Articles from Lakbira Rochdi

<untitled>

nobody@ipernity.com (Lakbira Rochdi) — Tue, 04 Dec 2012 09:25:10 +0000

Lakbira Rochdi has posted an article:

Muziko en urbo Feso

nobody@ipernity.com (Lakbira Rochdi) — Sun, 12 Feb 2012 18:50:15 +0000

Lakbira Rochdi has posted an article:

En mia urbo kunekzistas pluraj muzikaj tradicioj. Kompreneble, nuntempe, same kiel en chiuj landoj de la mondo, gejunuloj auskultas popan kaj rokan muzikon. Inter la tradiciaj stiloj, estas tiu kiun kunportis la islamanoj forpelitaj el Hispanujo kiam la kristana povo pli kaj pli konkeris la iberiajn teritoriojn al tiamaj reghoj arabaj. Tiel aperis en mia urbo pli kaj pli da homoj kiuj havis kaj ankorau havas komunajn kulturajn trajtojn devenintajn el tiu epoko kiam ili vivis en "Al-Andalus", la nomo kiun la iberia duoninsulo ricevis de la tiuepokaj islamaj loghantoj. Ankau estas muziko ene de tiu kulturo "andaluza". En nuna Hispanujo, estas autonoma komunumo en la sudo kies nomo estas "Andalucía" kaj en la malnova parto de urbo Feso, "Fes-al-bali", ankau trovighas la "kvartalo de andaluzoj" kun bela moskeo samnoma. Parenteze, Fes-al-bali, la mezepoka parto de mia urbo, estis nomumita Trezoro de la Homaro de Unesko. Iom pri ghi en Esperanto: http://eo.wikipedia.org/wiki/Fez

Tia muzikstilo "andaluza" karakterizighas de longaj muzikpecoj kie oni parolas pri amo, religiaj temoj kaj tiel plu.

Jen ekzemplo de tia stilo ludita de grupo el la urbo mem:

Kaj jen filmeto de sama grupo. La nomo de la kanto: Mizan Bassit Ramel Al Maya

Pli pri la kurso kaj la starigintoj, Rafaelo kaj Lakbira

nobody@ipernity.com (Lakbira Rochdi) — Sun, 12 Feb 2012 18:27:24 +0000

Lakbira Rochdi has posted an article:

Kiam mi konatighis kun Rafaelo, mi entute ne sciis pri Esperanto. Li volis lerni la araban kaj mi volis lerni la hispanan kaj, dum kelkaj monatoj, ni nur uzis Skajpon kiel cifereca lernejo kaj, pohoro chiutage, ni lernis pli kaj pli niajn respektivajn denaskajn lingvojn. Poste, ni ekparolis pri niaj interesoj, niaj shatoj, malshatoj, pri niaj urboj, chiutagaj vivoj, familioj kaj personaj historioj. Rafaelo venis al Feso viziti min kaj mian familion kaj de tiam ni jam restis kune ghis nun.

Rafaelo, de la komenco, klare diris al mi ke por li Esperanto estas grava afero kaj ke la persono kiu volos kundividi sian vivon kun li devas ankau almenau ghin paroleti. Aldone, min allogis la ideo pri internacia lingvo neutrala kaj, tiel, mi eklernis Esperanton per libroj kaj chiam sub la gvidado de Rafaelo. Ni kune estis en Chinujo dum ses monatoj, unue en urbo Baotou kaj, poste, en urbo Foshan.. Tie, Rafaelo instruis Esperanton kaj mi chiam cheestis chiujn lecionojn. Mi vidis ke Esperanto estis la nura maniero vere havi kontentigan komunikon kun chinoj. La china estas tiel malfacila lingvo! Iam, ni havis lernogrupon kie cheestis chinoj, vietnamo, alia hispano kaj mi, marokanino -chu iam antaue estis tia Esperanto lerno-grupo?-.

Por ni, araboparolantoj, lerni Esperanton havas apartajn malfacilajhojn. Ankau, por ni, lerni Esperanton estas io pli facila ol por chinoj: preskau ni chiuj iam en lernejo lernis europan lingvon -la francan por marokanoj, la anglan por egiptoj kaj tiel plu, kaj, tiel, multaj radikoj iom sonas al niaj oreloj. Por chinoj, lernado de radikoj tute fremdaj estas vere malfacila parto de Esperanto-lernado.

Por ni, granda malfacilajho estas klare distingi la 5 vokalojn de Esperanto. En nia lingvo komuna -la klasika araba- kaj en niaj dialektoj -Darijha en Maroko-, ne estas la vokaloj "i" kaj "e" en apudaj silaboj kaj pro tio, nia nekonscia tendenco estas diri, ekzemple: "Mi ni scias au me ne scias" anstatau la ghustan frazon. Ankau tio prezentighis dum la kurso en urbo Feso. Rafaelo foriris fine de Januaro sed, chiutage, li instruas al mi lecionon pere de Skajpo kaj, poste, mi daure instruas al la grupo pere de tiu materilao kiun ni kune antauprilaboras. Parenteze, ni uzas la kurson de Dennis Keefe, la esperantisto de la jaro chijare. Ni konatighis kun li en urbo Guangzhou -kantono Esperante- kaj ni konstatis ke li ne nur estas granda fizike -li estas impone alta kaj granda- sed ankau persone.

Mi rakontos al vi pri kurso de Esperanto en Maroko

nobody@ipernity.com (Lakbira Rochdi) — Fri, 20 Jan 2012 20:41:26 +0000

Lakbira Rochdi has posted an article:

Jam de antau tri tagoj Rafaelo Mateos instruas Esperanton en urbo Feso. La kurso okazas en lernochambro de frizist-altlernejo kie mi lernis frizistarton. La kurso dauros dek tri tagojn kaj preskau certe estos aliaj venontaj kursoj por progresantoj kaj novaj interesighintoj. Jen la unua foto pri la kurso: