Posts from Onjo

al mi mankis tio ĉi!

nobody@ipernity.com (Onjo) — Mon, 28 Jan 2008 17:58:32 +0000

Onjo has added a post:

Mi devas komenci per konfeso: mi ne ŝatas faldi vestaĵojn kaj speciale T-ĉemizojn. Se mi perdas tempon por tio ĉi, almenaŭ rezultiĝu bele, ĉu ne? - ĉiam pensis mi. Sed ve - mi ne sukcesis! Kiudiable mi faldu, se aperas nur iomete malpli da sulkoj ol sen faldi? (Alia konfeso - mi havas malmultan paciencon). Mi envie rigardis kiel vendistinoj en vestaĵvendejoj lerte kaj momente preparis montetojn da ideale falditaj T-ĉemizoj aŭ ĵerzoj. Neniu eksplikis al mi la sekreton. Kaj jen hodiaŭ mia vivo ŝanĝigis - dank'al amikino mi malkovris facilan kaj brilan metodon. Mi ĵus provis kaj... "erinaco funkcias"*! Oni devintus lerni tion infane por ne pasigi multajn malplezurajn minutojn dum jaroj, kiel mi faris .

Jen la filmeto: http://www.youtube.com/watch?v=b5AWQ5aBjgE (fakte estas kelkaj tie, provu la rilatajn ligojn)

*estas longa historio pri tiu erinaco, konata en certaj rondoj

neĝo en la Garrotxa

nobody@ipernity.com (Onjo) — Mon, 17 Dec 2007 22:37:50 +0000

Onjo has added a post:

Ĉi-semajnfine neĝis en la Garoĉo, devenregiono de mia edzo. Tio ne estas anomalio por la ĉe-Pirineja regiono (450m), tamen ne okazas ofte. Eble unufoje vintre. Kvankam mi ĝenerale preferas varmon kaj someron, mi ĝojis revidi neĝon, kiu ja memorigas al mi pri mia patrolando. Fakte ne estis speciale malvarme kaj la beleco degelis rapide sub suno. Mi konservis iom da ĝi en la fotoj (vidu en mia galerio).

finna eduksistemo

nobody@ipernity.com (Onjo) — Fri, 07 Dec 2007 10:15:25 +0000

Onjo has added a post:

Mi estis impresita aŭdinte en televido pri la finna eduksistemo, konkrete pri la fakto ke ĉiu infano-enmigrinto ricevas senpagajn lecionojn pri sia denaska lingvo. Mi ne scias, ĉu en Finnlando loĝas multaj eksterlandanoj el diversaj landoj. En Katalunio estas tre granda kvanto da enmigrintoj kaj mi ne imagas ke la registaro povu trovi monon por provizi ilin krom per senpaga lernado de la kataluna (kio ekzistas por ajna deziranto), ankaŭ pri denaskaj lingvoj.