Posts from Cindy Mckee

Etaj etnaj bandoj

nobody@ipernity.com (Cindy Mckee) — Sun, 08 Nov 2009 22:06:40 +0000

Cindy Mckee has added a post:

Etaj etnaj bandoj

--laŭ ĉinesko Zhuzhici (Bambuoj)

kuniĝintaj staras ni

en etnaj bandoj, ili

dise maldifuzas kaj

krokodilas inter si

eksperimenta kobaj'

de verdhoma revo; aj

kuru, kobajo, iu

volas vesti vin en faj'

krom ĉikanoj pri ĉiu

bando alia kiu

enviinde pli multas,

nur aŭdeblas laŭda bru'

kuru kobajo, kultas

tiuj, kiuj insultas

vin prokrastu, dume ni

naciismon sepultas

Donu ideojn pri Esp. de Jaro 2009

nobody@ipernity.com (Cindy Mckee) — Sun, 08 Nov 2009 18:59:12 +0000

Cindy Mckee has added a post:

Mi havas taskon (kaj ankaŭ 17 aliaj personoj) proponi 1 - 3 nomojn por Esperantisto de la Jaro 2009.

El tiuj proponataj nomoj, 16 aliaj personoj elektos iun.

Vi povas legi pri tio: http://eo.wikipedia.org/wiki/Esperantisto_de_la_Jaro

Mi volas proponi 3 personojn kiuj sindone kaj modeste laboras; personoj kiuj ne ricevas sufiĉan laŭdon -- ĉi tiu titolo estus finfina rekono de granda laboro. Tre plaĉus al mi honori modestulon kiu ĉiam laboris en la fono.

La proponatoj devus labori por Esperanto iel, en la jaro 2009, aŭ en antaŭaj jaroj, se tiu laboro konkretiĝis en 2009.

Oni ne proponu la Esperantistojn de la kvin lastaj jaroj 2004, 2005, 2006, 2007, 2008 (Helmar Frank, Povilas Jegorovas, Bertilo Wennergren, Peter Zilvar, Ilona Koutny) aŭ la sekretarion (Halina Gorecka).

Mi petas helpon decidi nomojn. Ĉu vi konas personon? -- helpu, helpu

avizeto: nenie en la reguloj estis skribita ke mi ne rajtas peti helpon pri nomoj. Do, mi invitas vin partopreni en mia decido.

Joomla 1.5.15

nobody@ipernity.com (Cindy Mckee) — Thu, 05 Nov 2009 15:20:34 +0000

Cindy Mckee has added a post:

Joomla 1.5.15 lingva pako estas preta: http://joomlacode.org/gf/download/frsrelease/9961/45757/eo-XX_Joomla1.5.15_full.zip

noto: dum longe, mi uzas tradukilon. Hodiaŭ, mi rimarkis ke ĝi ne montris ŝanĝitan linion. Se vi rimarkas frazon kiu ne ŝajnas en ordo, bonvolu sciigi min.

Mallumejo

nobody@ipernity.com (Cindy Mckee) — Mon, 02 Nov 2009 19:38:21 +0000

Cindy Mckee has added a post:

Mi esploras la kampon de la 'malluma' TTT-ejo; la nevidebla parto de la TTT-ejo; tiuj ejoj - aparte paĝoj - kiujn indeksilojn kaj robotojn ne aliras kaj kiujn ni ne trovas kiam ni uzas serĉilon kiel Google.

Demando: Ĉu vi konas iun firmaon kiu pagas homajn rikoltistojn trovi nevideblajn paĝojn?

Se jes, mi antaŭdankas komenton pri tio.

Google malfermas 16 projektojn al voĉdonado

nobody@ipernity.com (Cindy Mckee) — Sat, 26 Sep 2009 15:56:46 +0000

Cindy Mckee has added a post:

Projektoj kiuj celas plibonigi la mondon

antaŭa blogaĵo: http://www.ipernity.com/blog/22786/95853

En Projekto 10¹⁰⁰, Google stucis la projektojn ĝis 16. Nun la publiko rajtas voĉdoni: http://www.project10tothe100.com/index.html

El la falmenuo supre dekstra, elektu lingvon, tiam alklaku la verdan butonon, kaj vi povas legi la ideojn kaj voĉdoni -- de nun ĝis la 8a tago de oktobro.

Okulfrape al mi estas ke multaj el la 16 ideoj metas povon en la manoj de la popoloj, per ne nur aliro al informoj, sed ankaŭ la rajto aldoni al la informoj. Google finance subtenos maksimume 5 el la plej voĉdonitaj ideoj. La unua paŝo post la 8a tago de oktobro -- post fina elekto de projektoj estos inviti organizaĵojn proponi sin mem kiel komisarojn de projekto. Helpe de la mamota kompanio Google, la projektoj estos realigitaj -- per 10⁶ usonaj dolaroj.

Voting has opened in Google's Project 10¹⁰⁰. Out of 16 ideas (some are amalgamations of individual proposals) up to 5 will be chosen, based on the voting, which ends Oct. 8th: http://www.project10tothe100.com/vote.html Google will back up to 5 winning projects, with 10 million greenbacks.

Kelkaj ŝercoj

nobody@ipernity.com (Cindy Mckee) — Sat, 12 Sep 2009 21:04:31 +0000

Cindy Mckee has added a post:

Panjo, panjo! La sako de hundnutraĵo malpleniĝis.

-- Silentu kaj formanĝu la knelojn.

Panjo, panjo! Kio aŭ kiu estas juna deliktulo?

--Silentu! Fumu la cigaredon, drinku vian viskion kaj dismetu la ludkartojn.

Panjo, panjo! Kial paĉjo aspektas tiel pale?

--Silentu kaj daŭrigu fosi.

Panjo, panjo! Kial ĉiuj forkuras?

--Silentu kaj reŝargu.

Panjo, panjo, kial paĉjo zigzagas?

--Silentu kaj repafu.

Mi spertas amnezion kaj jamvidaĵon samtempe. Mi kredas ke mi jam forgesis ĉi tion.

Iu demandis ĉu mi scias, kioma horo estas. Mi respondis ke jes, antaŭe.

Multaj komediistoj imitas aliajn. Mi imitas mian ombron.

Mi akiris novan ombron. Mi devis forpeli la alian.... ĝi ne faris tion, kion mi faris.

Mi metis glubendon al sur la speguloj en mia domo por ke mi ne senintence trapaŝu en alian dimension.

Lastatempe, mi pentras abstrakte. Tre abstrakte. Neniu peniko, neniu farbo, neniu dreliko, mi nur pensas pri pentri.

Mi ĝuas rememoradi kun nekonatuloj.

(Se vi maltrafis legi min, estas ĉar mi estas parenteza.)

Antaŭ 4 jaroj...ne, estis hieraŭ. Hodiaŭ, mi...tiu ne estis mi. Foje, mi...tamen, ne.

Ĉu estas strange ĉi tie aŭ ĉu estas nur mi?

Iam, amiko sendis poŝtkarton al mi ilustrita per foto de nia kara planedo. Dorse, li skribis, "Mi sentas la mankon de vi."

Obama NE menciis Esperanton

nobody@ipernity.com (Cindy Mckee) — Wed, 09 Sep 2009 17:57:30 +0000

Cindy Mckee has added a post:

La preparita parolo: http://www.whitehouse.gov/MediaResources/PreparedSchoolRemarks

La efektiva parolo: http://www.youtube.com/watch?v=3iqsxCWjCvI

Li neniam menciis Esperanton. Iu nezorgema leganto legis: http://www.nbcbayarea.com/news/tech/Obama-Decries-X-Box-Facebook-57732152.html

kaj kredis ke Obama insultis Esperanton. Zorgema leganto rimarkos ke la vortoj de Obama estas inter citiloj.

Bonvolu konservi kopion de Revon havas mi

nobody@ipernity.com (Cindy Mckee) — Thu, 03 Sep 2009 12:32:36 +0000

Cindy Mckee has added a post:

Iu menciis ke la Esperantigo de la fama parolo de Martin Luther King Mi havas revon aŭ Revon havas mi estas ege malfacila trovi enrete nun, ĉar kelkaj retpaĝoj fermiĝis. Mi trovis unu version: http://eo-literaturo.wikispaces.com/Mi+Havas+Revon+%28KING-ML%29

kaj mi nun kopias tion al propra komputilo.

Ĉu ekzistas alia versio en la reto?

Oni povas kompari tradukaĵojn kun la originala: http://www.americanrhetoric.com/speeches/mlkihaveadream.htm

aŭ aliaj tradukaĵoj: http://www.mlkonline.net/speeches.html

....mi pdf-igis ĝin: http://cindymckee.com/librejo/Revon_havas_mi.pdf

kaj ĉi tie: http://www.ipernity.com/doc/cindio/5869583

Ni ĉiuj konservu kopiojn, ĉu ne, ĉar retpaĝoj foje fermiĝas, kaj ni perdas tekstojn.

Red River

nobody@ipernity.com (Cindy Mckee) — Tue, 25 Aug 2009 12:21:15 +0000

Cindy Mckee has added a post:

Red River

--in the tradition of Ci, form Manjianghong (River Fully Red)

Clay full I am

rich and red

through this their clay

I filter,

leach tribal tongues

and wetly play

my liquid tongue delivers

discourse from an ancient day

inscribe in

liquid pottery

the old way

Then southward

I survey

strong Texas

I decay

the clay of cowboys

I will convey

redly, rushing, to the Gulf

I pause at the port to weigh

my peoples

then mix world's water

in my spray

Manjianghong has two stanzas, of syllable arrangement: 434,344,77,353 / 33,33,54,77,353

and rhyme arrangement: xxa,xxa,xa,xxa / xa,xa,xa,xa,xxa

Venanta verdestaĵo

nobody@ipernity.com (Cindy Mckee) — Sat, 15 Aug 2009 00:32:16 +0000

Cindy Mckee has added a post:

Venanta verdestaĵo

--laŭ ĉinesko Fengrusong (Vento inter Pinoj)

estaĵo en skulpturo

kontraŭ dommuro

grimpantoj ĉirkaresas-

Ne ploru

nia turo

ni dancas adore

laŭ via konturo

vivanta, verda ŝnuro

verda tinkturo

elverŝas premimpresojn

al sur la blanka puro

dum ili amkantas-

vi estas nurnuro

Fengrusong havas silaban aranĝon laŭ: 7,5,734,66 / 7,5,77,66

rimaranĝon: a,a,xxa,xa / a,a,xa,xa (x=senrima) desegnaĵo de Eder Benedetti

Eventual Verdant Being

A being in statuette

against parapet

climbers tendrilly caress-

please don't cry

our minaret

we dance adoringly

along your silhouette

A living green plaited net

green dye foliate

pour out pressing impressions

on whiteness immaculate

while they sing lovingly-

you're something separate

Ĉineske 9: http://www.ipernity.com/doc/cindio/5586623/in/album/141538

Sekureco-problemo je kriza nivelo en Joomla 1.5.12 - ĝisdatigu

nobody@ipernity.com (Cindy Mckee) — Fri, 24 Jul 2009 12:21:37 +0000

Cindy Mckee has added a post:

Sekureco-problemo je kriza nivelo.

'Tiny browser' la foliumilo kiu estas inkluzivita kun TinyMCE 3.0, permesas la alŝuton kaj forigon de dosieroj sen unue ensaluti.

Se vi estas administranto de retejo uzante Joomla 1.5.12, ĝisdatigu tuj al versio 1.5.13. La fliko: http://joomlacode.org/gf/download/frsrelease/10696/42207/Joomla_1.5.12_to_1.5.13-Stable-Patch_Package.zip

La lingva ĝisdatigo: http://joomlacode.org/gf/download/frsrelease/6129/42400/eo-XX_Joomla1.5.13_full.zip

Incesto

nobody@ipernity.com (Cindy Mckee) — Mon, 20 Jul 2009 15:43:01 +0000

Cindy Mckee has added a post:

Jes, mi apenaŭ tuŝis la temon en ĉi tiu artikolo, kiu jam aperis. Mi bezonas reviziti tiun Konvencion pri la rajtoj de la infano...

(nun mi laboras; ĝis)

Incesto: seksaj agoj inter familianoj. Seksa ago eble/eble ne inkluzivas penetron. Familianoj ne nepre estas sangaj parencoj; ekz. duonpatro-duonfilino.

Antropologoj ofte asertas ke la sola komuna trajto inter ĉiuj kulturoj estas la malpermeso, la tabuo de incesto. Kaj jes, la plejmulto de socioj havas iun tipon de incesta evito en la moralo. Tamen, ĉu tio signifas ke incesto ne okazas, aŭ okazas malofte?

Taksoj varias; esploroj montras ke 1 el 23, 1 el 77, aŭ 1 el 10 geknaboj suferis de incesto. Incesto okazas en ĉiu ekonomia tavolo, en kaj kamparaj kaj urbaj medioj, en religiaj socioj kaj en sekularaj, en kleraj kaj malkleraj familioj. Ĉi tiu misfunkcio de normala familia vivo montriĝas en pli alta risko de la viktimo sperti diversajn perturbojn, inkluzivante malaltan memestimon, malfacilon subteni interpersonan rilaton, seksan misfunkcion, deprimon, anksion, fobiajn evit-reagojn, psikosomatan malsanon, misuzon de drogoj, liman misfunkcion de personeco, kaj kompleksan post-traŭmatan streson.

Laŭ la trovoj, incesto estas unu el la plej oftaj misuzoj de infanoj, kaj unu el la plej damaĝaj. Evidente, ĝi ankaŭ estas unu el la malplej konfesitaj problemoj. En kelkaj dokumentoj, mi legis la frazon, "La tabuo ne estas kontraŭ incesto, la tabuo estas kontraŭ paroli pri incesto."

Kaŝado kaj nekonfeso de la mistraktado ŝajnas transpasi etnajn kaj ŝtatajn limojn. Ĉiu kulturo ekzercas eviton de la temo de incesto. Ĝenerale akceptata kialo de tio estas la preskaŭ universala traktado de infanoj kiel posedaĵoj de la gepatroj kaj/aŭ de aliaj plenkreskaj parencoj, laŭgrade en la malsamaj kulturoj.

La sekreteco ŝajnas konduki al du rezultoj; pligrandiĝo de la sentoj de kulpeco kaj honto, kaj efektiva kuraĝigo de incesta konduto.

En preskaŭ ĉiu kulturo, la familio estas la plej grava meĥanismo de socialigo. Kiam la faranto de incesto estas la tradicia protektanto kaj edukanto de la infano, la aŭtoritatulo de la infano, tiu procezo de socialigo ne nur devias de akceptataj normoj, tiu procezo estas tute rompita. Krom la rompo de socia edukado, la infano suferas la perdon de sekureco en propra hejmo. Kaj kiam la vilaĝo turnas sian kolektivan vizaĝon, la infano perdas ĉiun esperon de protekto kontraŭ perverso.

Pri universala traktado

La diferencoj inter moraloj de malsamaj kulturoj estas grandaj. La konceptoj pri deca konduto, seksaj rilatoj, kaj pri la graveco, privateco kaj eĉ difino de familio foje kontrastas ekstreme. La traktado de infanoj same kontrastas.

Dirinte tion, kvankam la diversaj komunumoj aplikas diversajn moralojn, la tekstoj pri la temo montras ke universala konsento ekzistas (almenaŭ en okcidentaj landoj), ke infanoj ne posedas saman rezono-kapablon kiel plenkreskuloj, tial ne kapablas interkonsenti pri seksa rilato, aparte kun aŭtoritatulo.

Ĉu estus saĝe aŭ dezirinde subteni universalan konvencion, kiu estus praktikata sen rigardo al ŝtatlimoj? Ĉu la Konvencio pri la rajtoj de la infano de Unuiĝintaj Nacioj diras sufiĉe? Mi citas: "ARTIKOLO 19

1. La subskribintaj ŝtatoj faras ĉiujn leĝdonajn, administraciajn, socialajn kaj edukajn disponojn taŭgajn por protekti la infanon kontraŭ ĉia perforto, atenco aŭ korpa aŭ mensa brutaleco, forlaso aŭ neglekto, malbonaj traktadoj aŭ ekspluatado, inkluzive de seksa perforto, dum ĝi estas sub gardo de siaj gepatroj aŭ de unu el ili, de sia aŭ siaj leĝaj reprezentantoj aŭ de ĉia alia persono al kiu ĝi estas konfidita

ARTIKOLO 34

La subskribintaj ŝtatoj promesas protekti la infanon kontraŭ ĉiuj formoj de seksa ekspluatado kaj de seksa perforto. Tiucele la ŝtato faras aparte ĉiujn taŭgajn disponojn sur nacia, duflanka kaj multflanka ebenoj por malhelpi:

a) Ke infanoj estu instigataj aŭ devigataj okupiĝi pri kontraŭleĝa seksa agado;

b) Ke infanoj estu ekspluatataj cele al prostituado aŭ aliaj kontraŭleĝaj seksaj praktikoj;

c) c) Ke infanoj estu ekspluatataj cele al produktado de pornografia spektakloj aŭ materialo."¹⁠

Rimarku uzon de la vortoj 'duflanka' kaj 'multflanka'; ili estas ŝlosilvortoj al internacia traktado. Malgraŭ tio, la difinoj de kontraŭleĝa seksa agado ne ekzistas en tiu dokumento kaj ne estas referencataj, krom deklaroj pri seksa perforto, prostituado kaj pornografio, kiuj estas ĝenerale klaraj terminoj.

Do, la precizaj ŝtataj difinoj de seksaj ekspluatadoj estos uzataj, eventuale kun interveno de Unuiĝinta Naciaro.

Eĉ se vi kredas ke universala kontrakto ne povus aŭ ne devus ekzisti, ni povas agi en niaj komunumoj kontraŭ la endanĝerigo de infanoj. Unu el la plej gravaj agoj estas la detruo de tiu ebliganta muro de silento ĉirkaŭ incesto.

noto: mi evitis uzon de la vorto sangadulto, ĉar incesto ne ĉiam okazas inter sangaj parencoj, kaj ne ĉiam temas pri adulto.

1 1 1 "[Esperanta traduko far MAS: Unuiĝintaj Nacioj. Konvencio pri la Rajtoj de la Infano.”

Enreta bibliografio: http://cindymckee.com/bib_artikolo_incesto.html

La temo estas limonado

nobody@ipernity.com (Cindy Mckee) — Mon, 20 Jul 2009 14:37:08 +0000

Cindy Mckee has added a post:

Mi ĵus skribis al iu, ke Jianzi Mulanhua estas tre 'okcidenta gusto' de ĉinesko.Ĉu ne?

Jianzi Mulanhua konsistas el du samaj strofoj kun 4 versoj de 4,7;4,7; / 4,7;4,7 silaboj, laŭ rimaranĝo aa,bb,cc,dd.

La temo estas limonado

--laŭ ĉinesko Jianzi Mulanhua

porda puŝo

tiam tenera tuŝo

buŝa suĉo

ĉerpo el suka kruĉo

lekas lango

globajn gutojn de vango

gluta glito

likva kisoekscito

Ekzisto pro bezono

nobody@ipernity.com (Cindy Mckee) — Sat, 18 Jul 2009 12:44:42 +0000

Cindy Mckee has added a post:

Ekzisto pro bezono

--laŭ ĉinesko Queqiaoxian

Ĉu ekzistas

senarbitra

vero absoluta-

aksiomo de ĉio

solida

senrefuta?

Ĉu bezono

havi bazon

estas atributa

vero de kerna vero-

esenco

neimputa?

Queqiaoxian: (446,734)x2

Mi ĝuas ĉineskojn pli kaj pli. La malsamaj strukturoj invitas min pensi malsame. Mi ne scias ĉu via menso bezonas ekzercon, sed mia jes!

Ĉu iu bezonas malstreĉiĝi?

nobody@ipernity.com (Cindy Mckee) — Thu, 16 Jul 2009 00:13:40 +0000

Cindy Mckee has added a post:

Ĉu kapuĉini aŭ ne kapuĉini?

--laŭ ĉinesko Yulinling

Kafeini

ĝis komenci

halucini

Tio estas ĝojo

Mian menson

ilumini

mia celo estas

jam ne min klini

al la lit'

Nur lumadi

mian tagon ne fini

Mi bezonas urini,

doloron

povas difini

Eĉ artikaj ligoj

ĝemas dum

determini

ĝustan lokon

Ĵuras

jam ne kapuĉini

akre mi

dum ektremaj

paŝoj abstini

Yulinling havas 2 strofojn de 11 kaj 12 versoj, kiuj havas silabajn aranĝojn de 4,44,644,65,347 / 7,35,634,426,345 kaj rimaranĝojn de a,xa,xxa,xa,xxa / a,xa,xxa,xxa,xxa (x = senrima)

noto: kafo ne kaŭzas halucinon

Kiu viktimo - What Victim?

nobody@ipernity.com (Cindy Mckee) — Mon, 13 Jul 2009 12:56:58 +0000

Cindy Mckee has added a post:

Kiu viktimo?

--laŭ ĉinesko Dingfengbo (Subigo de Ŝtormo)

vi venas sen pasporto

nevivpova aborto

de patrujo forvelka

kelka

Nenombrita eksporto

ĉi tie nur ĝenkvanta

vanta

kiel subŝua cimo

amaso da malhomo

Nomo-

alia krom viktimo

Translation:

What Victim?

--in the tradition of Ci, form Dingfengbo (Subjugation of a Storm)

You come without a passport

nonviable, so abort

from motherland long since flagged

Untagged

uncalculated export

Here, only a vexing sum

irksome

a bug on our shoe-bottom

nonhuman brute crowd that came

your name -

anything besides victim

7,7;7,2;7;/7,2;7;7,2;7 | aabba/ccdeed

The Vendor of Pain

nobody@ipernity.com (Cindy Mckee) — Tue, 07 Jul 2009 13:09:54 +0000

Cindy Mckee has added a post:

The Vendor of Pain

--in the tradition of Ci, of the form: Linjiangxian

I received a challenge!

Yessir, says the sender

Girl, your chances are slender

chant your sundown song

Cindy, surrender

I'm an obstinate ass

could be a contender

for most patent pretender

But, she set me straight

Pain? She's the vendor!

Chinese fixed form poetry. The form Linjiangxian has 2 stanzas of 5 verses each, with 66,7,55 syllables. The commas allude to the rhyme scheme: xa,a,xa (x = unrhymed, and the last verse is always a rhyming verse, so a comma is unnecessary)

Hundo sur ĉeno (ĉenita)

nobody@ipernity.com (Cindy Mckee) — Mon, 29 Jun 2009 20:23:16 +0000

Cindy Mckee has added a post:

Hundo sur ĉeno

--laŭ ĉinesko Huanxisha

Vi palpas ĝin viscere

vualas vin ekstere

Li vundus vin severe

se penso eĉ emanus.

Estiĝas efemere

memeco. Pasis, vere.

7,7,7/77,7

rimaranĝo: a a a x a a

Mi skribis tion jambe, sed oni ne devas uzi fiksitan ritmon en ĉinesko, ĉar la silabro-nombro en linioj ofte varias; linio povas esti para, la sekva nepara; ekz, 3-silabra linio sekvata de 6-silabra linio.

Kunlaboru per OpenOffice

nobody@ipernity.com (Cindy Mckee) — Sun, 28 Jun 2009 22:09:41 +0000

Cindy Mckee has added a post:

Kiom da vi scias pri la kunlabora eblo de OpenOffice? Oni povas enŝalti markadon de ŝanĝoj al dokumento. Poste, alia persono povas rigardi la ŝanĝojn, akcepti aŭ malakcepti la ŝanĝojn. Tre utile dum kunverkado aŭ provlegado.

En la menuo Redakti -> Ŝanĝi -> Registri, oni markas registradon de ĉiu ŝanĝo al dokumento. En sama menuo: Redakti -> Ŝanĝi -> Vidigi, oni ŝaltas videblecon de la ŝanĝoj. La kolorojn, kompreneble, oni povas ŝanĝi.

Mi decidis ruĝigi forigatajn ŝanĝojn kaj bluigi aldonatajn vortojn. Do, mi iris al Iloj -> Agordaĵoj -> OpenOffice.org Verkilo -> Ŝanĝoj, kaj elektis tiujn kolorojn. Rimarku kolorojn sube. Kaj rimarku la vertikalan linion apud ĉiu linio kiu enhavas ŝanĝojn. En tiu sama menuero estas eblo ŝanĝi la koloron de tiu marko. (mi lasis)

Se vi estas la persono kiu rigardas la ŝanĝojn -- post iu sendas la dokumenton al vi -- kaj volas akcepti aŭ malakcepti, iru al Redakti -> Ŝanĝoj -> Akcepti aŭ malakcepti:

La markoj malaperos post (mal)akcepto. Vi havos belan dokumenton!

Neda

nobody@ipernity.com (Cindy Mckee) — Sun, 28 Jun 2009 00:29:22 +0000

Cindy Mckee has added a post:

Neda

—laŭ ĉinesko Pozhenzi

Persio regata

de menso obseda

Kantas antikvaj voĉoj

pri kulturo hereda-

aldonu Neda

Spirita gvidanto

spirito poseda

Kantas juna spirito

leviĝas voĉo pleda

memoru Neda

Mi havis tempon hodiaŭ legi pri Neda. Kaj mi skribis tion. Kvankam, mi kredas ke oni elparolas Neda - Nida, mi rimis vortojn uzante la literumadon.

Ŝia nomo estis NEDA