Articles from Raymonde Coquisart

Karaj amikoj ĉirkaù la mondo

nobody@ipernity.com (Raymonde Coquisart) — Fri, 03 May 2019 18:59:29 +0000

Raymonde Coquisart has posted an article:

Karaj geamikoj,

Ni proponas rigardi 2 seriojn da fotoj kiuj montras malnovajn aùtomobilojn, malnovajn motojn kaj promenado de la gusto nia departemento Seine et Marne (77). Ne hezitu donu vian opinion pri la temoj.... Fino de la pasintjaraj eventoj …. Espereble en 2019, estos ankaù fotoj pri esperanto eventoj ….

Ne hezitu skribi al ni viajn opiniojn pri la blogo …..

Jen la ligilo

raymondejoelfotografistoj.blogspot.com

Koran saluton !

Raymonde kaj Joël

Karaj amikoj ĉirkaù la mondo

nobody@ipernity.com (Raymonde Coquisart) — Wed, 20 Mar 2019 13:52:59 +0000

Raymonde Coquisart has posted an article:

Karaj geamikoj,

Eble vi ne konas la francan skulptiston Antoine Bourdelle (1861-1929).... Eble plaĉus al vi malkovri la skulptaĵojn de li …. aù revidi ilin se vi jam konas Bourdelle ….

Ni proponas rigardi 2 seriojn da fotoj faritaj en la ĝardenmuzeo Bourdelle kiu troviĝas en nia departemento Seine et Marne (77). Ne hezitu donu vian opinion pri la temo....

Aliaj ĝisdatigoj baldaù aperos.

Ne hezitu skribi al ni viajn opiniojn pri la blogo …..

Jen la ligilo

raymondejoelfotografistoj.blogspot.com

Koran saluton !

Raymonde kaj Joël

Karaj geamikoj ĉirkaù la mondo,

nobody@ipernity.com (Raymonde Coquisart) — Mon, 05 Nov 2018 17:12:09 +0000

Raymonde Coquisart has posted an article:

Karaj geamikoj,

Ni proponas rigardi plurajn seriojn da ĝisdatigoj de nia retejo kiuj montras fotojn de promenado de nia motorcikla asocio kaj de niaj juniaj ferioj en regiono Vendeo.

Aliaj ĝisdatigoj aperos komence de decembro.

Ne hezitu skribi al ni viajn opiniojn pri la blogo …..

Jen la ligilo :

raymondejoelfotografistoj.blogspot.com

Koran saluton !

Raymonde kaj Joël

Gazetaraj Komunikoj de UEA N-ro 749 2018-08-10

nobody@ipernity.com (Raymonde Coquisart) — Fri, 10 Aug 2018 11:23:47 +0000

Raymonde Coquisart has posted an article:

REZOLUCIO DE LA 103-A UNIVERSALA KONGRESO DE ESPERANTO

La 103-a Universala Kongreso de Esperanto, kunveninte en Lisbono de la 28-a de julio ĝis la 4-a de aŭgusto 2018, kun 1567 partoprenintoj el 73 landoj,

konfirmas la grandan aktualecon de la kongresa temo "Kulturo, lingvoj, tutmondiĝo: kien nun?", kiu estis traktita tra la semajno en kvar diversaj sesioj kun abunda partopreno;

notas la koincidon de ĉi tiuj diskutoj kun la 100-a datreveno de la fino de la Unua Mondmilito, kiu markis turnopunkton en la tutmondiĝa procezo;

substrekas ke la radikoj de la nuna kultura kaj lingva diskriminacio kaj soci-ekonomia sufero, spertataj de granda parto de la homaro, troviĝas en la longa historio de koloniado eŭropa kaj de aliaj landoj pasinta kaj nuntempa, kaj ke solvoj postulas la malkonstruadon de koloniecaj mondrigardoj kaj potencdividoj;

atentigas, ke la neŭtrale homa lingvo Esperanto estas potenca rimedo por mensa malkoloniado, ebliganta reciprokan interkonatiĝon kaj kompreniĝon ekster la kutimaj kadroj de privilegio kaj ekskludado;

pledas por urĝa atento al la defiaj problemoj de lingva, kultura kaj alispeca diskriminacio, sufero kaj mortigo, kunligitaj kun la detruado de la naturo kaj aliaj perfortaj tendencoj de la tutmondiĝo;

deklaras la pretecon de la parolantoj de Esperanto kunlabori en agadoj por helpi kaj protekti homojn kaj popolojn kontraŭ tia perfortado kaj kontribui al la procedo de mensa malkoloniado en ĉiuj landoj de la mondo,

kaj alvokas la aktivulojn por Esperanto al praktika solidareca agado kun la suferantoj inkluzive de migrantoj kaj rifuĝintoj laŭ la plej noblaj tradicioj de nia movado.

Karaj geamikoj ĉirkaù la mondo,

nobody@ipernity.com (Raymonde Coquisart) — Fri, 10 Aug 2018 04:19:46 +0000

Raymonde Coquisart has posted an article:

Vizitu nian foto blogon .....

raymondejoelfotografistoj.blogspot.com

Baldaù novaj fotoj......

Gazetaraj Komunikoj de UEA N-ro 748 2018-08-09

nobody@ipernity.com (Raymonde Coquisart) — Fri, 10 Aug 2018 04:17:01 +0000

Raymonde Coquisart has posted an article:

DU NOVAJ MEMBROJ DE LA HONORA PATRONA KOMITATO

La Honora Patrona Komitato de UEA ekhavis du novajn membrojn: Vytenis Andriukaitis kaj Judit Polgár. Tiu honora organo konsistas el lingvistoj, sciencistoj kaj aliaj eminentuloj, kiuj faris gravajn servojn al la Esperanto-Movado kaj mem parolas kaj verkis en la Internacia Lingvo. Pri la elekto de Andriukaitis kaj Polgár decidis la Komitato de UEA en sia kunsido en Lisbono.

Vytenis Andriukaitis

Vytenis Povilas Andriukaitis (n. 1951.08.09 en vilaĝo Kjusjur, Jakutio, Sovetunio) estas litova medicinisto, politikisto kaj parlamentano, kiu ekde 2014 oficas kiel Komisionano de Eŭropa Unio pri Sano kaj Nutraĵa Sekureco. Diplomito de Kaŭna Medicina Universitato (1975), li laboris kiel kardiologo-kirurgo en Ignalina, Kaŭno kaj Vilno, kaj krome studis en la Historia Fakultato de Universitato Vilno, ricevante magistran diplomon en 1984. Li estis aktiva en la (komence subtera) movado por la sendependiĝo de Litovio, pro kio li estis persekutata dum pluraj jaroj sub la sovietia registaro. Kungvidanto de la Litovia Social-Demokrata Partio, li fariĝis parlamentano en 1990 kaj kontribuis al la laboroj pri la nova konstitucio. Ekde 1993 li dediĉis sin plene al la politiko; de 2000 ĝis 2004 li rolis kiel vicprezidanto de la parlamento. En la jaroj 2012 ĝis 2014 li estis la ministro pri sano de Litovio, ĝis sia nomumo kiel litova membro de la Eŭropa Komisiono.

D-ro Andriukaitis komencis memstare lerni Esperanton en la jaro 1976, dum nokta deĵorado kiel kirurgo en malsanulejo en Ignalina. Laŭ sia propra klarigo, li elektis lerni la lingvon kiel protesto kontraŭ la rusiga premo de la tiama sovetia registaro. Dum pluraj jaroj li regule partoprenis kunvenojn de la Esperanto-klubo de Vilno, kiun gvidis lia medicinisto-kolego Adomas Vaitilavičius. La kresko de lia politika kariero iom post iom malhelpis lian pluan okupiĝon pri Esperanto, sed li restis daŭre interesita kaj subtenema pri la movado, i.a. kunlige kun la organizado de la 90a Universala Kongreso (Vilno, 2005). En la lastaj jaroj oftiĝis tiuj kontaktoj; plej notinde, li faris oficialajn paroladojn en Esperanto ĉe lingvopolitika konferenco en Nitro, 2016, kiu disvolviĝis paralele al la 101-a Universala Kongreso, kaj ĉe la komuna kongreso de Germana E-Asocio kaj Eŭropa Esperanto-Unio en Freiburg, 2017. Ambaŭ paroladoj, kiuj elokvente substrekas la porpacan kaj homrajtan kontribuojn de Esperanto, estas legeblaj en la oficiala retejo de la Komisiono.

Judit Polgár

Judit Polgár (n. 1976.07.23, Budapeŝto, Hungario) estas profesia ŝakludisto, senkompare la plej sukcesa virino sur tiu kampo en la historio. Atinginte la rangon de grandmajstro en la aĝo de 15 jaroj (1991), ŝi tenis la titolon de plej forta virina ŝakludisto en la mondo dum pli ol 25 jaroj, kaj sukcese konkursis en centoj da turniroj kontraŭ la plej bonaj viraj ŝakludistoj. En la jaro 2005 – post la nasko de sia filo – ŝi atingis la 8-an lokon en la monda ranglisto, kun Elo-poentaro de 2735. Fama pro siaj intensaj lud-stilo kaj konduto, ŝi sukcesis renversi multajn antaŭjuĝojn pri la ŝak-kapabloj de virinoj; pluraj famaj ŝakistoj konsideras ŝin inter la plej talentaj ludantoj de ĉiuj epokoj. Ŝiaj ludoj inkluzivas venkojn kontraŭ 11 aktualaj aŭ iamaj mondaj ĉampionoj. Retiriĝinte el konkursado en 2014, ŝi nun estas la ĉefa trejnisto de la hungara nacia (vira) teamo.

S-ino Polgár lernis Esperanton same frue kiel ŝi lernis ŝakon. Ambaŭ okazis pro la elekto de ŝiaj gepatroj, Laszló kaj Klara Polgár, kiuj decidis eduki siajn tri filinojn hejme kaj provi disvolvi ĉe ili specialan intelektan talenton. Ŝako kaj Esperanto estis du grandaj pasioj de la patro, kaj do nature fariĝis kernaj elementoj de la familia eduka sistemo, kiu emfazis ankaŭ disciplinon, kreemon, ambicion, kaj plurflankecon. En la okdekaj jaroj la familio komencis famiĝi, unuflanke inter esperantistoj, sed ankaŭ pli kaj pli en la hungara kaj internacia socioj, pro la rimarkindaj sukcesoj de ĉiuj tri fratinoj pri ŝakludado. La plej aĝa fratino, Zsuzsa (1969) atingis la rangon de la plej bona virina ŝakludisto en la mondo en 1984; du jarojn poste, la dua fratino, Zsofia (1974), gajnis la duan lokon en la monda ĉampioneco por ŝakludistoj sub 14 jaroj. En 1988 kaj 1990 la tri fratinoj ludis kune en la hungara virina ŝakolimpika teamo, gajnante ambaŭfoje la oran medalon. Iliaj brilaj karieroj altiris multan favoran atenton al la edukaj teorioj de la patro, kiu ĉiam menciis Esperanton kiel idealan unuan fremdan lingvon por la edukado de infanoj.

Multlingva kiel multaj esperantistoj, s-ino Polgár malofte parolas Esperanton nuntempe, sed ĝi restas grava parto de ŝia familia identeco. Kiel plej elstara pruvo de la kapablo de infanoj “edukiĝi al genieco”, ŝi multe kontribuis al la prestiĝo de nia lingvo en la ŝakluda kaj eduka mondoj.

Gazetaraj Komunikoj de UEA N-ro 747 2018-08-09

nobody@ipernity.com (Raymonde Coquisart) — Fri, 10 Aug 2018 04:15:35 +0000

Raymonde Coquisart has posted an article:

TRI NOVAJ HONORAJ MEMBROJ DE UEA

En la 103-a Universala Kongreso en Lisbono UEA ricevis tri novajn Honorajn Membrojn. Pro iliaj gravaj servoj al la tutmonda Esperanto-movado la Komitato de UEA distingis s-inon María Rafaela Urueña Alvarez kaj s-ron Josep Franquesa i Solé, el Hispanio kaj s-ron NAN Youli, el Ĉinio.

Josep FRANQUESA i SOLÉ (n. 1937 en Sant Feliu de Codines, Katalunio, Hispanio) eklernis Esperanton kiel adoleskulo en sia naskiĝvilaĝo. Post la jaroj de deviga lernejo, en la urbo Lleida li disvolvis longas karieron kiel komercisto, unue sur la kampo de kokinbredado, poste rilate al varoj por aŭto-riparado kaj hidraŭlikaj ekipaĵoj. En tiu pangajna laboro li ofte kaj kreeme uzis Esperanton por fari internaciajn kontaktojn, starigi komercajn rilatojn, kaj ekscii pri novaj sciencaj kaj teknikaj evoluoj. Pri tiu duona jarcento de sukcesa utiligo de la lingvo li verkis elokvente en la eseo “Malgranda estas bela, grava kaj interesa” (Malgranda estas bela: Prelegaro de la 31a Kataluna kaj 4a Transpirenea Kongreso de Esperanto, 2003). Liaj multnombraj internaciaj amikecoj kaj lia entuziasmo por tiu konkreta per-Esperanta agado restas tre konvinkaj prvuoj de ĝia valoro, ankaŭ por la novaj generacioj de esperantistoj.

Ne estas surprize, ke tiu dumviva praktika rilato al Esperanto esprimiĝis ankaŭ per multjara membreco en UEA, ekde 1982 ankaŭ kiel regula membro de Societo Zamenhof, kaj per partopreno en kvardeko da Universalaj Kongresoj. Lia sukcesa komerca agado instigis lin aktiviĝi, ekde 1996, en la Internacia Komerca kaj Ekonomia Fakgrupo (IKEF), aliĝinta faka asocio de UEA. En la sama periodo li fariĝis C-komitatano de UEA, restante ĉe tiu posteno de 1995 ĝis 2001 kaj denove de 2004 ĝis 2013 – entute 15 jarojn.

Ĉe la landa nivelo, Josep Franquesa kontribuis longe kaj diversmaniere al la kataluna kaj hispana movadoj, interalie kiel prezidanto de la lokaj kongresaj komitatoj en la hispana kaj kataluna kongresoj en Lleida en 1975, respektive 1986. Ekde la 90-aj jaroj li rolis dum diversaj mandatoj kiel prezidanto de Kataluna Esperanto-Asocio, foje interŝanĝante la postenon kun tiu de vicprezidanto. Ne malplej notinde, lia filino kaj almenau du el liaj nepoj aktive parolas Esperanton.

Sudo NAN Youli (n. 1942 en Pekino, Ĉinio) havas manĉuran naciecon; tra la jardekoj de sia Esperanto-agado, li fariĝis eble la plej konata kaj respektata aktivulo en ĉina Esperantujo. Li ekesperantistiĝis en 1962 ĉe la Esperanto-fako de Pekina Radiodissenda Kolegio, kie li estis studento. Akirinte la diplomon en 1964, li eklaboris en Pekina Radiostacio, antaŭaĵo de Ĉina Radio Internacia, kaj partoprenis la preparan laboron de la Esperanta dissendo kaj Esperanto-sekcio. Ekde ties lanĉo li diskoniĝis kiel unu el la ĉefaj “voĉoj” de Ĉinio en Esperanto, laborante 25 jarojn kiel parolisto, ĵurnalisto kaj redaktoro de la Esperanto-sekcio. En 1989 li ŝanĝis okupon, fariĝante direktoro de kultura-interŝanĝa centro kaj vicprezidanto de la sindikato de Ĉina Radio Internacia, inter aliaj okupoj, ĝis sia emeritiĝo.

La profesia laboro por Esperanto neniam sufiĉis por s-ro Nan; tra duona jarcento li organizis dekojn da kursoj kaj aktivaĵoj kaj trejnis centojn da esperantistoj el diversaj regionoj tra Ĉinio. Laŭ unu takso, duono de la nunaj gvidantoj de ĉinaj Esperanto-organizoj estis liaj kursanoj. Li estis ankaŭ tre aktiva gastiganto kaj ĉiĉerono de alilandaj esperantistoj. Kiel vicprezidanto de Monda Turismo, li akceptis pli ol mil esperantistojn el diversaj landoj kaj ofte gvidis Esperanto-karavanojn tra la lando. En la ĉefurbo Pekino li ludis ŝlosilan rolon kiel organizanto de la loka movado, farante gravajn kontribuojn al la lokaj kongresaj komitatoj de la Universalaj Kongresoj en 1986 kaj 2004. La lastajn dudek jarojn li estis prezidanto de Pekina Esperanto-Asocio, nun estas ĝia honora prezidanto kaj prezidanto de la inspektantaro de Ĉina Esperanto-Ligo. Li estas ankaŭ dumviva membro de UEA.

Kiel elstara parolanto de la lingvo, s-ro Nan partoprenis la redaktadon de diversaj gravaj ĉinaj libroj en Esperanto, inkluzive de Esperanta-ĉina vortaro, Ĉina-Esperanta vortaro, Konciza historio de la ĉina Esperanto-movado, Verkaro de Prezidento Mao Zedong, Ĉina antologio, Ĉina enciklopedio, Moroj de ĉinaj nacimalplimultoj kaj aliaj. Per tiu agado, same kiel per siaj radio-elsendoj kaj sia organiza laboro, li faris nemalhaveblan kontribuon al la tutmondeco de Esperanto en la lasta duona jarcento.

María Rafaela URUEÑA ALVAREZ (n. 1942 en Bilbao, Hispanio) estas fakulo pri internacia juro kaj gvida aktivulo en la loka, landa kaj internacia Esperanto-movadoj. Juron ŝi studis en la Universitato de Valladolid, kie ŝi atingis “eksterordinaran premion” okaze de la diplomiĝo. En 1979 ŝi doktoriĝis pri juro, kaj ekde 1986 laboris kiel profesorino pri Internacia Juro kaj Internaciaj Rilatoj en la Universitato de Valladolid, ĝis sia emeritiĝo. Dum 11 jaroj ŝi gvidis kursojn pri Naturjuro kaj Internacia Juro en la Nacia Universitato de Neĉeesta Lernado, en la hispana urbo Palencio. Ŝi estas membro de la Katedro “Jean Monnet” pri Eŭropa Juro, kaj fondinta membro de la Instituto por Eŭropaj Studoj en la Universitato de Valladolid.

Prof. Urueña ofte prelegis pri juraj temoj en la kadro de Internacia Kongresa Universitato dum la Universalaj Kongresoj; ŝi estis krome la Rektorino de IKU dum la UK en Valencio, 1993. Aŭtoro de multaj libroj kaj artikoloj en la hispana. i.a. pri medio-protektado kaj juro de la maro, ŝi publikigis krome la E-librojn ABC de la Eŭropa Unio: Enkonduko en la eŭropan juron (1997) kaj Eŭropa Unio, paŝon post paŝo (2014). En 2016 aperis ŝia enkonduka eseo en la libreto eldonita de UEA kun pluraj internaciaj traktatoj, Fundamento de la Homaj Rajtoj. Ŝi estas la Honora Prezidanto de la UEA-laborgrupo “Esperanto por UN”, kaj dumviva asociita membro de AIS San Marino. Post la refondo de internacia faka asocio pri juro (post la forpaso de d-ro Ivo Lapenna), ŝi estis prezidanto de Jura Esperanto-Asocio (EJA) ekde 1991 ĝis 1995, kaj denove kun la sama posteno ekde 2010 ĝis 2015. Nun ŝi estas Sekretario de Internacia Jurista Esperanta Asocio (IJEA).

Dumviva membro de UEA kaj regula membro de Societo Zamenhof, prof. Unueña signife kontribuis ankaŭ al la loka kaj landa movadoj jam ekde la jaro 1960. Dum pluraj jaroj ŝi gvidis kurson pri Esperanto per “Radio Valladolid”, kaj de 1978 ĝis 1984 ŝi estis Prezidanto de Hispana Esperanto-Federacio. En 1998 ŝi estis la prezidanto de la loka kongresa komitato por la hispana kongreso en Valladolid. En 2010 ŝi ricevis la premion Ada Fighiera Sikorska de la kataluna Kultura Asocio Esperantista, rekone al ŝiaj multaj kontribuoj enlande kaj internacie.

BALADE HIVERNALE

nobody@ipernity.com (Raymonde Coquisart) — Thu, 08 Mar 2018 19:37:30 +0000

Raymonde Coquisart has posted an article:

Dimanche 25 février, balade d'ouverture de la saison 2018 du Moret Moto Club.... Balade « hivernale » …. Félicitations aux 12 participants qui avaient répondu présents, 10 lors de la première info de la balade auxquels se sont ajoutés 2 nouveaux motards…. Eh oui, en raison de la météo, se posait la question du maintien de ladite balade.... Alors, nouvelle info sur l'organisation ou non de la balade ….Et tous prêts à rouler !!!!

En tout 8 motos et une voiture avec 3 personnes.... Une joyeuse équipe de 15 personnes....Cette balade de 70 kms a conduit le groupe à l'aller à travers la communauté de communes des Terres du Gâtinais et au retour à travers la communauté de communes du Pays de Bière. Le but de cette balade la Verrerie d'Art de Soisy sur Ecole.

Fin de la balade devant un bon chocolat chaud à Fontainebleau et la promesse de se revoir très vite lors de la prochaine balade du 25 mars qui nous conduira vers le Musée de la Grande Guerre à Meaux.

Pour voir les photos, suivez le lien :

get.google.com/albumarchive/110727372673982043819/album/AF1QipOpHOFZoXctUD5fmtDYp1z2rH8lwrq8gcCAzk9E

Karaj geamikoj ĉirkaù la mondo,

nobody@ipernity.com (Raymonde Coquisart) — Sun, 26 Nov 2017 14:18:22 +0000

Raymonde Coquisart has posted an article:

Confluences 2013, nova albumo prezentas nigreblankajn fotojn realigitajn dum la periodo inter junio 2011 kaj decembro 2013.

raymondejoelfotografistoj.blogspot.fr

Confluence 2013, nouvel album présentant des photos noir et

blanc réalisée entre juin 2011 et décembre 2013

Karaj geamikoj ĉirkaù la mondo,

nobody@ipernity.com (Raymonde Coquisart) — Sun, 12 Nov 2017 13:25:54 +0000

Raymonde Coquisart has posted an article:

Novaj fotoj sur ni blogo : la festo Halloween la 2-an de novembro 2017 en parko Nigloland. VIZITU kaj PROMENU !!!!

raymondejoelfotografistoj.blogspot.fr

Karaj geamikoj ĉirkaù la mondo,

nobody@ipernity.com (Raymonde Coquisart) — Mon, 30 Oct 2017 15:59:32 +0000

Raymonde Coquisart has posted an article:

Nia blogo en Esperanto pri fotoj denove estas videbla kun novaj fotoj ... Vizitu ĝin !!!

Nia blogo baziĝas sur gastigadaplikaĵo por fotoj PICASA WEB. Vi ne devas enskribiĝi... Ne estas reklamoj … Vi havas la eblecon publikigi komentojn.

raymondejoelfotografistoj.blogspot.fr

Ni deziras al vi agrablan viziton de niaj fotogalerioj kaj rendevuas, kiel eble plej rapide, por montri al vi multajn aliajn lokojn kaj esperanto eventojn.

Plej amike,

Raymonde kaj Joël

Okazos granda publika prelego en Liaoning en Ĉinio

nobody@ipernity.com (Raymonde Coquisart) — Tue, 04 Jul 2017 12:45:52 +0000

Raymonde Coquisart has posted an article:

Por festi la Zamenhofan jaron kaj la unuan libron granda publika prelego kun titolo “Internacia lingvo en la estonteco kaj Kreinto de Esperanto Zamenhof” okazos en la 23-a de julio 2017 en Shenyang, ĉefurbo de Liaoning, Ĉinio. S-ro LIU Weijie, esperantisto kaj prezidanto de Liaoning Internacia Ekonomia kaj Kultura Klubo, faros tiun prelegon. Post kiam tiu informo estis publikita al la publiko en la 24-a de junio, reagoj estas neatendite aktivaj, ĝis la 2-a de julio 59 personoj el kulturo, ekonomio, eduko, scienctekniko, religio, registaroj ktp. aliĝis al ĝi, i.a. kelkaj kulturaj famuloj. La 27-an de junio s-ino WANG Ping, fama juna pentristino de la provinco, aparte kreis pentraĵon pri Zamenhof por la prelego, vidu fotojn. Raportistoj el gazetaro (televidoj, radioj, ĵurnaloj kaj retoj de la provinco kaj urbo) intervjuos la prelegon, ĝis la 3-a de julio Liaoning Televido, Shenyang Televido, Shenyang Ĵurnalo, Novaĵa Retejo de Nordorienta Ĉinio (www.nen.com.cn), Hong Kong Ekonomia Retejo (www.hkfe.com) kaj retejo de Fenikso-Liaoning (ln.ifeng.com) jam konfirmis ke ili raportos aŭ elsendos tiun okazon.

La enhavo de la prelego konsistas el prelego, voĉlego de gratulaj mesaĝoj, legado de poemoj en Esperanto kaj paroladoj de la honoraj gastoj. Pro monohelpo de kelkaj entreprenoj ĉiu partoprenanto povos subskribi propran nomon sur granda fona muro kun vortoj “ Zamenhofa Jaro” kaj versioj de ses laboraj lingvoj uzataj de UN, nome angla, araba, ĉina, franca, hispana kaj rusa, akiri verdan ceremonian tukon, ĝui fruktojn, akiri donacaĵon kaj Esperanto-libron.

Gratuloj kaj similaj raportoj pri la Zamenhofa jaro estas bonvenaj. Ili ne nur estos voĉlegotaj antaŭ la prelego, sed plejprobable fariĝos bonaj materialoj de raportistoj por efike kaj vivante raporti pri la evento.

Ni petas al esperantistoj helpi nin traduki la vortojn “ Zamenhofa Jaro” en la kvin lingvojn, nome angla, araba, franca, hispana kaj rusa.

La limdato por ricevo de gratulaj mesaĝoj, similaj raportoj kaj versioj estas la 14-a de julio 2017.

Por faciligi intervjuon de la raportistoj sendantoj certe mencias necesajn informojn: nomo, urbo, lando, E-organizo (se ekzistas).

Wu Guojiang

Liaoning-provinca Esperanto-Asocio, Ĉinio

Adreso: Fushun Xinfu-Qu, Qianjin-Lu, 45-Hao, 113015 Fushun , Liaoning , Ĉinio.

Retadresoj: ghemelurboj@sina.cn amikeco999@21cn.com

Blogo pri fotado

nobody@ipernity.com (Raymonde Coquisart) — Thu, 29 Jun 2017 11:40:16 +0000

Raymonde Coquisart has posted an article:

Nepe vizitu nian blogon en esperanto pri fotado :

raymondejoelfotografistoj.blogspot.fr

Komentoj bonvenas !

MORET MOTO CLUB « Les Copains Motards »

nobody@ipernity.com (Raymonde Coquisart) — Mon, 24 Apr 2017 18:43:48 +0000

Raymonde Coquisart has posted an article:

Salut à tous et toutes !

22 motos et 29 personnes pour cette balade très ensoleillée. Quelques nouveaux et nouvelles pour découvrir notre club, une adhérente qui vient pour la première fois avec son bike-conversion Suzuki Intruder 800.

Beau soleil mais pas très chaud, surtout au moment du pique-nique, balayé en permanence par un vent du Nord Est glacé et pénétrant.

Le vent est tombé pendant la visite de la vieille ville de Troyes. On peut profiter des terrasses pour siroter un petit verre...

Merci à Alain et Daisy pour leurs photos.

Pour visionner les photos :

plus.google.com/photos/110727372673982043819/albums/6412580948675165425

Ce n’est pas si courant, rare même...le 1er mai tombe un lundi. Alors on en profite pour organiser une balade à Cruzy le Chatel. Bientôt un mail pour les détails. Réservez cette journée !

Pour tout renseignement, n’hésitez pas à nous contacter via le site ou par téléphone au

06 82 06 60 69 !

Visiter le site : www.copains-motards.fr

FELIĈAN JARON 2017 ! BONNE ANNEE 2017 !

nobody@ipernity.com (Raymonde Coquisart) — Sun, 01 Jan 2017 17:14:40 +0000

Raymonde Coquisart has posted an article:

Ke tiu nova jaro alportu al vi sanon, feliĉon kaj ĉion bonan !!!

Que cette nouvelle année vous apporte la santé, le bonheur et le meilleur !!!

Gazetaraj Komunikoj n° 654 / 2016-11-29

nobody@ipernity.com (Raymonde Coquisart) — Sat, 03 Dec 2016 19:56:38 +0000

Raymonde Coquisart has posted an article:

KONKURSO POR PAĜARO PRI ZAMENHOF

UEA lanĉas konkurson por kreado de paĝaro pri Zamenhof okaze de la Zamenhof-Jaro, kiu okazos en 2017.

Se vi fakas pri retejo-kreado, prezentu vian proponon por krei retejon pri Zamenhof.

Kion?

La nova retejo enhavu detalan kaj allogan prezenton pri la vivo, verkoj, fotoj, filmetoj, citaĵoj kaj idearo de Zamenhof.

La retejo celas enkadriĝi en la iniciatoj rilataj al la Zamenhof-Jaro, sed ankaŭ esti uzebla post 2017 kiel ĉefa informejo pri Zamenhof. Tial, ni antaŭvidas ke post la lanĉo de la retejo la laboroj daŭros la tutan jaron, sekvantan la okazaĵojn rilate al la Zamenhof-Jaro.

Kia ĝi estu?

La strukturo estu tia, ke:

ĝi povu mem rekoni la lingvan preferon de la uzanto, kaj montri la retejon tuj en tiu lingvo

ĝi devas doni eblon havi pli ol 50 diversajn lingvoversiojn.

Rilate al la aspekto, ni konsideros:

la ĝeneralan belecon kaj agrablecon

la implicitajn mesaĝojn: moderneco, diverseco, amikeco

La informoj en la retejo estu:

bone organizitaj

allogaj, detalaj - ja ni celas ĝin kiel ĉefan informejon pri Zamenhof

diversaj (filmetoj, fotoj, tekstoj)

La administrado estu:

farebla por ne-komputilistoj

facile ĝisdatigebla (ni atentu pri sekureco)

diversaj homoj devas havi la eblon havi diversajn administrajn rajtojn

facile tradukebla

La retejo estu optimumigita por serĉiloj:

la ligiloj kaj enhavo devus esti kompreneblaj de robotoj

Pri tekniko:

La retejo devos baze funkcii per PHP (kongruante kun versio 5.6) ĉar ĝi devus funkcii sur la serviloj de UEA.

Se la retejo uzas Drupal, prefere uzu 8.1.x

Se la retejo uzas Wordpress, prefere uzu 4.6.x

Se la retejo uzas Joomla, prefere uzu 3.6.x

Se la retejo uzas symfony, prefere uzu 2.7.x

Se vi havas dubojn pri la kongrueco kun niaj serviloj, ne hezitu demandi.

Reguloj:

La limdato por prezenti vian proponon estas la 12-a de decembro je la 14-a horo laŭ la horzono de la Centra Oficejo, en Roterdamo. Por kandidatiĝi, bonvolu sendi bazan grafikan ideon kaj planon pri la strukturo de la retejo.

La Estraro de UEA decidos pri la gajninta propono.

La gajninto de la konkurso devos liveri la retejon plene funkcianta, adaptita al la petoj de la Estraro, kaj preta por ricevi nacilingvajn versiojn ene de 30 tagoj post la anonco de la gajninto

Por pliaj informoj, se vi havas demandojn aŭ por sendi vian proponon skribu al zamenhofjaro100@gmail.com

Esperanto Info

nobody@ipernity.com (Raymonde Coquisart) — Wed, 14 Sep 2016 18:57:47 +0000

Raymonde Coquisart has posted an article:

Titolo de franca revuo tre bele realigita kaj ideala por prezenti Esperanton.

esperantoinfo.info

FOTOJ DE URBODOMOJ

nobody@ipernity.com (Raymonde Coquisart) — Thu, 11 Aug 2016 19:54:19 +0000

Raymonde Coquisart has posted an article:

Saluton amikoj el la mondo !

Se vi havas foton de urbodomo, mi volonte ricevus ekzempleron por aldoni al mia kolekto. Mi antaùdankas kaj amike salutas vin !

Jen mia adreso :

raymonde.coquisart@laposte.net

KORAN DANKON !!!!!

Gazetaraj Komunikoj de UEA N-ro 629 2016-07-26

nobody@ipernity.com (Raymonde Coquisart) — Sat, 30 Jul 2016 18:50:40 +0000

Raymonde Coquisart has posted an article:

REZULTOJ DE LA BELARTAJ KONKURSOJ DE UEA EN 2016

BRANĈO POEZIO

Unua premio al Antonio Valén, Hispanio pro “Paralele”

Dua premio al Benoît Philippe, Germanio pro “Mathias”

Tria premio al Aleksandro Mitin, Rusio pro “Agemaj homoj kuras al sukceso”

Honora mencio al Valentin Melnikov, Rusio pro “Ironiaj hajkoj”

Juĝkomisiono: Anja Karkiainen, Gerrit Berveling, Giulio Cappa

Partoprenis 39 verkoj de 18 aŭtoroj el 15 landoj

BRANĈO PROZO

Unua premio al Jesper Lykke Jacobsen, Francio pro “La paradiza turo”

Dua premio al Lenke Szász-Praid, Rumanio pro “La heliko kaj la lacerto”

Tria premio al Ewa Grochowska, Francio pro “Malbenitaj skaraboj”

Tria premio al Amir Naor, Israelo pro “Anĝela”

Honora mencio al Steven D. Brewer, Usono pro “Krepusko sub fago”

Juĝkomisiono: Ĵak Le Puil, Eliza Kehlet, Tim Westover

Partoprenis 25 verkoj de 18 aŭtoroj el 12 landoj

BRANĈO TEATRAĴO

Unua premio ne aljuĝita

Dua premio al Amir Naor, Israelo, pro “La situacio”

Tria premio ne aljuĝita

Honora mencio al Raffaele del Re, Italio pro “Teleskopoj e funkcias”

Juĝkomisiono: Wera Blanke, Paul Gubbins, Giuliano Turone

Patroprenis 3 verkoj de 3 aŭtoroj el 3 landoj

BRANĈO ESEO

Unua premio – premio Luigi Minnaja - al Rafael Henrique Zerbetto, Brazilo pro “La influo de Esperanto en la verkaro de Joao Guimaraes Rosa”

Dua premio al Jorge Camacho Cordón, Hispanio pro “La vartisto de vortoj”

Tria premio al Jesus Moinhos Pardavila, Galegio pro “La arkitekturo de deziro en la verkoj de Tarkony”

Honora mencio al Jesus Moinhos Pardavila, Galegio pro “Poŝtkarto el la genra tranĉeo: kio okazis al niaj verkistinoj?”

Juĝkomisiono: Detlev Blanke, Gotoo Hitoshi, Giridhar Rao

Partoprenis 7 verkoj de 6 aŭtoroj el 5 landoj

INFANLIBRO DE LA JARO

Eldonejo Bjelovara E-Societo pro “La trajno en la neĝo”

Juĝkomisiono:Edmund Grimley Evans, Kitagawa Hisasi, James Rezende Piton

Partoprenis 4 verkoj de 4 eldonejoj el 4 landoj

Gazetaraj Komunikoj de UEA N-ro 626 2016-07-24

nobody@ipernity.com (Raymonde Coquisart) — Sat, 30 Jul 2016 18:48:20 +0000

Raymonde Coquisart has posted an article:

NOVAJ HONORAJ MEMBROJ DE UEA

Vilmos BENCZIK (Hungario) naskiĝis en 1945. Profesie li estis profesoro en altlerneja fakultato de la universitato ELTE en Budapeŝto. Li lernis E-on en 1959, aliĝis al UEA en 1966 kaj iĝis dumviva membro en 1977. Li estis komitatano de TEJO 1964-1968 kaj estrarano de Hungara E-Asocio 1965-1967 kaj 1978-1992. Li redaktis la revuon Hungara Vivo 1977-1982 kaj de 1976 ĝis 1990 gvidis la eldonejon de HEA, ĉe kiu aperis 138 libroj en/pri E-o en la suma kvanto de 368 mil ekz. Li estis LKK-ano de la 68-a UK en Budapeŝto en 1983, komitatano de UEA 1980-1986 kaj prezidanto de la Belartaj Konkursoj de UEA 1986-2002. Li verkis recenzojn por multaj revuoj, parte kolektitajn en Studoj pri la Esperanta literaturo (1980), kaj abunde artikolis kaj tradukis. Li re! daktis i. a. Libro de romanoj (1979), Ŝercoj, rakontoj (1972, 2-a eld. 1974), 25 jaroj: antologio de Belartaj Konkursoj (kun W. Auld; 1977), La kato en la sako (legolibro; 1978), Baza literatura krestomatio (1979, 3-a eld. 1986), Hungara antologio (1983), Mi vizitis mian farmon (antologio de E-literaturo en la hungara kaj E-o; 1987) kaj Lingva arto (jubilea libro por W. Auld kaj M. Boulton; 1999). Ekde 2001 Benczik estas membro de la Akademio de E-o.

Petr CHRDLE (Ĉeĥio) naskiĝis en 1946. Li diplomiĝis kiel elektroteknika inĝeniero kaj doktoriĝis ĉe Instituto pri Elektroniko kaj Radiotekniko de la Ĉeĥoslovaka Akademio de la Sciencoj. Chrdle estis estrarano de Ĉeĥa E-Asocio 1987-2011, i.a. prezidanto 1987-1993, kaj fariĝis ĝia honora membro en 2008. Rajtigita ekzamenanto de UEA/ILEI, li verkis kun sia edzino Stanislava (1954-2000) la lernolibrojn Esperantem za tři měsíce ("Per E-o dum tri monatoj"; 1995, 3-a eld. 2006) kaj Esperanto od A do Z (“E-o de A ĝis Z”; 2016). Li verkis Profesia uzo de Esperanto kaj ĝiaj specifaj trajtoj (1995; 3-a eld. 2013) kaj redaktis i.a. la prelegarojn La stato kaj estonte! co de la internacia lingvo Esperanto (1995) kaj Intimaj temoj en la Esperanto-beletro (2005). Docento de AIS, li oficis kiel ĝia senata sekretario 1990-1994. Li estis komitatano de UEA 1987-2010 kaj estrarano pri faka kaj scienca agadoj 1998-2001. En 1992 li fondis la kongresan kaj klerigan agentejon-eldonejon KAVA-PECH, sub kies ŝildo li fariĝis unu el la plej gravaj nuntempaj E-eldonistoj. Li eldonis pli ol 170 titolojn, i.a. tri en la Serio “Oriento-Okcidento”, kaj eĉ pli grandan nombron por klientoj en- kaj eksterlande. Li organizis ankaŭ ses Konferencojn pri Apliko de E-o en Scienco kaj Tekniko (KAEST; 1998-2008).

SO Gilsu (Korea Resp.) naskiĝis en 1944. Li doktoriĝis en 1979 kaj ekde tiu jaro estis profesoro pri ekonomiko en la Universitato Sokyong en Seulo. Li estis ankaŭ direktoro de la Korea Asocio pri Ekonomika Historio kaj prezidanto de la Instituto pri la Historio de Kogurjo. Li lernis E-on en 1966 kaj unue aktivis en la junulara movado, i.a. kiel prezidanto de Korea E-Junularo. Li estis sekciestro de ILEI en Koreio kaj vicprezidanto de Korea E-Asocio. En UEA li membriĝis en 1971 kaj estis komitatano kaj estrarano pri la azia agado kaj pri faka kaj scienca aplikado 1989-1995. Kiel estrarano li redaktis la bultenon Esperanto en Azio 1990-1993 kaj fondis la Komisionon pri Azia E-Movado en 1994. Li prelegis en la Internaciaj Kongresaj Universitatoj en Varno (1978), Braziljo (1981), Bud! apeŝto ( 1983), Varsovio (1987) kaj Seulo (1994). Krome, en la 97-a UK en Seulo li estis rektoro de IKU. So aŭtoris la lernolibrojn Kursolibro de Esperanto (7-a eld. 1982) kaj Praktiko de Esperanto (1976, 2-a eld. 1981). Li instruis E-on i.a. en pluraj koreaj universitatoj, en la Nord-Amerika Somera Kursaro en San-Francisko kaj en Aŭstralio. En lia traduko aperis en 1983 la libroj La sindonema arbo kaj Mi serĉas mian perditan… de Shel Silverstein.