama, luksemburga kaj hungara, la konata "Rekta metodo" de Stano Marček, slovaka eldonisto kaj redaktoro de "Esperanto-revuo" de UEA, aperis ankaŭ en la kroata lingvo kiel la 23-a eldono. Eldonis ĝin Unuiĝo de Zagrebaj Esperantistoj (UZE) kaj presis "Grafokom" en Đurđevac. Oficiale la lernolibro estos prezentita en la jara renkontiĝo de kroataj esperantistoj en Osijek la 17-an de oktobro. La solena prezento okazos en Zagrebo dum oktobro aŭ novembro. Tiam al Kroatio planas veni ankaŭ la aŭtoro Stano Marček, kiu prezentos la tutan instrumetodon kaj ekspozicios la lernolibrojn en ĉiuj 23 lingvoj en kiuj ĝis nun ĝi aperis.
.......
Sur la foto: Linda Marčeková, Stano Marček kaj Josip Pleadin dum la prezento, kiu okazis la 23-an de oktobro en Zagreba Komerca Ĉambro. Ĉeestis sepdeko da esperantistoj kaj ĵurnalistoj.

EPRM en 24 lingvoj

nobody@ipernity.com (Stano Marček) — Sat, 07 Nov 2009 05:31:18 +0000

Stano Marček has posted a doc:

La riĉe ilustrita lernolibro "Esperanto per rekta metodo" de Stano Marček (ilustris ĝin Linda Marčeková, filino de la aŭtoro) ĵus aperis en la kroata kaj finna lingvoj.

Zagreba Esperantisto

nobody@ipernity.com (Stano Marček) — Tue, 08 Sep 2009 07:17:41 +0000

Stano Marček has posted a doc:

En Zagreba Esperantisto aperis artikolo pri baldaŭa apero de "Esperanto per rekta metodo" en la kroata:

Lernolibro de Stano Marček aperos ankaŭ en la kroata

Verkita de Josip Pleadin

Jam du jarojn oni diskutis pri la bezono aperigi novan lernolibron de Esperanto en Kroatio. Komence ekzistis intenco reaperigi la lernolibron de la "Zagreba Metodo", sed ĉar ne estis atingita interkonsento kun ĉiuj aŭtoroj pri la aŭtoraj rajtoj, oni rezignis pri ĝi. Jam en 2007 montriĝis, ke ni bezonas lernolibron konvenan por elementlernejanoj kiu laŭeble povus plenumi la postulojn de koncerna Ministerio pri scienco, edukado kaj sporto. Ke la afero ne ekmoviĝis pli frue, kulpas la malkonsento de la aŭtoroj de la "Zagreba metodo" kaj funkciuloj de Kroata Esperanto-Ligo. La temo estis plurfoje diskutita inter la membroj de UZE kaj jam tiam estis klare, ke la lernolibro de Stano Marček "Esperanto per rekta metodo" povus esti unu el la ĉefaj kandidatoj. Estis konstatite, ke la "Zagreba Metodo", kvankam principe bona, bazita sur scienca esploro kaj aperinta en multaj lingvoj, tamen lastatempe postrestas. Kiel ĝia ĉefa manko montriĝis, ke malgraŭ sia 30-jara ekzisto, la metodo ĉesis evolui, mankas la B kaj C-gradaj lernolibroj, mankas la iam planitaj legaĵoj en la serio "Facila Esperanto", mankas eĉ la akompana kompaktdisko (antaŭe kasedo), bildstrio ktp. Kompare kun la "Zagreba Metodo", la rekta metodo de Stano Marček estas moderna. La lernolibro estas uzebla por la bezonoj de lernejanoj, sed eblas uzi ĝin ankaŭ por kursoj aŭ memlernado, ĉar ĝi estas ilustrita.

Ĝin akompanas la necesa aldona materialo (instrubildoj, kompaktdisko), kaj eble pro tio ĝi rapide eldoniĝas en diversaj lingvoj. La kroata eldono devus esti la 23-a, kaj laŭplane ĝi devus aperi ĉi-autune. La kroatan adapton faris Marija Jerković, la unuan lingvan kontrolon Josip Pleadin kaj la kroatan lekturon Zdravko Seleš. La eldonon entreprenis Unuiĝo de Zagrebaj Esperantistoj kunlabore kun Unuiĝo de Prelegantoj de Esperanto (kroata ILEI-sekcio). UZE pere de sia vicprezidanto en Herzberg (Germanio) subskribis la kontrakton kun Stano Marček, kiu jam pretigis la grafikan aranĝon de la tuta libro. Nun sekvas la lastaj korektoj. La libron presos "Grafokom" en Đurđevac. La Nacia kaj universitata biblioteko en Zagrebo katalogis la libron sub la numero 709164, kaj ĝia ISBN-numero estos 978-953-55418-0-6. Ĝi estos la unua libroforma eldono de UZE, aperonta en 1000 ekzempleroj.

La dana koresponda kurso de Esperanto

nobody@ipernity.com (Stano Marček) — Thu, 06 Aug 2009 17:02:45 +0000

Stano Marček has posted a doc:

La koresponda kurso de Esperanto en Danio. La kolora dosierujo A4 havas fronpaĝe instrukciojn kiel uzi la materialon. En la dosierujo estas la lernolibro "Esperanto den direkte metode", la KD "Modela elparolo" kaj taskoj por la kursano.

Korespndaj kursoj de Esperanto en Pollando, Slovakio kaj Danioo

nobody@ipernity.com (Stano Marček) — Thu, 06 Aug 2009 17:02:45 +0000

Stano Marček has posted a doc:

Por interesiĝantoj en Slovakio mi lanĉis "Korespondan kurson de Esperanto".
Ĝi baziĝas sur mia lernolibro "Esperanto priamou metódou" (slovaka versio de "Esperanto per rekta metodo").
Post mia alvoko ekinteresiĝis pri la koresponda kurso kolegoj el Pollando kaj Danio. La rezulto estas ke ankaŭ en tiuj du landoj estas lanĉataj similaj korespondaj kursoj.

Koresponda kurso de Esperanto

nobody@ipernity.com (Stano Marček) — Wed, 08 Jul 2009 05:39:16 +0000

Stano Marček has posted a doc:

Por interesiĝantoj en Slovakio mi lanĉis "Korespondan kurson de Esperanto".
Ĝi baziĝas sur mia lernolibro "Esperanto priamou metódou" (slovaka versio de "Esperanto per rekta metodo"). Informo pri la kurso troviĝas sur la retpaĝaro de Slovaka Esperanto-Federacio: http://www.esperanto.sk, resp. http://esperanto.sk/eo/kurzy.php,
kaj sur la paĝaro de la plej granda slovaka reta librobutiko Martinus:
http://www.martinus.sk/?uItem=68828

La materialoj, kiujn per poŝto ricevas la aliĝinto, konsistas el:
– Papera dosierujo A4 kun kolora kovrilo (vidu la bildon)
– La lernolibro "Esperanto priamou metódou"
– La KD "Modela elparolo" (3-hora registraĵo kun voĉlegitaj E-tekstoj de la lernolibro)
– Instrukcioj kiel uzi la kurson kaj skribaj taskoj por la lecionoj 1 ĝis 7 (la ceterajn ricevados la kursanoj rete)

Simila koresponda kurso jam funkcias en Aŭstralio: http://kurso.esperanto.org.au/pages/our-courses/course-level-1.php

Se vi volas lanĉi similan korespondan kurson en via lando, bonvolu kontakti min.

Amike salutas

Stano Marček

(stano.marcek@gmail.com)

Esperanto per rekta metodo en 22 lingvoj

nobody@ipernity.com (Stano Marček) — Mon, 15 Jun 2009 08:56:43 +0000

Stano Marček has posted a doc:

Jen folio kun la ĝis nun aperintaj 22 versioj de mia lernolibro. En preparo estas plia dudeko...

Eszperantó egyenesen és közvetlenül

nobody@ipernity.com (Stano Marček) — Fri, 15 May 2009 03:36:30 +0000

Stano Marček has posted a doc:

Komplete ilustrita 22-leciona kurso por hungarlingvanoj, kun vortaretoj ambaŭdirektaj. Aŭtoro Stano Marček. Ilustris Linda Marčeková. En la hungaran trad. Imré Szabó. Martin: La aŭtoro, 2009. 114p. 25cm. ISBN 97880893120106. € 7,50

Esperanto-direkt

nobody@ipernity.com (Stano Marček) — Tue, 12 May 2009 04:51:46 +0000

Stano Marček has posted a doc:

Komplete ilustrita 22-leciona kurso por germanlingvanoj, kun vortaretoj ambaŭdirektaj. Dua, korektita eldono. Aŭtoro Stano Marček. Ilustris Linda Marčeková. En la germanan trad. Ingrid Žalneva. Martin: La aŭtoro, 2009. 114p. 25cm. ISBN 9788089312139. € 7,50

Esperanto mat der direkter Method

nobody@ipernity.com (Stano Marček) — Tue, 12 May 2009 04:51:46 +0000

Stano Marček has posted a doc:

Komplete ilustrita 22-leciona kurso por luksemburglingvanoj, kun vortaretoj ambaŭdirektaj. Aŭtoro Stano Marček. Ilustris Linda Marčeková. En la luksemburgan trad. Bernadette Fuchs,
Pascale Karger, Charles Kerger, Toiny Theis, Albert Wickler. Martin: La aŭtoro, 2009. 114p. 25cm. ISBN 9788089312122. € 7,50

Kompaktdiskoj kun voĉlegitaj fabeloj, oferto

nobody@ipernity.com (Stano Marček) — Wed, 06 May 2009 07:33:49 +0000

Stano Marček has posted a doc:

Bona Espero, idealo kaj realo

nobody@ipernity.com (Stano Marček) — Tue, 05 May 2009 19:35:01 +0000

Stano Marček has posted a doc:

Aŭtoro Roman Dobrzyński. Verkita laŭ interparoloj kun Ursula kaj Giuseppe Grattapgia, okaze de la ora jubileo de Bona Espero. Martin: Stano Marček, 2008. 256p. 21cm. ISBN 9788089312108. Ilustrita, kolora, Bindita. € 15.