Posts from Anĉjo PacHorano (Andrea Fontana)

Esperantlingvaj radiostacioj

nobody@ipernity.com (Anĉjo PacHorano (Andrea Fontana)) — Tue, 01 Dec 2009 18:00:20 +0000

Anĉjo PacHorano (Andrea Fontana) has added a post:

Jen kelkaj retadresoj per kiuj aŭskulteblas aŭ elŝuteblas esperantlingvaj radioelsendoj.


Radio Aktiva

china radio international
Pola Radio

Radio Vatikana - Esperanto

Radio Havano Kubo | Ameriko.org

Democrazialinguistica.it | RadioRadicale.it (verdire ĉi tiu estas itallingva radioelsendo, tamen temas pri grava nacia itala radioelsendo, kiu pritraktas Esperanton kaj la temon de lingva demokratio)

Parolu Mondo

Arkivo de 3ZZZ Radio en Esperanto » » Home Page

Varsovia Vento - sonmaterialoj

La Ondo de Esperanto — RussianPodcasting, первый российский подкаст-терминал

Radio Verda

Ĉi Tie Nun

esPodkasto – la podkasto en la fresha lingvo esperanto – ghoju aù freneziĝu! - la ePisOdoj

Roĝer Borĝes Podkasto

ARCI Esperanto “Vezio Cassinelli” » Radio Arci Esperanto (ĝis nun temas pri projekto, realigota)

Radio Liberecana 89.4 (serĉu, ene de la paĝo, la dosieron "Radio Esperanto") (dulingva: esperanta/franca)

PLANEDO ESPERANTO (dulingva: ĉefe portugala/parte esperanta)

Radio Anĉjo Esperanto (tiu ĉi estas, iasence, eta ŝerco) ;-D

Aldonu ĉie ajn, en Ipernito, taŭgajn retligilojn al retejoj pri/por Esperanto. Jen kelkaj "ruzaj" konsiloj por vi...

nobody@ipernity.com (Anĉjo PacHorano (Andrea Fontana)) — Sat, 14 Nov 2009 15:36:06 +0000

Anĉjo PacHorano (Andrea Fontana) has added a post:

Karaj samideanoj, ĉe la retadreso:

http://www.ipernity.com/blog/28233/111589/comment/7132321#comment7132321

mi donis kelke da ruzaj konsiloj por ekspluati Iperniton cele al porEsperanta varbado, ĉe la Ipernit-aj neesperantistoj.

Bonvolu legi kaj, se mi sukcesis konvinki vin, regule apliki tiujn konsilojn

Amike kaj samideane salutas vin

via Anĉjo

★Esperanto - italiano★ 2205 esperantistoj en Ipernito! - 2205 esperantisti in Ipernity!

nobody@ipernity.com (Anĉjo PacHorano (Andrea Fontana)) — Thu, 29 Oct 2009 01:16:21 +0000

Anĉjo PacHorano (Andrea Fontana) has added a post:

ESPERANTO / ITALIANO

EO

Hodiaŭ, la 29an Oktobre de la 2009a, mi rimarkis ke la nombro de la jam konataj esperantistoj en Ipernito atingis la kvanto 2205 !!!

Pri la taksado kaj ĝisdatigado de tia nombro, mi invitas vin legi mian antaŭan artikolon ĉe la paĝo:

http://tinyurl.com/NOMBRO

IT

Oggi, 29 Ottobre 2009, ho notato che il numero di esperantisti in Ipernity già noti ha raggiunto quota 2205 !!!

Riguardo alla valutazione e all'aggiornamento costante di tale numero, vi invito a leggere un mio precedente articolo alla pagina:

http://tinyurl.com/NOMBRO

★Esperanto - italiano★ 2120 esperantistoj en Ipernito! - 2120 esperantisti in Ipernity!

nobody@ipernity.com (Anĉjo PacHorano (Andrea Fontana)) — Sun, 13 Sep 2009 18:18:21 +0000

Anĉjo PacHorano (Andrea Fontana) has added a post:

ESPERANTO / ITALIANO

EO

Hodiaŭ, la 13an Septembre de la 2009a, mi rimarkis ke la nombro de la jam konataj esperantistoj en Ipernito atingis la kvanto 2120 !!!

Pri la taksado kaj ĝisdatigado de tia nombro, mi invitas vin legi mian antaŭan artikolon ĉe la paĝo:

http://tinyurl.com/NOMBRO

IT

Oggi, 13 Settembre 2009, ho notato che il numero di esperantisti in Ipernity già noti ha raggiunto quota 2120 !!!

Riguardo alla valutazione e all'aggiornamento costante di tale numero, vi invito a leggere un mio precedente articolo alla pagina:

http://tinyurl.com/NOMBRO

82a KONGRESO DE SAT: Gazetartikolo 2009

nobody@ipernity.com (Anĉjo PacHorano (Andrea Fontana)) — Mon, 07 Sep 2009 22:44:16 +0000

Anĉjo PacHorano (Andrea Fontana) has added a post:

La suban tekston mi rekte kopiis de la SAT-reteja paĝo: www.satesperanto.org/Gazetartikolo-2009.html

Aliajn informojn kaj dokumentojn pri la SAT-Kongreso vi trovos ĉe mia albumo: www.tinyurl.com/sat-kongreso-2009

Anĉjo.

Ankaŭ ĉi-jare la proponkomisiono estis taskita pri redaktado de gazetartikolo, kiu povus esti tradukita, adaptita kaj sendita al diverslingvaj laboristaj gazetoj kun la kongresa deklaracio. Komplementoj, korektoj kaj sugestoj pri la ĉi-suba propono plu estas bonvenaj, same kiel informoj pri reagoj levitaj de ĝia dissendado.

Eksternacia interkontaktiĝo de laboristoj kaj progresemuloj

Ĉu vi konas asocion, kies membroj interrilatas per unusola lingvo – malgraŭ, ke ili devenas de la plej diversaj lingvaj medioj kaj lingvoregionoj de la mondo kaj malgraŭ, ke ili plimulte ne apartenas al la socia elito de siaj respektivaj loĝlokoj ? Tia estas Sennacieca Asocio Tutmonda [ĉi tie nacilingva traduko], mallonge SAT.

SAT, fondita en 1921, estas tutmonda laborista kaj ĝenerale maldekstrema asocio kun kleriga agado. Kiel tutmonda asocio kun individua membreco – kaj kun tiuj membraro kaj celdifino – ĝi estas unikaĵo. Ruĝaj fadenoj tiriĝantaj tra ĝia historio ekde 1921 estas laborista solidareco kaj memorganizita kleriga agado funkciantaj per senperaj baznivelaj kontaktoj. Tiuj kontrastas kun la internaciismo en ties kutime renkontata elformiĝo (kontaktoj inter nacinivelaj organizaĵoj, kiujn gvidas tiufakaj "specialistoj" kun konoj de fremdaj lingvoj). SAT solvas tiun laste menciitan problemon, la lingvan, per la lingve neŭtrala Esperanto. Unu el la fondintoj de SAT, Eŭgeno Lanti, klarigis pri tio : "La spirita kontaktiĝo inter la diverslandaj proletoj fakte okazas nur pere de poliglotaj intelektuloj. Tial la agado de SAT, celanta kunigi, intimigi senpere la laborulojn tutmondajn, estas esence revolucia."

Pro sia interindividua karaktero kaj malhavo de strukturo respegulanta la naciajn dividojn en la mondo, SAT karakterizas sin kiel "sennaciecan", kaj superas per tiu kvalito je unu ŝtupo la "internaciismon". Tiu fakto klarigas ĝian nomon : Sennacieca Asocio Tutmonda (SAT).

SAT okazigas ĉiujare en alia lando kongreson. Partoprenite de 70 partoprenantoj, la ĉi-jara 82-a deruliĝis en Milano inter la 18-a kaj 25-a de julio 2009. Kiel ĉiam, la kongreslingvo estis Esperanto, kompreneble kun sporada uzo de la itala por interkomunikiĝo kun reprezentantoj de la loka socio (akompanita de interpretado).

Kio estas tiu Esperanto ? Esperanton proponis en 1887 d-ro L. L. Zamenhof, juda okulkuracisto vivanta en la (nun pola) okcidenta parto de la rusa imperio. Li volis evoluigi kaj kun kolegoj elprovi facile lerneblan, regulan lingvon, kiu poste estu enkondukita kiel internacia dua lingvo por ĉiuj. Tian lingvon oni hodiaŭ kutime nomas "planlingvo". Ĝi estas lingvo, kiun la iniciatinto – aspiranta forviŝi la limojn inter la popoloj – nomis jen "internacia" jen "sennacieca", lingvo neŭtrala en tiu senco, ke ĝi estas nenacia kaj ne etna. Li celis per tio kontribui al konfliktmildigo kaj al paco. Unu atentindan trarompon Esperanto jam atingis : ĝi fariĝis transgeneracia vivanta lingvo, kiun centmiloj en la tuta mondo lernis. Ili estas parte organizitaj en asocioj. SAT havas ĉ. 600 membrojn. La pli granda Universala Esperanto-Asocio [ĉi tie nacilingva traduko] (UEA) havas ĉ. 6000 individuajn membrojn en 120 landoj. Esperanto konstante demonstras sian uzeblecon. Ĝi kaj plenumas praktikajn servojn por siaj parolantoj kaj ebligas al ili multe pli kosmopolitan, transnacian vivstilon, ol ili povus atingi sen ĝi.

Ĉi tiun kongreson organizis ARCI Esperanto, unu el pluraj laboristaj Esperanto-asocioj ligitaj kun SAT, kiuj agadas en unuopaj landoj aŭ lingvoregionoj. ARCI Esperanto estas samtempe branĉo de la agado de ARCI, t.e. Associazione Ricreativa e Culturale Italiana (Itala Kultura kaj Distra Asocio). Aliĝas al ARCI ĉirkaŭ 1.150.000 personoj, subdividitaj en ĉirkaŭ 6000 lokaj grupoj, kiuj okupiĝas interalie pri kulturo (arto, kino/televido, literaturo/poezio, muziko, teatro/danco), turismo, rajtoj, socia engaĝiteco, civila servo kaj internacia solidareco. ARCI, tradicie proksima al la maldekstrularo, partoprenas en la monda socia forumo. Ĉi tiu kongreso multe kontribuis al la firmigo de rilatoj inter SAT kaj ARCI per reciproka agnosko de la sinkompletigaj diversaj ecoj kaj de komuna sennacieca agadspirito de la du asocoj, el kio rezultos, laŭ diversaj dumkongresaj diskutoj, kelkaj interesaj kunlaboroj. ARCI siavice organizis kelkajn pli distrajn partojn de la kultura-kleriga programo de la kongreso : ekskursoj al la Boromeaj Insuloj sur Lago Majora [Lago Maggiore], pertrajne de Domodossola al Locarno (Svisio), kaj rondirado jen al renesancaj jen al romiaj situejoj en Milano mem.

Al tiu kleriga programo apartenis ankaŭ prelegoj pri la sinteno de Gramsci al Esperanto, nekonataj (Esperantlingvaj) verkistoj de Ukrainio, klasbataloj en Usono, etikaj bankoj (ARCI aktive partoprenas en la itala Banca Popolare Etica), forumoj pri Latinameriko, Mezoriento kaj Malagasio (dum kiuj la ĉeestantaro povis aŭdi malagasinon priskribi lastajn eventojn en tiu granda insulo kaj respondi demandojn tuŝantajn diversajn temojn, pripensi kaj debati pri la evoluo de la Latin-Amerika politika situacio kaj pri la diversaj eblaj solvoj al la konflikto Palestin-Israela - ambaŭ lastaj temoj instigis la membrojn disvolvi rektajn kontaktojn kun loĝantoj de tiuj mondpartoj por akiri pli da informoj ĉi-temaj), de Anna Löwenstein pri sia nova historia romano en Esperanto pri la romia imperiestro Nerono, Morto de artisto [ĉi tie eventuale nacilingva traduko]. Inter la distraj vesperaj aranĝoj estis koncertoj de la grupoj la Vojirantoj kaj Reverie, kiuj plej trafe ilustris la tre aktualan temon de la Kongreso : "Migri senlandlime, vivi sennaciece", memorigante al la kongresantoj la migrad-malhelpan politikon de Italio kaj de multaj aliaj mondpartoj, en mondo, kies vivkondiĉoj iĝas pli kaj pli malfacilaj.

SAT klopodas funkcii kiom eble bazdemokratiece. Pro tio, signifan parton de la tempo kaj energio de la kongresanoj okupas kvar tutmatenaj ĝeneralaj membrokunvenoj, en kiuj membroj informiĝas kaj sin esprimas pri ĉiuj aspektoj de la asocia agado kaj prezentas demandojn kaj donas komisiojn al la Plenum-Komitato, la supera decidorgano.

Por kelkaj subgrupoj de SAT, respektive organizaĵoj ligitaj kun SAT, la SAT-kongreso prezentas oportunan okazon por okazigi ĉiujaran membrokunvenon. Tiel kunvenis ekzemple

ARCI Esperanto, kaj ankaŭ pluraj "frakcioj" de SAT – kiuj fakte estas platformoj de similtendencanoj kaj ekzistas i.a. por rilati kun analogaj grupoj ekster SAT : la Pacista, la Komunista, la Liberecana kaj la Sennaciista Frakcioj de SAT. La Pacista Frakcio agadas favore al la Konvencio de Oslo kontraŭ la pafaĵoĵetoj el bomboj, instigante al intervenado, por ke kiel eble plej multaj ŝtatoj subskribu kaj ratifu tiun konvencion. Membroj de la Komunista Frakcio kunvenis ĉi-foje kun Alessandro Rizzo, opozicia kvartalkonsiliano kaj membro de la alternativ-maldekstra partio "Demokrata Maldekstro". Ĉe la sennaciistoj temas pri anoj de ideofluo, kiu ampleksas universalismon, radikalan kontraŭnaciismon kaj praktikan utiligon de Esperanto kiel instrumenton de edukado al eksternacia pensado.

Unu el la kulminaj punktoj de la kongreso estis podia diskuto (kiun abunde partoprenis la publiko) inter Probal Daŝgupta, la prezidanto de UEA, kaj Jakvo Schram, prezidanto de la Plenum-Komitato de SAT. Ĝi helpis prilumi la malsaman alirmanieron de la du asocioj al Esperanto : dum UEA unuavice propagas Esperanton tra la mondo, SAT esence uzas ĝin por siaj celoj (laŭ la statuta difino "klasbatalaj", kvankam estas periode floranta debato pri tio, ĉu tiu difino plu sufiĉas aŭ taŭgas). Novaĵo estas, ke la UEA-prezidanto ekdeviis de la ĝis nun jen kaj jen rimarkebla tendenco en UEA ĉirkaŭpreni kaj eĉ voli enkorpigi en si SAT. Probal Daŝgupta alvokis SAT "esti SAT", kompreninte ĝian specifan ne-Esperantomovadan rolon.

Malgraŭ la bonega etoso kaj, kompare kun pasintaj pli tempestaj kongresoj, pli harmonia disvolviĝo de la milana kongreso, la ĉeestantaj SAT-membroj ne havis la eblon forgesi pri unu problemo, kiu pensigas la asocion de kelkaj jaroj : malaltiĝanta membronombro, speguliĝanta ankaŭ en la malabunda partopreno en la kongreso : 70 partoprenantoj estas multe malpli ol en pasintaj jardekoj. Kialoj de tia situacio estas diversaj kaj ankoraŭ ne ĝisfunde esploritaj, sed tamen konstateblas ankaŭ revigliĝo de la ĝenerala etoso interna, kaj disfloriĝas novaj projektoj, inter kiuj elstaras la atingoj de la Eldona Fako Kooperativa de SAT, kiu disvolvas de kelkaj jaroj sian agadon kaj refoje ĉi-jare eldonis du novajn gravajn klerigajn verkojn aparte aktualtemajn : Kompendio de la Kapitalo de Karlo Markso de Carlo Cafiero, kiu estas utila sinteza klarigo de la unua libro de La Kapitalo de Karlo Markso, kaj Plano B - Mobilizo por savi civilizacion de Lester R. Brown, kiu estas sinteza sed kompleta priskribo de la tutmonda ĝenerala krizo (ekologia, sociala, ekonomia, ktp) kaj la eblaj solvoj por ĝin limigi. La estonteco de SAT aspektas sufiĉe promesoplena, des pli ke la laboro farota estas granda en streĉiĝanta tutmonda situacio : la lastatempe kreskinta memkonscio de SAT kune kun reemfazo de ĝiaj deoriginaj celoj kreis etoson, en kiu ĝi idee pli malkatenas sin de la Esperanto-movado. Tio pli reliefigas ĝin kiel memstaran debatpartneron.

Montriĝas, ke kelkaj tradiciaj ecoj kaj motivoj de SAT bone agordiĝas kun kelkaj nun populariĝantaj maldekstraj agadformoj kaj motivoj :

preteco de diversaj partie organizitaj tendencoj nedogmeme kaj malsekteme rilati inter si,

retforma, bazdemokratie organizita kunlaboro de la diverstendencanoj, kaj

kontraŭnaciismo, kiu poiome – apud aferoj kiel kontraŭrasismo kaj kontraŭseksismo – estiĝas unu el la kolonoj de maldekstra agado, tia, kia ĝi estis ekde la unua tago en SAT.

Same kiel disvolviĝanta floro allogas laboremajn abelojn, SAT dum sia kongreso allogis ses novajn membrojn, kio proporcie al la nombro de kongresintoj estas ja rimarkinda signo de la kamaradeca etoso kaj bonkvalito de la tuta programo.

La fama moto "Laboristoj de la tuta mondo unuiĝu !" denove en 2009 – kvankam etskale – iĝis realo en Milano, fortigante esperon je la kapablo de la homaro estonte starigi pli justan kaj senklasan mondon.

82a KONGRESO DE SAT: Unuafoja kongresano

nobody@ipernity.com (Anĉjo PacHorano (Andrea Fontana)) — Mon, 07 Sep 2009 22:23:12 +0000

Anĉjo PacHorano (Andrea Fontana) has added a post:

Pasis pli malpli unu monato ekde la fino de la 82a SAT-kongreso, okazinta en Milano, Italujo.

Por mi la sperto partopreni ĝin estis tute aparta, ĉar mi samtempe estis kaj kunorganizanto (kvankam en ne formala maniero) kaj unuafoja kongresano; kaj plie temis pri mia unua rekta sperto de la SAT medio, tial ke mi estas relative freŝbakita SAT-ano, kaj tial ke ĝis nun ĉio, kion mi konis pri SAT, estis simple tio, kion mi legis en Sennaciulo kaj en Sennacieca Revuo.

La SAT-kongreso surprizis min pro du ĉefaj kialoj.

Unue, antaŭkongrese mi iom timis ke ni spertos organizajn malfacilaĵojn kaj neantaŭviditajn problemojn, kiel kutime okazas kiam oni organizas kongresojn aŭ renkontiĝojn de multaj homoj; tamen ĉio iris rimarkinde glate, kaj mi havis la tre plaĉan impreson ke la kongreso mem estis vivigata de ia kapablo sinorganizi, danke al la laboremo kaj kunlaboremo de la unuopuloj, kiuj surprenis sur siaj ŝultroj la kunsidlaborajn taskojn, kaj danke al la aktiva partoprenado en la diskutadoj fare de preskaŭ ĉiuj kongresanoj.

Due, antaŭkongrese, kaj pli frue antaŭ mia aliĝo al SAT, la legado de la SATa Statuto donis al mi la malpravan impreson, ke la decidorganoj, la strukturiĝo, la funkciado de la Asocio estas io esence burokrata kaj peza, kaj ke la celata desuba demokratio estas neatingebla pere de tiu (maltrafe supozata) burokrateco; kia surprizo, do, kiam mi rekte spertis kiel bone funkcias la diskutadoj kaj la decidoprocezoj dumkongresaj! Kiel plaĉe estis konstati kiel homoj, kiuj ja havas opiniojn kontraŭajn inter si, vere sukcesas kundialogi, ĉiu atente prikonsiderante la pensojn de sia kontraŭulo, fine atingante kundecidojn!

Tre plaĉe estis por mi konstati, plie, kiel la kleriga kaj maldogmiga celo de SAT estas vere bone plenumebla pere de la rekta kunbabilado kaj kundiskutado dum la Kongreso. Fakte oni ne nur multe diskutis, en demokrata kaj kunlaborema etoso, pri la organizaj kaj/aŭ internaj aferoj de la Asocio (atingante la finan komunan verkon de la Gvidrezolucio kaj de la Deklaracio), sed ja vere, laŭstatute, oni sukcesis informi unu la alian, klerigi/kunkleriĝi, per komparado de malsamaj opinioj kaj ideoj, en etoso de respekto kaj scivolemo.

Do, mi feliĉe malkovris ke la desuba, “horizontala” (kiel oni diras en la itala), partopreniga demokratio de SAT ne estas io nur revata en la vortoj de la Statuto, sed estas io, kio vere funkcias en la realo.

Por mi la kongreso vere estis tre laciga: tial ke mi ĉiutage irrevenis de kaj al ne tro proksima urbeto, mi neniam sukcesis dormi pli ol po 5 horojn nokte, dum la tuta semajno. Plie, tial ke mi intencis pretigi riĉan dokumentaron pri la tuta kongreso (per granda fotaro kaj per sonregistrado de plejeble multaj kunvenoj kaj prelegoj), mi sekvis atente ĉiun debaton kaj ĉiun debatan frazon – krom du debatoj, kiujn mi ne sukcesis partopreni. Tio ja estis laciga, kaj mi nur povas imagi kiom pli laciga estis la vere peza laboro de la sindonemaj protokolistoj kaj propon-komisionanoj, kiuj faris bonegan laboron por ni ĉiuj.

Nu, mi do spertis tion, ke SAT-kongresano, kiu vere serioze volas kongresumi (kaj la granda plejparto ja faris tion), ne “ferias” kiel en aliaj kongresoj, sed ŝi aŭ li ja intense laboras, kaj kore kaj mense, kvankam ja temas pri laborado plaĉa.

Post unu monato ekde la fino de la Kongreso, mi ankoraŭ povas senti la nostalgion pri tiel riĉaj tagoj, kaj ankoraŭ staras antaŭ miaj okuloj la bildo de la homo, kiu simbolas al mi la tipan partopreneman SAT-anon: Gary, kun sia nemalhavebla kajero en kiu li notas ĉiun gravan ideon aŭ punkto kiu naskiĝas el la kundiskutadoj, kiu havas mirigan kapablon aŭskulti la opiniojn de la aliuloj, kiu ĉiam sukcesas ĝisfunde pripensi kaj pripensigi, diskutante afable kaj racie.

Dankon do al ĉiuj SAT-anoj! Dankon al SAT!

Andrea Fontana (Anĉjo PacHorano).

-------------------------------------------------------------------------------------------

VIZITU MIAN ALBUMON www.tinyurl.com/sat-kongreso-2009

82a KONGRESO DE SAT: Deklaracio kaj Gvidrezolucio 2009

nobody@ipernity.com (Anĉjo PacHorano (Andrea Fontana)) — Wed, 05 Aug 2009 02:26:39 +0000

Anĉjo PacHorano (Andrea Fontana) has added a post:

La suban tekston mi rekte kopiis de la SAT-reteja paĝo www.satesperanto.org/Deklaracio-kaj-Gvidrezolucio-2009.html.

Aliajn informojn kaj dokumentojn pri la SAT-Kongreso vi trovos ĉe mia albumo www.tinyurl.com/sat-kongreso-2009

Anĉjo.

Deklaracio kaj Gvidrezolucio 2009

Deklaracio

La 82-a Kongreso de Sennacieca Asocio Tutmonda (SAT), kunvenanta en Milano de la 18-a ĝis 24-a de julio 2009, substrekas, ke ĝia Statuto instigas la membrojn de SAT agadi sur diversaj terenoj. Ĉi-jare, la kongresa temo estis « Migri senlandlime, vivi sennaciece ». La kongresanoj de SAT, gastigitaj de la frata itala asocio ARCI Esperanto, debatis pri paco, hommigrado, etikaj bankoj, situacioj en Sudameriko, Malagasio, Mezoriento kaj aliaj mondregionoj.

La Kongreso

— rememorigas al la Ambasadoroj de Ĉinio, Finnlando, Hindio, Israelo, Pakistano, Rusio kaj Usono, ke de pluraj jaroj SAT skribis por peti, ke tiuj landoj subskribu la Konvencion de Otavo. Ĝis nun, neniu el tiuj landoj subskribis ĝin. Denove, SAT firme petas, ke rapide ili subskribu tiun Konvencion de Otavo,

— emfazas la rajton de la homoj el la tuta mondo memstare kaj libere elekti vivi kaj loĝi tie, kie ili naskiĝis aŭ kie ajn estas al ili plej taŭge pro naturmediaj kialoj, profesiaj, politikaj aŭ aliaj bezonoj, konsiderante sennaciece kaj senlandlime siajn proprajn interesojn kaj ankaŭ tiujn de la tuta homaro,

— interesiĝas pri la projekto krei en 2010 Eŭropan Etikan Bankon (EEB) per kunfando de tri nunaj etikaj bankoj (Banca Popolare Etica el Italio, NEF el Francio kaj FIARE el Hispanio), konsiderante, ke tiu banko verŝajne agos per pli etikaj rimedoj ol aliaj bankoj,

— rekonas en la agado de ARCI, itala laborista kulturcela asocio, komunajn agadspiriton kaj klerigajn celojn, kaj kuraĝigas la membrojn de SAT memstare partopreni en ĝia agado kaj tiel prepari ontan interasocian kunlaboron,

— agnoskas la gravecon de la malfacilaĵoj i.a. estigitaj de naciismo kaj kapitalismo, kiujn renkontas homoj en iuj mondregionoj kiel Sudameriko, Malagasio kaj Mezoriento, kaj celas klerigajn interŝanĝojn kun tiuj homoj por antaŭenigi nian komunan emancipiĝon.

Gvidrezolucio

La 82-a Kongreso de SAT kunvenanta en Milano inter la 18-a kaj la 24-a de julio 2009,

— instigas la membrojn al akurata pago de kotizo por ebligi bonan funkciadon de la asocio per adekvata financado,

— konstatas la bonkvalitan laboron de la Eldona Fako Kooperativa de SAT kaj instigas SAT-anojn partopreni en ĝiaj eldon- kaj disvendoreto, en la koherigo de ĝia eldonpolitiko kaj en la klarigo de ĝia funkciado,

— esprimas sian aprezon al la sukcesaj laboroj ĝis nun jam plenumitaj pri la elektronika PIV kaj kuraĝigas la laborgrupon, kiu prizorgas ĝin, daŭrigi,

— alvokas al utiligo de la pretigata flugfolio pri SAT,

— invitas ĉiujn kamaradojn informi la membraron pri la situacio en siaj respektivaj mondregionoj per Sennaciulo, kaj emfazi la tutmondan rolon de SAT per kontaktiĝoj inter esperantistoj de diversaj mondpartoj por riĉigi sian klerigan laboron,

— instigas la kamaradojn kontribui al la SAT-retejo per sendado de materialo al ĝia respondeculo ĉu per rekta enretigo de originala materialo ĉu per traduko de la artikoloj troviĝantaj en la nacilingva parto (aparte koncerne tekstojn Kio estas SAT kaj Kio estas Esperanto),

— instigas SAT-anojn kontribui al Sennaciulo kaj Sennacieca Revuo per verkado kaj sendado de artikoloj aŭ bildoj kaj per kontribuo al la redaktoskipo per diversaj taskoj inkluzive de kunlabora enpaĝigo,

— proponas sistemigi per tradukreto la proponadon kaj tradukadon de nacilingvaj SAT-ece klerigaj tekstoj,

— petas, ke en la landoj subskribintaj la Konvencion de Oslo kontraŭ la pafaĵoĵetoj el bomboj kaj ĉie, kie eblas, la kamaradoj intervenu ĉe siaj regantoj, por ke ilia lando rapide ratifu tiun konvencion, kaj ke en ne subskribintaj landoj la kamaradoj intervenu ĉe siaj regantoj por ke ilia lando rapide subskribu kaj ratifu tiun Konvencion,

— plu vokas SAT-rondojn, SAT-frakciojn, LEA-ojn kaj SAT-anojn sendi precizajn informojn pri kursoj, varbado direktita al ekster-SAT-a medio kaj apero de artikoloj pri Esperanto aŭ SAT-rilataj temoj,

— sugestas kunvoki laborgrupon por prepari, per kolektado kaj debatigo de ideoj, deklaracion de SAT pri ties rolo en la nuna epoko,

— invitas SAT-anojn informiĝi pri etikaj bankoj kaj pli precize pri la projekto de Eŭropa Etika Banko (EEB) kaj jam nun utiligi Esperanton en tiu banka medio per diversaj rimedoj (i.a. esperantigo de la fondmanifesto, flugfolioj kaj retejaj dokumentoj),

— invitas la Plenum-Komitaton studi la fondmanifeston de EEB kaj aliajn similajn iniciatojn, kaj eventuale proponi membriĝon de SAT post referendumo en tia kooperativa banko,

— petas la Plenum-Komitaton zorgi, ke en la venonta kongreso estu antaŭvidita ebleco organizi klerigsesiojn pri financaj demandoj.

82a KONGRESO DE SAT: Raporto kaj Flugfolio de la Pacista Frakcio

nobody@ipernity.com (Anĉjo PacHorano (Andrea Fontana)) — Tue, 04 Aug 2009 16:56:47 +0000

Anĉjo PacHorano (Andrea Fontana) has added a post:

Dimanĉon la 19an de Julio de la 2009a, okazis, ĉe la Milana SAT-Kongreso (www.tinyurl.com/sat-kongreso-2009), la kunsido de la Frakcio Pacista de la Sennacieca Asocio Tutmonda (www.satesperanto.org).

La gekamaradoj Colette kaj André Weiss (ĉefaj aktivuloj de la pacista frakcio) pretigis, por tio, raporton (kiu estis publike legita de André) kaj flugfolion (kiu estis disdonita al la ĉeestantoj).

Sekvis publika debato inter la ĉeestantoj.

Mi registris la tuton, sed bedaŭrinde la alŝuto-limoj fiksitaj de Ipernito por la ne-PRO-membroj ne permesos al mi alŝuti la registraĵon en mian Ipernitan spacon antaŭ la unuaj monatoj de la 2010 jaro.

Pro tio, mi komencas jam ekde nun publikigi kaj la Raporton kaj la Flugfolion, surbaze de interkonsento inter mi kaj la gekamaradoj Weiss. Mi do dankas ilin, pro tio ke ili sendis al mi ĉi tiujn du dokumentojn, por ke mi publikigu ilin.

Anĉjo.

RAPORTO

Karaj Gekamaradoj,

Jam vi legis, en la raporto de la Plenumkomitato, la agojn de la Pacista Frakcio dum la pasinta jaro. La Pacista Frakcio sendis :

- dokumentojn al bulgaraj gekamaradoj,

- leteron al la franca Ĉefministro,

- leteron al Nobelpremiito pri la Paco,

- retmesaĝojn al la Ambasadoro de Israelo kaj al la Reprezentantino de la Palestina Aŭtoritato,

- retmesaĝon al la Ambasadoro de la Ĉeĥa Respubliko,

- ktp …(kaj tiel plu)

Hodiaŭ ni prezentas kaj diskutos du punktojn :

Unua punkto :

La kontraŭpersonaj minoj,

Ekde pluraj jaroj, la Kongreso de SAT sendas al la Ambasadoj de Ĉinio, Finnlando, Hindio, Israelo, Pakistano, Rusio kaj Usono, leteron por peti, ke tiuj landoj subskribu la Konvencion de Otavo. Ĉiam, la letero estas esperante skribita, kaj la duoblaĵo de ĉi tiu estas skribita laŭ la parolata lingvo en la lando, kiu organizas nian Kongreson. Ĉi tiu jaro ni deziras daŭrigi tiun agon. Do, ni proponas la sekvantan paragrafon por la Deklaracio :

« La 82-a ( okdek dua) Kongreso de SAT … … … … … rememorigas al la Ambasadoroj de Ĉinio, Finnlando, Hindio, Israelo, Pakistano, Rusio kaj Usono, ke ekde pluraj jaroj SAT skribis por peti, ke tiuj landoj subskribu la Konvencion de Otavo. Ĝis nun neniu el tiuj landoj subskribis ĝin. De nove SAT firme petas, ke rapide ili subskribu tiun Konvencion de Otavo. »

Jen la letero, kiun ni proponas sendi : ekzemple la letero al la Ambasadoro de Finnlando.

Sinjoro Ambasadoro,

Ekde pluraj jaroj la Kongresanoj de SAT sendas leteron al la Ambasadoro de Finnlando en la lando, kie okazas ilia Kongreso.

Ĉiun jaron, la letero petas intervenon de la Ambasadoro ĉe la Registaro de Finnlando por ke ĉi tiu subskribu la Konvencion de Otavo. Ĝis nun, nia movado neniam ricevis respondon.

Tiun jaron, ni ripetas nian peton. Sinjoro Ambasadoro vi scias kaj la Registaro de via lando scias ke la kontraùpersonaj minoj ĉiam mortigas kaj precipe mortigas civilulojn.

Esperante, ke finfine ni estos aŭdataj, bonvolu akcepti, Sinjoro Ambasadoro, la respektoplenajn pacistajn salutojn de la Kongresanoj de SAT.

Finnlando estas la sola lando de Eŭropa Unio, kiu ne subskribis la Konvencion de Otavo. Nia Finna Kamarado Antero Harju diris al ni, ke la Finna Registaro, sed ankaŭ la plimulto de la Finna Popolo ne estas favoraj pri tia subskribo, ĉar Finnlando kaj Rusio proksimume havas 1313 (mil tricent dek tri) kilometrojn de komuna landlimo.

Dua punkto

La pafaĵoĵetoj el bomboj,

En la Gvidrezolucio de la 81-a (okdek unua) Kongreso de SAT en Kazanlako, iu paragrafo indikis:

« La 81-a (okdek unua ) Kongreso de SAT, … … … … proponas, ke la LEA-oj, SAT-rondoj kaj SAT-anoj rapide skribu al sia respektiva registaro por ke ĝi subskribu la Konvencion, projektitan en Oslo en decembro 2008 (dumil ok), malpermesontan la uzon de kelkaj pafaĵoĵetoj el bomboj. »

Ni esperas, ke pluraj kamaradoj skribis al sia registaro !

Nun, ĉiam pri la pafaĵoĵetoj el bomboj necesas daŭrigi la batalon.

Por ke la Konvencio de Oslo validiĝu, necesas, ke 30 (tridek) landoj ratifu ĝin. Ni disdonos flugfolion, kiu klarigas tion.

Ni jam sendis la flugfolion al 27 (dudek sep) gekamaradoj ne-ĉeestantaj en la Kongreso per retmesaĝoj kaj leteroj.

Sed la flugfolio estis redaktita kaj presita tuj post la 1-a (unua) de julio. Ĝi ne estas ĝisdata, ĉar poste, ni eksciis ke Germanio, Japanio, Luksemburgio, San-Marino ratifis la Konvencion de Oslo. Do, 14 (dek kvar) ŝtatoj ratifis la Konvencion, kaj ne 10 (dek) tiel, kiel tio estas indikita en la flugfolio.

Ni opinias, ke unue la civitanoj, do la SAT-anoj de subskribintaj landoj, kiuj ne ratifis la Konvencion, agu ĉe sia registaro antaŭ ol la Kongreso de SAT siavice agu. Tial la paĝdorso de la flugfolio indikas la landojn, kiuj ne ankoraŭ ratifis la Konvencion de Oslo. La substrekitaj nomoj de landoj informas, ke SAT-anoj loĝas en ili.

Ekde la februara monato, ĉiun monaton ni sendis retmesaĝon al la Prezidento de la Franca Respubliko, nome de la Pacista Frakcio de SAT. La retmesaĝoj petis, ke Francio ratifu la Konvencion de Oslo. La maja retmesaĝo estis kadre de la Internacia Kampanjo de CMC (Monda Koalicio kontraŭ la pafaĵoĵetoj el bomboj). Ni rememorigas, SAT estas membro de CMC.

Ni ricevis tri respondojn al niaj retmesaĝoj. Du respondoj informis nin, ke la Prezidento intervenis ĉe la Ministro pri Eŭropaj kaj Eksterlandaj Aferoj.

La lasta respondo estis letero de la Ministrejo pri Eŭropaj kaj Eksterlandaj Aferoj, kiu informis nin, ke la Konsilio de Ministroj de la 10-a (deka) de junio aprobis la projekton de leĝo rilate la Konvencion de Oslo.

Plie, nia amiko, la franca deputito François Rochebloine (Francisko Roŝbluan), kiu estis la raportanto ĉe la Franca Nacia Asembleo pri la projekto de la leĝo, rajtigonta la ratifon de la Konvencio de Oslo, informis nin, ke Francio post nelonge estos ratifinta la Konvencion de Oslo.

Ni proponas la sekvantan paragrafon por la Gvidrezolucio :

« La 82-a (okdek dua) kongreso de SAT … … … … petas, ke la kamaradoj, kiuj loĝas en la subskribintaj landoj, kiuj ne ankoraŭ ratifis la Konvencion de Oslo, intervenu ĉu ĉe Parlamentanoj, ĉu ĉe la Registaro de sia lando por ke ilia lando rapide ratifu la Konvencion kontraŭ la pafaĵoĵetoj el bomboj ».

Krome ; unu aŭ pluraj gekamaradoj loĝas en la jenaj landoj : Argentino, Brazilo, Ĉinio, Estonio, Finnlando, Grekio, Israelo, Koreio, Latvio, Mongolio, Novzelando, Pollando, Rumanio, Rusio, Serbio, Slovakio, Ukrainio, Usono. Tiuj landoj ne ankoraŭ subskribis la Konvencion de Oslo.

Inter la ne-subskribintaj landoj, ni trovas Serbio(n). Nu, tiu lando multe suferis pro bombadoj de NATO, kiuj ĵetis sur Serbio(n) kvantegon de pafaĵoĵetoj el bomboj.

Tial, kie ajn tio eblas, ni petas de niaj gekamaradoj, ke ili intervenu ĉe siaj regantoj por ke ilia lando subskribu, kaj poste ratifu tiun Konvencion.

_______

Por voĉe prezenti tiun raporton, mi faris grandajn klopodojn. Do, ĉu nun vi demandos nin pri ĝi, nu Colette respondos al la demandoj.

_______

FLUGFOLIO

Ni agu

Ni agu ankoraŭ

Ni agu ĉiam

82-a Kongreso en Milano, julio 2009.

___________________________

Pafaĵoĵetoj el bomboj

Subskribo de la Konvencio de Oslo : La 1-an de julio 2009, nur 98 ŝtatoj subskribis la Konvencion kontraŭ la pafaĵoĵetoj el bomboj.

Ratifo de la Konvencio de Oslo : La 1-an de julio 2009, nur 10 14 ŝtatoj subskribis kaj ratifis la Konvencion kontraŭ la pafaĵoĵetoj el bomboj.

La ratifo gravas, ĉar :

- laŭ la 17-a artikolo de la Konvencio, ĉi tiu validiĝos por la ŝtatoj, kiuj subskribis kaj ratifis ĝin, nur la unuan tagon de la sesa monato post la trideka ratifo. Por la subskribintaj ŝtatoj, kiuj ratifos ĝin post la trideka ratifo, la Konvencio validiĝos la unuan tagon de la sesa monato post la ratifo de tiu ŝtato.

Plie

- laŭ la 3-a artikolo de la Konvencio, la ŝtato, kiu subskribis kaj ratifis ĝin, devontigas sin detrui ĉiujn pafaĵoĵetojn el bomboj malpermesitajn en la Konvencio plej malfrue 8 jarojn kaj 5 monatojn post la dato de sia ratifo de la Konvencio.

Do, laŭ la pli bona el hipotezoj : se 30 ŝtatoj ratifus la Konvencion antaŭ la 1-a de januaro 2010, la Konvencio validiĝus nur la 1-an de junio 2010 kaj la 30 unuaj subskribintaj kaj ratifintaj ŝtatoj havus limtempon de 8 jaroj por detrui siajn stokojn de malpermesitaj pafaĵoĵetoj el bomboj, t.e. ĝis la 1-a de junio 2018.

Ni intervenu por rapida ratifo.

SAT estas membro de CMC

CMC : Monda Koalicio kontraŭ la pafaĵoĵetoj el bomboj.

Subskribintaj landoj, kiuj ne ratifis la Konvencion de Oslo.

Afganio

Angolo

Aŭstralio

Belgio

Benino

Bolivio

Bocvano

Bosnio-Hercegovino

Britio

Bulgario

Burkino

Burundo

Centrafrika Respubliko

Ĉadio

Ĉeĥio

Ĉilio

Danlando

Eburbordo

Ekvadoro

Fiĝioj

Filipinoj

Francio

Gambio

Ganao

~~Germanio~~

Gvatemalo

Gvineo

Gvineo-Bisaŭo

Honduro

Hungario

Indonezio

Islando

Italio

Jamajko

~~Japanio~~

Kabo–Verda

Kanado

Kenjo

Kolombio

Komoroj

Kongo DR

Kongo PR

Kostariko

Kroatio

Kuk-Insularo

Libano

Lesoto

Liberio

Liĥtenŝtejno

Litovio

~~Luksemburgio~~

Madagaskaro

Makedonio

Malavio

Malio

Malto

Moldavio

Monako

Montenegro

Mozambiko

Namibio

Nauro

Nederlando

Niĝerio

Nikaragvo

Nov-Zelando

Palaŭo

Panamo

Paragvajo

Peruo

Portugalio

Ruando

Salvadoro

Samoo

~~San-Marino~~

Sao-Tomeo kaj Principeo

Senegalio

Slovenio

Somalio

Sud-Afriko

Svedio

Svislando

Tanzanio

Togolando

Tunizio

Ugando

Urugvajo

Zambio

La substrekitaj nomoj de landoj indikas ke SAT-anoj loĝas en tiuj landoj.

___________________________

Landoj, kiuj subskribis kaj ratifis la Konvencion de Oslo.

Albanio, Aŭstrio, Hispanio, Irlando, Laoso, Meksiko, Nigerlando, Norvegio, Sieraleono, Vatikano.

___________________________

Propono de paragrafo por la Gvidrezolucio de la 82-a Kongreso

La 82-a Kongreso …

petas, ke la kamaradoj, kiuj loĝas en la subskribintaj landoj, kiuj ne ankoraŭ ratifis la Konvencion de Oslo, intervenu ĉu ĉe Parlamentanoj, ĉu ĉe la Registaro de sia lando, por ke ilia lando rapide ratifu la Konvencion kontraŭ la pafaĵoĵetoj el bomboj.

Giovedì 23 Luglio, Milano: CONCERTO DEI RÊVERIE (ingresso libero)

nobody@ipernity.com (Anĉjo PacHorano (Andrea Fontana)) — Tue, 14 Jul 2009 12:48:46 +0000

Anĉjo PacHorano (Andrea Fontana) has added a post:

GIOVEDI' 23 LUGLIO 2009

0re 21:00

presso Zumbini Rooms, via Zumbini 6, Milano

INGRESSO LIBERO

* * * CONCERTO del gruppo progressive-folk

milanese RÊVERIE * * *

Verranno eseguiti brani in inglese (tratti dal disco "Shakespeare, la donna, il sogno", su testi di William Shakespeare), brani in friulano (su testi di Pier Paolo Pasolini), brani in italiano (su testi del gruppo), brani strumentali e... brani in esperanto (verranno presentati, in anteprima assoluta, i primi 5 brani del nuovo disco in esperanto - testi di Andrea Fontana -, che uscirà per la fine del 2009)

Si tratterà a tutti gli effetti del debutto dei Rêverie (http://www.reverieweb.com) in ambito internazionale esperantista, in quanto il concerto si terrà nella prestigiosa cornice dell' 82° Congresso della Sennacieca Asocio Tutmonda (Associazione Mondiale Senza Nazionalità, info: http://www.satesperanto.org), organizzato a Milano dall' Arci Esperanto (http://www.arciesperanto.it)

-------------------------------------------------------------------

Il progetto Rêverie viene fondato nel 1996 dal compositore e chitarrista milanese Valerio Vado. Scopo del progetto è la realizzazione di musica moderna attingendo alle radici della musica italiana rinascimentale e barocca, europea e mediterranea ed elaborando tali suggestioni attraverso una sensibilità contemporanea. Vengono quindi amalgamate sonorità tradizionali ed elettroniche, ottenendo un sound definibile come "folk progressivo".

L'ensemble avvia l'attività concertistica nel 1999 con una formazione di 6 elementi, esibendosi successivamente in Lombardia, Piemonte, Veneto e Friuli-Venezia Giulia con formazioni da 2 fino a 7 elementi.

Sul versante discografico, i Rêverie hanno finora pubblicato 4 CD (“Demo 1998”, “Demo 2002”, “2004” e “Shakespeare, la donna, il sogno”), con recensioni positive in Italia e all'estero.

Diversi brani vengono trasmessi da varie stazioni radio italiane ed estere.

Attualmente i Rêverie, in collaborazione con l'esperantista italiano Andrea Fontana (Anĉjo PacHorano), stanno realizzando un CD interamente in lingua esperanto, la cui uscita è prevista per la fine del 2009.

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

Visitate l'album "Io e il gruppo musicale Rêverie" all'indirizzo:

www.tinyurl.com/andrea-reverie

Visitate anche l'album "LA 82a KONGRESO DE SAT (en Milano, Italujo, en la monato Julio de la 2009a jaro)" all'indirizzo: www.tinyurl.com/sat-kongreso-2009

VENU AL LA SAT-KONGRESO 2009 EN MILANO, ĝi baldaŭ komenciĝos!

nobody@ipernity.com (Anĉjo PacHorano (Andrea Fontana)) — Sun, 12 Jul 2009 11:58:13 +0000

Anĉjo PacHorano (Andrea Fontana) has added a post:

Musklaku ĉi tie por akiri la kompletajn informojn

pri la

SAT-KONGRESO 2009, EN MILANO (Italujo),

Julie, ĉe

Arci-Esperanto

Programo

Kongrestemo:

Elmigri senlandlime,

vivi sennaciece

sabaton la 18an
9:00	Alveno de la partoprenantaj



13:00	Tagmanĝo
16:00	Jara Asembleo de Arci Esperanto
17:00
18:00	Porssperanta Fako
19:00	Vespermanĝo

21:00	Koncerto: ARCI Equinozio “Emanuele Scattaglini kaj la Vojirantoj - Voĉoj el tero, sonoj el maro”

dimanĉon la 19an
10:00	Solena malfermo


13:00	Tagmanĝo
16:00	Frakci-kunsidoj: pacista,
17:00	Frakci-kunsidoj: pacista,
18:00	Anna Lowenstein prezentas sian lastan verkon “Morto de artisto”
19:00	Vespermanĝo

21:30	Vortludoj per la Dia Komedio, de kaj kun Giuliano Turone

lundon la 20an
9:00	Ĝenerala Asembleo



13:00	Tagmanĝo
15:00-18:00	EKSKURSO Milano Renesenca
18:00	Asembleo LEA-Komitato
19:00	Nekonataj verkistoj de Ukrainio (Dmitrij Cibulevskij)
20:00	Vespermanĝo

mardon la 21an
9:00	Ĝenerala Asembleo



13:00	Tagmanĝo
15:00-17:00	Kunveno pri la temo: “Ĉu povas eksisti etikaj bankoj?” partoprenos reprezentanto de Etika Banko, sponsoro de la Kongreso
17:00	Frakci-kunsidoj Komunista Frakcio

19:00	Prelego: “Klasbatalo en Usono” (Jakvo Schram)
20:00	Vespermanĝo
21:00	Vespero kun surprizo

merkredon la 22an
9:00	TUTTAGA EKSKURSO Elektu inter: a) Boromeaj Vilaoj kaj Insuloj (Lago Majora); b) Bernina Ekspreso; c) La eta trajno de la Cent Valoj
19:00
21:00	Vespermanĝo
ĵaŭdon la 23an
9:00	Ĝenerala Asembleo



13:00	Tagmanĝo
15-17	Kunveno de la Sennaciista frakcio

17-19:00	Kunveno kun Jacques Schram kaj Probal Dasgupta: “Ĉu aktuala “per ” kaj “por” esperanto asocio?
19:00	Vespermanĝo

21:00	Koncerto: Reverie

vendredon la 24an
9:00	Plena Fina Asembleo



13:00	Tagmanĝo
15:00-18:00	EKSKURSO Milano Rom-epoka
18:00-19:00	Poresperanta Fako

20:00	Lasta kaj ĝoja vespermanĝo

21:00	Adiaŭa vespero

sabaton la 25an
9:00
10:00
11:00
12:00

Aliĝintoj (je la 12a Julie de la 2009a)

Jacques Schram (Jakvo) - 34781
Andrea Montagner - 35676
Nicola Ruggiero - 35833
Carlo Bourlot - 35425
Justine Ralalarisoa (Lala) - 35513*
Vinko Markov - 35297
Paolo Bonomi - 35548
Andrea Fontana (Anĉjo PacHorano) - 35854
Marc Cuffez
Nicola Morandi
José Salguero - 35501
Carmen Cidoncha - 35584*
Dmitrij Cibulevskij - 34323
Renato Corsetti - 35188
Lynn Ronald - 34467
Arturo Prent - 31123
Mary Prent*
Sire Serge - 32412
Franciska Toubale - 34507*
Thérèse Pinet - 32909
Grazina Opulskiene - 34619*
Girard Veroniko - 35824
Djemil Kessous - 35360
Michelle Kessous*
Martin Bustin - 32539
Jocelyne Monneret - 35800*
Camilla Masciadri*
Robin Beto - 35717
Timur Gosset - 35895
Selin Darjo - 35894
Gary Mickle - 35083
Weiss André - 35366
Weiss Colette - 35704*
Tamara Popova - 33842*
Valentina Pogoreckaja*
Mira Makivic - 35823*
Wilfred Jacques - 35159
Vito Markov - 35521
Guy Martin - 35861
Franjo Leveque - 35862*
Françoise Le Strat*
Hervé Le Strat
Marcelo Redulez - 32846
Claudine Pomirol*
Flora Markov - 35483*
Kwantes-Kooy Corrie - 30818*
Jean Pierre Fedak
Mathé Fedak*
Harada Tsukuru
Elizagarai Miren*
Kuppermann Adrian
Anna Lowenstein*
Nan Youli
Sato Yasuo
Dasgupta Probal
Markov Ansofi - 31840*
Echappe Lucette - 35850*
Rooke Dieter - 35571
Graven Henri - 35840
Biljana Savic*
Hammarberg Jarl - 35267
Robertson Ed
Ivanova Septenvrina - 34100*
Dolapĉieva Doĉka - 34099*
Damjanova Svoboda - 34630*
Markov Lino - 35362
Kadar Aleks
Del Barrio Tonyo

-------------------------------------------------------------------------------------------

VIZITU MIAN ALBUMON www.tinyurl.com/sat-kongreso-2009

★Esperanto - italiano★ 2000 esperantistoj en Ipernito (=2,5%) ! - 2000 esperantisti in Ipernity (=2,5%) !

nobody@ipernity.com (Anĉjo PacHorano (Andrea Fontana)) — Sat, 04 Jul 2009 11:53:07 +0000

Anĉjo PacHorano (Andrea Fontana) has added a post:

ESPERANTO / ITALIANO

EO

Hodiaŭ, la 4an Julie de la 2009a, mi rimarkis ke la nombro de la jam konataj esperantistoj en Ipernito atingis la kvanto 2000 (proksimume la 2,5% de la tuta Ipernitanaro)!!!

Pri la taksado kaj ĝisdatigado de tiaj nombroj, mi invitas vin legi mian antaŭan artikolon (kaj la komentojn al ĝi) ĉe la paĝo:

http://tinyurl.com/NOMBRO

IT

Oggi, 4 Luglio 2009, ho notato che il numero di esperantisti in Ipernity già noti ha raggiunto quota 2000 (approssimativamente il 2,5% di tutti gli utenti di Ipernity)!!!

Riguardo alla valutazione e all'aggiornamento costante di tali numeri, vi invito a leggere un mio precedente articolo (e relativi commenti) alla pagina:

http://tinyurl.com/NOMBRO

---------------------------------------------------

- Free Esperanto multilingual courses / corsi gratuiti multilingue di esperanto: http://www.lernu.net and/e http://www.kurso.com.br

- General informations about Esperanto / informazioni generali sull'esperanto: http://www.esperanto.net

Esperanto is

nobody@ipernity.com (Anĉjo PacHorano (Andrea Fontana)) — Fri, 03 Jul 2009 01:12:14 +0000

Anĉjo PacHorano (Andrea Fontana) has added a post:

L'esperanto è

nobody@ipernity.com (Anĉjo PacHorano (Andrea Fontana)) — Fri, 03 Jul 2009 01:08:10 +0000

Anĉjo PacHorano (Andrea Fontana) has added a post:

Micheal Jackson + esperanto

nobody@ipernity.com (Anĉjo PacHorano (Andrea Fontana)) — Fri, 03 Jul 2009 00:23:04 +0000

Anĉjo PacHorano (Andrea Fontana) has added a post:

European elections - elezioni europee

nobody@ipernity.com (Anĉjo PacHorano (Andrea Fontana)) — Sun, 07 Jun 2009 14:36:51 +0000

Anĉjo PacHorano (Andrea Fontana) has added a post:

(IT-FR-EN) la scioccante verita - Une vérité qui choque - The shocking truth

nobody@ipernity.com (Anĉjo PacHorano (Andrea Fontana)) — Sun, 07 Jun 2009 13:30:19 +0000

Anĉjo PacHorano (Andrea Fontana) has added a post:

Moni Ovadia con Sinistra e Libertà - Pia Locatelli candidata alle europee - Democratici Anonimi, per chi è stanco di votare PD

nobody@ipernity.com (Anĉjo PacHorano (Andrea Fontana)) — Sun, 07 Jun 2009 12:47:09 +0000

Anĉjo PacHorano (Andrea Fontana) has added a post:

ISRAELE-ISRAELO-ISRAEL / PALESTINA-PALESTINO-PALESTINE

nobody@ipernity.com (Anĉjo PacHorano (Andrea Fontana)) — Sat, 10 Jan 2009 19:00:26 +0000

Anĉjo PacHorano (Andrea Fontana) has added a post:

ISRAELE/PALESTINA - ISRAELO/PALESTINO - ISRAEL/PALESTINE:

LA SOLUZIONE MONOSTATALE - LA UNUŜTATA SOLVO - THE ONE STATE SOLUTION

IN ITALIANO (opinioni mie + informazioni):

http://nuovopartitodazione.forumup.it/about445-nuovopartitodazione.html

http://nuovopartitodazione.forumup.it/about445-0-asc-15-nuovopartitodazione.html

http://nuovopartitodazione.forumup.it/about445-0-asc-30-nuovopartitodazione.html

http://nuovopartitodazione.forumup.it/about445-0-asc-45-nuovopartitodazione.html

EN ESPERANTO (opinioj miaj + informoj):

http://www.ipernity.com/blog/30321/31592/comment/2903449#comment2903449

IN ENGLISH (very different sources and opinions)

http://en.wikipedia.org/wiki/One-state_solution (article of Wikipedia about the “one state solution”)

http://www.odspi.org (site of the Assosiation for One Democratic State in Israle/Palestine)

http://www.ipernity.com/blog/goplayer/86701 (article of an american-palestinian about the one-state solution)

http://www.haaretz.com/hasen/pages/ShArt.jhtml?itemNo=370659 (article of an isralei-hebrew, sionist, about the one-state solution - Haaretz)

——————————————————–

- Free Esperanto multilingual courses / corsi gratuiti multilingue di esperanto: http://www.lernu.net and/e http://www.kurso.com.br

- General informations about Esperanto / informazioni generali sull’esperanto: http://www.esperanto.net

★Esperanto - italiano★ La daŭre ĝisdatigata nombro de esperantoparolantoj en Ipernito - Il numero, costantemente aggiornato, di esperantofoni in Ipernity

nobody@ipernity.com (Anĉjo PacHorano (Andrea Fontana)) — Mon, 22 Dec 2008 02:23:12 +0000

Anĉjo PacHorano (Andrea Fontana) has added a post:

ESPERANTO - ITALIANO

ESPERANTO

Por ekhavi kredindan takson de la aktuala nombro de esperantoparolantoj en Ipernito, sufiĉas eniri la Ipernitan spacon de la Flandra Esperanto Ligo (www.ipernity.com/home/28850) kaj kontroli kiom da kontaktoj ĝi aktuale havas. Tiu nombro estas konstante ĝisdatigata... La listo de tiuj kontaktoj legeblas ĉe www.ipernity.com/user/28850/network.

Interesa estas ankaŭ la fakto, ke per la F.E.L.-a paĝo www.ipernity.com/user/28850/network/map oni povas vidi, sur mondomapo, kie loĝas la esperantistoj Ipernitanoj kiuj enmetis, en sian propran Ipernitan profilon, la informon rilatantan al sia loĝloko. Tia videbligo, kompreneble, ne eblas rilate al tiuj esperantistoj, kiuj ne indikis kie ili loĝas...

Pri la teĥinkoj uzataj por malkovri esperantoparolantojn en Ipernito kaj, sekve, ĝisdatigadi la kontaktoliston de la F.E.L., vi povas legi: http://www.ipernity.com/blog/paul_peeraerts/24925 kaj http://www.ipernity.com/blog/paul_peeraerts/25428.

ITALIANO

Per avere una valutazione credibile dell'attuale numero di esperantofoni in Ipernity, basta entrare nello spazio della Lega Esperantista delle Fiandre (www.ipernity.com/home/28850) e controllare quanti contatti essa ha attualmente. Questo numero viene costantemente aggiornato... La lista di questi contatti può essere letta alla pagina www.ipernity.com/user/28850/network.

E' interessante anche il fatto che attraverso la pagina della L.E.F. www.ipernity.com/user/28850/network/map si può vedere, su una mappa del mondo, dove abitano quegli esperantofoni di Ipernity che hanno messo nel proprio profilo l'informazione circa il loro luogo di residenza. Questa visualizzazione non è possible, ovviamente, nel caso di quegli esperantisti che non hanno indicato dove risiedono...

Riguardo alle tecniche usate per scoprire esperantofoni in Ipernity e, di conseguenza, aggiornare continuamente la lista di contatti della L.E.F., potete leggere: http://www.ipernity.com/blog/paul_peeraerts/24925 e http://www.ipernity.com/blog/paul_peeraerts/25428 (entrambe le pagine sono in esperanto).

???ESPERANTO??? → www.kurso.com.br

A Radio Popolare insieme ai Rêverie

nobody@ipernity.com (Anĉjo PacHorano (Andrea Fontana)) — Mon, 22 Dec 2008 02:22:44 +0000

Anĉjo PacHorano (Andrea Fontana) has added a post:

Lunedì 10 Novembre 2008, dalle ore 23.40 alle ore 24.30, ho avuto il piacere di partecipare, insieme con il gruppo Rêverie, ad una trasmissione su Radio Popolare (www.radiopopolare.it)

I Reverie, infatti, con il loro ultimo bellissimo album “Shakespeare, la donna, il sogno” (info: www.ipernity.com/blog/28233/81748), al quale ho avuto l’onore e il piacere di collaborare scrivendo i testi di due “bonus tracks” in esperanto (info: www.ipernity.com/blog/28233/81752 e www.ipernity.com/blog/28233/81750), hanno ottenuto una prestigiosa vetrina nel programma di Radio Popolare “From Genesis to Revelation”, dedicato al Rock Progressivo.

Nel corso della trasmissione, io ho avuto modo di dire qualche parola sull'esperanto.

Ringrazio i due intervistatori di Radio Popolare per avermi concesso l'autorizzazione a mettere in rete, in questo mio spazio, l'intera trasmissione.

La PRIMA PARTE dell'intervista/concerto può essere ascoltata all'indirizzo:

www.ipernity.com/doc/28233/3466799

La SECONDA PARTE dell'intervista/concerto può essere ascoltata all'indirizzo:

www.ipernity.com/doc/28233/3466872

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

Visitate il mio album "Io e il gruppo musicale Rêverie" all'indirizzo:

www.ipernity.com/doc/28233/album/77682

[???ESPERANTO??? -> www.kurso.com.br]

Posts from Anĉjo PacHorano (Andrea Fontana)

Esperantlingvaj radiostacioj

Jen kelkaj retadresoj per kiuj aŭskulteblas aŭ elŝuteblas esperantlingvaj radioelsendoj.

Aldonu ĉie ajn, en Ipernito, taŭgajn retligilojn al retejoj pri/por Esperanto. Jen kelkaj "ruzaj" konsiloj por vi...

★Esperanto - italiano★ 2205 esperantistoj en Ipernito! - 2205 esperantisti in Ipernity!

★Esperanto - italiano★ 2120 esperantistoj en Ipernito! - 2120 esperantisti in Ipernity!

82a KONGRESO DE SAT: Gazetartikolo 2009

Eksternacia interkontaktiĝo de laboristoj kaj progresemuloj

82a KONGRESO DE SAT: Unuafoja kongresano

82a KONGRESO DE SAT: Deklaracio kaj Gvidrezolucio 2009

Deklaracio kaj Gvidrezolucio 2009

Deklaracio

Gvidrezolucio

82a KONGRESO DE SAT: Raporto kaj Flugfolio de la Pacista Frakcio

Giovedì 23 Luglio, Milano: CONCERTO DEI RÊVERIE (ingresso libero)

VENU AL LA SAT-KONGRESO 2009 EN MILANO, ĝi baldaŭ komenciĝos!

Programo

Elmigri senlandlime, vivi sennaciece

Aliĝintoj (je la 12a Julie de la 2009a)

★Esperanto - italiano★ 2000 esperantistoj en Ipernito (=2,5%) ! - 2000 esperantisti in Ipernity (=2,5%) !

Esperanto is

L'esperanto è

Micheal Jackson + esperanto

European elections - elezioni europee

(IT-FR-EN) la scioccante verita - Une vérité qui choque - The shocking truth

Moni Ovadia con Sinistra e Libertà - Pia Locatelli candidata alle europee - Democratici Anonimi, per chi è stanco di votare PD

ISRAELE-ISRAELO-ISRAEL / PALESTINA-PALESTINO-PALESTINE

★Esperanto - italiano★ La daŭre ĝisdatigata nombro de esperantoparolantoj en Ipernito - Il numero, costantemente aggiornato, di esperantofoni in Ipernity

A Radio Popolare insieme ai Rêverie

Elmigri senlandlime,

vivi sennaciece