Articles from Ivica Truto

Brstilo i Humac

nobody@ipernity.com (Ivica Truto) — Mon, 13 Jan 2025 10:32:42 +0000

Ivica Truto has posted an article:

Bi san dite, skruoz moli jer se Brstilota spominjen somo di dica starijo od mene na Pijaci za njin viču "mulo", a on bi za njima tuko stinjen... Jure Brstilo kojega se jo spominjen umri je na 4 jenora 1969... smrzo se od zime, odveli su ga u Supetar u bolnicu ma mu ni već bilo pomoći. Kako je u nos običaj jude zvat po nadimku ne jedon put su me pitali kako mu je bilo prezime, od koje je race. Bi je siromah, živi je u kućici koju je naslidi od matere a to kućica je bila u današnjen Carevića dvuoru di je sad novo kuća od Joke Carevića. Ni jemo skoro ništa, a neka se govorilo da se zno ko mu je ćaća, kako ga ovi ni prizno ni jemo ni njegovo prezime nego mamino...

Brstilo je prezime a u Humac je došlo iz Medovog Doca. Nuono vega gore Jure je u Humac duošo za junoka, momak od 20 brž kojuo godišće veće, iza 1850. U to doba umri je Nikola Žilković pokojnega Ivana i iza njega je ostala udovica Vica, mlodo žena od 30 godišć sa molon ćeron Margariton. Kad jon je umri muž Vica još ni bila napunila 30, u kući njih tri ženske, je radi tega, je iz jubavi nepuna dvo godišća odkad je pokopala muža Vica se ponovo udola...

Jakov Brstilo (Jakova i N. Lovrinić) (1823 + 1887)

oženi je:

Šimu Brizić Huhnić (Tadije i Jelene Stipičić) udovicu Nikole Žilkovića pok. Ivana, (1825 + 1881).

Vica je Jakovu rodila troje dice:

Vica (1859 + 1942)

Jakobina (1863 + 1868)

Ivan ( 1870 + ?…) Ivon je išo u Ameriku i neznon ča je bilo daje. Radi puta u Ameriku su mater i sestra bile sa popon na sud jer je ovi Ivanu do šolde za kupit kortu, za pašoj a ovi je obećo njemu niku zemju ako ne bude mogo vrotit. Sud je prisudi kuontra popa ito malo sirotinje je ostalo Vici...

Vica je ostala u Huncu sa mamon a ni se udovala. Vanbračno je rodila četvoro dice: ćer i tri sina:

Vica (1870 + 1884 )

Jakov (1882 + ?) on je odveden u Split u sirotište i dane se nezno di je...

Juraj Mirko (1892 + 1969)

Barnaba ( 1900 + ... ) isto odveden u Split u sirotište i u anagrafe spominje: kažu da je umro u sirotištu.

Jure je bi isto odveden u sirotište ali su ga vazeli nose 1901. Obo njemu jemo veće priči, raznosi je poštu, ma obo temu diguod drugon prigodon.

Brstilotu su nojbližji po svuojti bili Žilkovići, Pere i Bloža nona mu je bila teta, i daje Huhnići, stori Tadija i Kapetona otac su mu bili drugi rojoci...

Sritan i borben 1. Maja!!!

nobody@ipernity.com (Ivica Truto) — Wed, 01 May 2024 21:10:36 +0000

Ivica Truto has posted an article:

Al čiuj mi deziras sukceson kaj batalemon okaze de la 1. de Majo!!!

La 2021-a jaro

nobody@ipernity.com (Ivica Truto) — Fri, 01 Jan 2021 21:03:41 +0000

Ivica Truto has posted an article:

Al cxiuj miaj geamokoj kas samideanoj mi elkore deziras cxion plej belaokaze da komenco de nova jaro; estu sanaj, viglaj kaj bonhumoraj!!!

08. o3. 2020.

nobody@ipernity.com (Ivica Truto) — Sun, 08 Mar 2020 13:34:43 +0000

Ivica Truto has posted an article:

Al cxiuj Virinoj okaze de Internacia Virina tago mi deziras plibonigo de situacio en la virina parto de mondo. Ni kune kreu pli bonan mondon!

Svima Ženami uz Don žen želin da se popravi situacija noročito u žensken dilu svita, Zajedno učinmo svit bojin!

Su Kovo 8. visiem moterim noriu gero bei geresna vivo, Kartu padarikim pasaulis geresnim!

Vojaĝo, forgeso kaj revizito - Putovonje, zaborav i navraćonje

nobody@ipernity.com (Ivica Truto) — Thu, 27 Jun 2019 16:21:48 +0000

Ivica Truto has posted an article:

Mi ŝategas vojaĝi! Bedaŭrinde miaj eblecoj vojaĝi ne estas tiom grandaj kiom miaj deziroj. Antaŭe kiam mi havis oficiala laborposteno, mi havis pli da mono sed multe malpli da tempo, nuntempe kiam estas senlaborulo (nur oficiale) havante multe pli da tempo mankas al mi monrimedojn... Tamen, ĉiam mi kelkfoje dum jaro ie vojaĝas, pli aŭ malpli fore. Dum tiuj vojaĝoj okazas ke mi ion forgesas, tiu okaze mi rememoras onidiron: Se vi sur vojaĝo ion forgesis, tien vi revenos! Ĉu tio vere okazas?

Laŭ miaj ĝisnunaj spertoj mi ŝatus respondi : Jes, oni revenas. Pripensante mi certe povus diri: kie ajn dum vojaĝoj mi ion forgesis, iam poste revenis, kaj veron dirite neniam pro aferoj forgesitaj sed ĉiam pro homoj, gastigantoj... Tamen, mi ĉiam revenos pro unu forgesita afero... Jen la eta rakonto:

Iam, tute ne gravas tempo kiam okazis vojaĝo, vizitis mi belegan lokon, havis mi agrablajn, amuzajn gastigantinojn, restis mi pli longe ol planis, sed neniam bedauris. Por rekompensi kostojn eĉ helpis mi iomete laborante, ĝuante en ĉiuj momentoj pasante tie, sola aŭ akompananta... Ĉu mi ion forgesis preni revenante hejmen? Jes, kelkajn aferojn: razŝaumon, dentupaston, ĉemizon... Ĉu tio signifis ke mi revenos? Mi certas, eĉ ne garantias ke propravole forgesis ilin kiel signo ke mi revenos... Mi certe revenos ĉar tie mi lasis unu multe pli grava afero ol menciitaj: la koro! Ĉar sen koro mi ne povas vivi, do reveno estas nepra...

Hunčonski :)

Priznajen da san zajubjen u putovonje! Istini za voju mogućnosti za putovat nisu iste veličine ko i moje žeje... Pri dokle san lavuro u poduzieće, jemo san veće šuoldi a manje vrimena; sad, kad san službeno nezaposlen, jemon veće vrimena ma va i koji šolad za put jemat... Nimon se čo žalit, svako godišće putujen por puti bližje ili daje. Puno puti mi se dogodilo da bi na putu čaguod zaboravi i svaki put mi pode napamet kako rečedu: Ako čo na putu zaboraviš vaziet puldoma, tamo ćeš se vrotit! Sad se penson je to baš tako?

Po mojuon dosadašnjon pratiki, mogu reć: Je, vrotiću se. Kad malo boje promislin, svaki put di bi čo bi zaboravi tuod bi se pri ili kašnje navroti, istini za voju nikad radi zaboravjenih stvori nego uvi radi domaćini...

Živo istina je da se uvik vrotin ako zaboravin jedno... Čo?

Jedonput, nimo nikakve veze kad se to dogodilo, di san putovo, bi san u jedno lipo misto, jemo dvi šesne, zabavne domaćice; osto san i veće nego san isprva penso, a malo san pomogo i lavurat, da ne bin bi somo na trošak :) Ma san gušto u svaken momentu ča san tamo paso, bi som ili kunpanjon...

Jeson čo zaboravi vraćajuć se doma, jeson, nikoliko stvori: pinu za brijose, pastu za zube, majicu... Je to tilo reć da ću se vrotit? Siguran san da je, brž san to i namjerno ostavi ko sinjol da ću duoć opet... Sigur san da ću se navraćot tamo jer san tamo ostavi jednu stvor puno važniju od spomienutih: Srce!

A kako bez Srca ne mogu živit vroćonje tamo je siguro ko ča će se i večeras smrknut i ujutro rasvanut...

Povroz

nobody@ipernity.com (Ivica Truto) — Sat, 01 Jun 2019 18:40:14 +0000

Ivica Truto has posted an article:

Pri skoro misec don bi je u Zološken na Marjanu festivol od vune. Nažalost radi posla i štajuni nison dospi puoć. Bi san kurijožast da vidin ča činidu i da naučin čaguod novega (a storega). Pri por don san hodi u Split i paso priko Marijana neka mi je bi skruoz priko rukie. Posli puno godišć paso san kroz zološki, ćakulajuć sa judima obo beštijima. Ponudi san se za dogodine ko čo buden mogo dat ruku... Nison jemo na pamieti ča bi to moglo bit, ma promislit ću, jemo vrimena. Puno tega se kroz život nauči, a dobar dil tega sestavi nidir u možjone di je tieško noć, noročito ako ti je od tega malo ili nikako potriba po se na to se zaboravi. Ničesa se sitiš onako diguod usput: Hodi san vidit Brnetovu kućicu u Drinsko brca. Rašundro se kruov po štropu po san išo vidit ča se do učinit, kako san pogledo i iznutra vidi san obišene povroze.

Povroze se danas nojčešće čini od kaiša, diguod od kadiene, ritko od konopa a pri su se činili od driva i to somo jednie vrsti driva: smrdieja. Zoč? To nison nikad nikoga pito, kuo zno bi mi pokuojni Borba zno to reć, ma učini je puno veće od tega: nauči me kako se činidu povrozi. Istinu govorieć prvo dvo ča san učini nisu bili za duperat: prvi je mogo bit braculjet a drugi je bi ne za brove nego pri za telića :) Kad san prviega učini posli je već bilo lako, ma je isto lašnje stavit kaiš i dobro ga fermat tako da nison učini povroz jemo bare kvarat vika. A sad bi mogo ponovo. Vajo noć komod rovnega smrdieja, izdilot ga da grie niz drivo jer drugačije kad ga ideš savinut somo će se rascipat.

Kad san već kolo povrozi moran imencovot i pokuojnega barba Ivu Žuvića... Bili su uon i Jadran skupa sa Borbon mi na Foru sa brovima. Stoli su u jednuon kućici u Bogomojskin Siecima a jo san sto skupa sa njima kad san hi išo vidit za zimske praznike. Smrkne se navrime, nuoć dugaška a somo lanpijun i šterika uz komin i svakakve ćakule. Koće se već spominjot kako se duošlo do razgovora obo muodi ma je barba Ivo Žuvić vrhunski prokomentiro: "Muoda ti je od danas do sutra, koda ni čo mislidu kako je boje nego nikien pode čaguod napamet a onda svi poludidu za tin. Evo možeš dat škomešu da ako staviš povroz na jednu mlodu, šesnu curu i pošješ je u sr' lita priko pjace u Foru (mistu) sutra bi mogo na tu istu pjacu prodat stuo povrozi jer bidu svi tili pratit muodu...

Somo toliko za danas, a ovi ča san hi spuomenu a nisu više sa nami neka počijedu u miru!

Pupeto - Pupa

nobody@ipernity.com (Ivica Truto) — Tue, 28 May 2019 19:38:55 +0000

Ivica Truto has posted an article:

Estis mi malgranda knabeto, vizitadis infanĝardeno kaj tiama instruistino montris al ni infanoj kiel fari pupeton de burĝono de papavo... Tia pupeto vi vidas sur foto, mi faris ĝin antau unu semajno feston ĉeestante. Unue oni fermita burĝono malfermas kaj tiel ricevas iaspeca ĉemizo, poste rektiĝas folietoj de floro por ricevi jupon. Kapon oni prenas el alia burĝono tondante "hararojn" ke Pupo havas belan vizaĝon. Fininte kapon oni metas sur la kolo...Estis vere plaĉa kaj ĝoiga ludilo ne nur por infanoj sed ankaŭ por tiuj farantaj ŝin.

Bi san molo dite u Zabavištu u Huncu, toliko je to dovna bilo da san zaboravi i kojo mi je Teta to pokozala... Pari mi se da je to bila pokuojno Elda ma nison sigur... Kako duoć do vakve lipotice va znat i onda je lako. Nojpri vajo ubrat dvo pupka maka, onie somo ča se somi nisu rascvali... Kad hi se bere va gledot dobro da in ostane malo vrota jer posli ni moguće stavit glovu. Jednien se otvori košujica i ravučedu se latice od cvita tako da se dobije vešta, vajo i bokun puhnut ispod vešte da se rastvori :) Iz drugega pupka se izvadi srida da bi se od nje mogla napravit glova. Skine se i košujica i latice a "vlose " se bokun ušesto da bi se dobila frizura i obroz. Na glovi se odispod napravi molo rupica da se more namistit na vrot i imote ovakvu a brž i lipju Pupu...

Brat, kuća i jubov... Frato, domo kaj amo...

nobody@ipernity.com (Ivica Truto) — Sat, 25 May 2019 11:17:50 +0000

Ivica Truto has posted an article:

Od kad me mater rodila san Hunčanin.

Lago bi kad bi reko da nikad nison živi vonka Hunca, bi san i u skule, i u dvi vojske, iden po svitu... Bivalo je i misieci da Hunca nison vidi, mogo san bit jo vonka Hunca, ma Humac nikad ni izošo iz mene. Jedna od stvori ča me vežije za Humac je da tamo znon skoro svakoga, ritko kuo me more iznenodit... A i oni znodu mene, brž i boje nego jo njih. Ma kad bokun boje promislin znon puno svita, sigur san da još veće njih zno mene, ali kad promislin koliko me od tega svita stvarno poznaje... Na to ne bi zno odgovorit. Jedino san sigur za jednega da me stvarno poznaje, brž i boje nego jo som sebe.Ti jedon mi je Brat!

Nison vo poče pisat radi njega ma uon jemo glovnu rič u štuoriji. Pri dosta godiš, bi san još mlod i tek duošo iz vojske, odma san se zaposli i prvo ča san poče je bilo čistit fundamente za kuću. I riesla je to kuća pomalo, diguod bi svaki don bi kolo nje i lavuro, a bili je i vrimena da po misec-dvo nebi jednu bloketu ugrodi. Bilo je to lipo doba: mladost, život, posol i priateji, simpatije i jubavi... Šćeta da se ne more vrotit, a brž i boje jerbo bi onda svi išempijali... Jedon put su mi Brata pitali da je jemon čo cure a uon će na to da sad nimon. Ovi ga u čudu gledo i pito da kako more bit sigur? Nasmijo se Broco i odgovori ovima ričima: Znon siguro, kad se zajubi ili jemo kakvu simpatiju, onda somo kolo kuće lavuro, a vi zolnji misec ni ni brokve pokupi altroke čo čini, znači da nimo nikoga u vidu...

Ma pri por don pasoje Uon i gledo da lavuron ništo kolo kuće. Pogledo me onako: sad će me pitat: "A si se zajubi?" kad u to zazvoni mu mobitel i ide razgovor na drugu bondu... I boje da me ni pito, jer neznon ča bi mu odgovori, a ča jo reko da reko Uon bi zno ča je!

Esperanta :

De tiu tempo kiam mia Patrino min naskis, mi estas logxanto de Humaco - Hunčanin.

Se mi dirus ke neniam logxis ekstar Humaco, mi mensongus; estis mi en lernejo, du armeaj servoj, vojagxas tra la Mondo; povas mi esti for de Humaco sed gxi ne povas eliri el mi. Unu el ligiloj kun Humaco estas homoj, tie mi konas cxiujn kaj cxiuj konas min. Ne multaj homoj konas min entute, profunde; tamen por unu mi certas ke konas min tiel, eble ecx pli bone ol mi mem konas min. Tiu unua estas mia Frato!

Tamen ne komencis mi cxi tio skribi pro li, li estas nur cxefrolulo en rakonto. Antaux suficxe da jaroj, juna revenis mi de armea servo, eklaboris kaj komencis konstruadi domon. kreskis la domon poiomete, depende kiom mi laboris tie, iam mi cxiutage laboris, iam monato au du nenion faris. Estis tio belega tempo: juneco, vivo, laboro, amikoj, simpatioj kaj amoj... Iam iu demandis mian Fraton kiel mi situas kun knabinoj, amo... kaj li respondis, Nuntempe li ne havas knabinon. Alia mirinde ekrigardis lin kaj demandis: cxu vi certas? Frato ridante respondis: Mi tute certas, kiam Ivo havas koramikinon, aux simpation li tutan liberan tempon laboras cxirkaux la domo, kaj dum lasta monato nek unu blokelon muntis. Signifas ke neniun havas antaux la okuloj...

Antaux kelkaj tagoj mi laboris ion cxirkau la domo kaj Frato alvenis, ekrigardis min tiel: nun demandos: "Cxu vi enamigxis... ?" En tiu momento eksonoris lia portebla telefono kaj interparolo iris alidirekte. Felicxe, cxar mi ne scias kion respondus; kaj li cxiuokaze scios respondon!

Vitalac

nobody@ipernity.com (Ivica Truto) — Fri, 24 May 2019 22:12:57 +0000

Ivica Truto has posted an article:

Na Broču rič koju svi znodu i kojo u puno svita tiro vodu nazube. Većina svita vonka našega lipega škoja nezno obo čemu je rič. Istini za voju ču san da sličnu spizu parićojedu i u Grškon i u Gruziji, a za Argentinu i Patagoniju se ni ni čudit, ko je malo Bročani tamo išlo a tamo jemo i janjoc. Mislin se kako daje i dolo mi je u smih, sad mi vajo opisat ča je vitalac a oni koji ovo moredu normalno proštit, ti i znodu ča je a oni drugi niećedu inako razumit ni bože tebe. Ma gren izpočietka:

Da bi parićali vitalac, a rodi se obo spizi tribo van jemat žigericu (jetra, pluća, slizina, srce a moredu i bubrizi), zduor i čriva, sve od jonca, rožonj (more bit drveni od smriča ili gluhoča, a more bit i gvozdeni) i žerave... Žigericu lipo iskidote na komadiće da budu slične veličine i ne veliki, nataknete na rožonj , posolite i stavite peć. Kad se okrojci ispečedu (vajo stot atiento da ne izgoridu) nuožon hi otkrojite na pijat i to je početak jićo da se morete bokun napit dokle sedite kraj uognja. Ako bi se držali stori užonci onda se to do dici, tako je bare bilo u mojon fameji, meni dokle san bi moli Borba bi uvik rizuco pomalo i dovo. Kad ste to učinili zamotote okolo napola pečene žigerice zduor i onda lipo namotote čriva, tako da hi pasojete izmeju dvo prsta, da bi ako je čo ostalo unutra izošlo vonka, ponovo posolite i nemojte žalit jer će se suol ocidi kako se bude zduor krovi... Kad sve namotote morete odma nabadot čriva ili hi morete badot kako se budu naduvali dokle se pečedu, da van ne ispučedu. Ko i žigericu pečete na žeravi dokle se ne zarumeni i morete jist.

Evo sad na kraju vidin da san zaboravi nojvažnije ča tribo za dobar vitalac uz lipo vino tribodu van i dobri priateji. Virujte mi da ga parićojen čiesto, a nikad u životu mi ni palo napamet parićat ga somo zose... Kakvi je to vitalac bez kunpanije, ni gušta ni šušta u njemu... Zato fola priatejicami i priatejima ča su me kunpanjali do sada i od sada u vitalcima!

Brizić - Huhnić

nobody@ipernity.com (Ivica Truto) — Mon, 29 Jan 2018 20:34:05 +0000

Ivica Truto has posted an article:

U Huncu je bilo puno Brizići kroz godine, bilo je i dosta nadimci... Jedna fameja je posebna a i nadimak in je poseban. Svi drugi Brizići zolnjih vik - dvo su u rodu po mušken kolinu osim Huhnići, a oni svo vrime nosidu isti nadimak.

Danas i zolnjih por generaciji, a brž i od kad su Huhnići živedu na isto misto u Huhnića dvoru, danas je ti dvor razdiljen na gornji -Kapetona i donji Pere Huhnića. A evo ča jo znon obo ton fameji ukrotko:

Nojprvi kojega jo znon je Frone i njegovih je u Huncu 1773 godine u fameji bilo 7, ali bez njega, on je umri pri. Tih sedan je činila fameja sina mu Tadije i vjerojatno Fronin brat Ivon koji se ni ženi tako da ni jemo svoju fameju. Da ne gren puno uširinu ko sa Kjunčevićima pratit ću muško kolino a za ženske somo di su se udole i kojo bi to bila fameja danas ili ča hi se jo spominjen.

Tadija (1720-1775) i žena Magdalena (1728 -1798) jemali su četvoro dice:

Jelenu - Ona se udola za Tomu Stipičić, i od njih su današnji Guočevi u Huncu i okolo po svitu.

Katarinu (1762 - 1839) Ona se udola za Ontu Vrsalović Matešić, a danas te fameje u Huncu više nimo, tri zolnjo brata se nisu ženili a roda imo po žensken kolinu u Tutići, Gouočevih...

Margarita se 1792 udola u Selca za Nikolu Nižetić pokojnega Ivana, kojo je to fameja danas tribat će mi veće vrimen za noć, a otom - potom.

Frone (1768 - 1842) dobi je ime po nonotu i nastavi racu u Huncu.

Frone je oženi 1792 godine Margaritu Žilković (1769 - 1841) od Nikole i Vice Ceparnić i jemo sa njon dvoje dice:

Magdalenu (1802 - 1806) Nažalost onda su dica dosta često umirola tako je i ona sa nepune četiri godine umrla.

Tadija (1793 - 1852)

Tadija je bi prvo dite i poživi je po se 1817 oženi sa Jelenon Stipičić (1790 - 1851) Mote i Šime (Kačić) čini mi se da je od fameje iz koje su izošli Bilini. Oni su jemali četiri ćere i sina. Tri ćere su se poudovale, a jedna je umrla ko beba.

Margarita (1820 - 1858) udola se za Jurja Martinić Debelu i rodila mu ćer Katarinu (1850 -1855) i dvo blizanca1852: Tadiju (umri 1878) i Ivana (umri 1910) Blizanci se nisu ženili a čini se da su bili i malo zaostali .

Šima (1825 - 1881) Udovala se dvo puta: prvi put sa Nikolon Žilković (1823 -1855) i sa njin je jemala sina Ivana (1850 - 1852) koji je umri ko dite i Margaritu kojo se ko zolnjo od Žilkovići udola za šesnića i danas njezini potomci nosidu nadimak Žilković. Šima se drugi put udola 1857 za Jakova Brstilo (1823 - 1887). Oni su jemali troje dice Vicu (1859 - ), Jakobinu (1863 - 1868) i Ivana (1870 - 1942). ivon je bi u Aemrike a je tamo jemo fameju neznon, Vica je rodila četvoro vanbračne dice od kojih je poživi Jure - Mirko kojega se stariji spominju o prezimenu Brstilo.

Katarina (1827 - 1827)

Magdalena - Mandina (1830 - 1879) se 1853 udola za Jakova Vrsalović Carević, od njih su Bilanovi, a i njih danas nimo po mušken kolinu ali zato po žensken bi bili fameje po nadimcima: Bilanovi od jednega sina a od drugega koji je jemo tri ćere Drinka Rudini, Talijončevi i dil Lukešovih...

Frone (1833 - 1884) nojmlaji ali nastavi racu :)

Frone se 1858 oženi sa Margariton Vrsalović Carević (1838 - 1901), mogli bi reć da su se on i Bilon baratali, sestru je udo za Bilana a on se oženi Bilonkon. Froni je Margarita rodila dvo sina, i od njih su današnji Huhnići i dvo dvora:

Tadiju (1859 - 1915) i

Petra (1864 - 1917)

Tadija se oženi 1885 sa Marijon - Frankon Šćepanović Zelanović(1861 - 1939), današnji Zelanovi u Huncu su od njezinega brata. Kad se podili sa braton on je dobi istočnu polovicu kuće i gornji dvor a brat Petar zopodu polovicu kuće i donji dvor... Tadija i Marija su jemali desetoro dice:

Jovanica (1886 - 19 ) ona se odola za Ivana Tomić Polca ali nisu imali dice, umrla je u Polčevon kući.

Frone (1888 - )

Nikola (1889 - 1956) Oženi se i nastavi racu u Huncu.

Petar (1891 - )

Vica ( 1892 - ) Čini mi se da je u Amerike udona za Biskupovića i da jemo potomke.

Jakov (1894 - 1894) umri ko beba,

Stjepan (1895 - ) oženi se 1927 sa Magdalenon Brizić Ivana Lukeša i odseli u Amerike...

Lucija Kate (1898 - 1933)

Onte (1901 - ) i

Marija Domina (1905 - 1928)

Veći dil Tadijine dice se iseli u Amerike i tamo nastavi živit. Bilo bi lipo kad bi se jovili njihovi potomci da se more popunit ovi spisak.

Nikola Tadije oženi se 1920 sa Mandinon Šesnić (1897 - 1956) od fameje Brnetovih i sa njon jemo dvi ćere i sina :

Margarita Marica (1920 - 1987) udana Pilić u Splitu a pokopona je u Huncu.

Lucija - Marija (1922 - ) udala se 1949 za Jakova Vrankovića iz Rožanca.

Tadija Aleksij (1925 - 1997) je domoćima poznat po nadimku Kapeton oženi se Antonijon Galjanić i sa njon jemo dvo sina i ćer, nažalost od njih više nikor ne žive stalno u Huncu. Nojčešće nas dojde vidit Ivica Mućo iz Bola...

Petar, mlaji Fronin sin oženi se 1891 sa Lucijon Martinović (1872 - 1934) iz Donjega Hunca i sa njon jemo 15 dice, niki su umrli ko dica a niki su po svitu ko i rojoci od Tadije. Evo ča san uspi skupit da san siguran. Dica Petra i Lucije:

Frane (1892 - 1893)

Dujam (1894 - 1894)

Mara - Jurica (1895 - ) Udola se za Ivana Laurića u Donji Humac

Franka - Roka (1896 - 1898)

Katarina (1897 - )

Jelica (1899 - ) Udala se 1922 za Antu Jakšić, Mihovila u Donji Humac

Marija (1900 - 1900)

Mandina (1901 - ) Udala se u Punta Arenas za Matu Šesnić, vanbračno rodila sina Antu-Petra kojega je Mate kasnije prizno.

Tadija - Ivan (1902 - 1991) Oženi se ali to pogledojte nižje...

Franica (1904 - ) udala se 1927 u Punta Arenas...

Jakov - Petar (1906 - 1906)

Lucija Ljubica (1907 - ) Udala se u Huncu 1931 za Viktora Puc iz Slovenije...

Dinko - Cvjetko (1909 - ) U Americi ...

Marija -Veronika ( 1911 - 1911) i

Franko - Petar (1912 - ) Išo u Amerike, oženi se i jemo potomke u Amerike i bare unuka u Zagrebu.

Tadija Petrov se oženi 1924 sa Jozicon Bepinon Šćepanović Zelanović (1906 - 1996) i sa njon jemo 8 dice:

Lucija - Bonifacija (1925 - ) Rodila vanbračno ćer Miru (otac je Brizić Dušan Lukeš), živila u Supetru...

Petar (1926 - 2011) Oženi se 1956 pogledoj dole.

Katica - Tomislava (1928 - 1929)

Venancij - Venci (1930 - ) Oženi se i priseli se u Sumartin di mu i danas žive fameja.

Ante (1930 - ) Oženjen, živi u Puli di mu i danas žive sin Boris.

Rajko (1935 - 1972) Oženi 1965 Francisku Šink u Škofja Loka u Sloveniji di je i umri.

Vladimir - Vlade (1937 - 2017) iseli se u Nizozemsku i tamo vanbračno živi sa Hani ali nisu imali dice.

Dušanka (1940 - )

Petar sin Tadije oženi se 1956 sa Celinon Šesnić (1930 - ) od Tutićii sa njon dobi dvoje dice:

Dasen (1956 - ) Oženi se 1989 sa Ružicon i danas živedu u Njemačkon.

Nives (1960- ) Iako se ni udovala sa Jablanon Šutalo imo sina Viktora koji nosi mamino prezime. Viktor se oženi u Pučišća a on i Kate imodu sina Petra

Ovo mi je fundamenat za daje dopunjovat podatke koji mi falidu. Zamoli bi svih koji mi možedu popunit i pomoć da ovo lista bude kompletna da mi se jovidu ovod ili na fejsu Humca tako da ovo svima bude na korist i zadovoljstvo :)

Taroš - Fameja Taraš

nobody@ipernity.com (Ivica Truto) — Sun, 05 Feb 2017 23:50:38 +0000

Ivica Truto has posted an article:

Fameja Taraš ili po Hunčonsku Taroševi, je u Huncu od kad postojidu crkveni libri. Kad san išo iskat obo njima poče san od "Hunčanih" ili kako je na fejsu navedeno "Nadimcih". Moran priznat da se nison puno daje mako ma evo koga zanimo kako su se širile njihove fameje i na čemu su danas ostali...

Taroševi u Huncu su živili u velikon kući na Turnu ča je sad nažalost merina. U dilu kuće ča je danas Gočev od Slavotovih živila je fameja Velega Ive, a u drugen , ča su ga kupili Tomići fameja Molega Ive, ten dilu pripado i kužina ča je ispod betunske tarace. Sini Velega Ive su ugrodili nove kuće, u kući sina Mote živedu danas potomci njegove praunuke Milice odnosno Brizići Matotovi, a kuću Stipana danas su podilili nasljednici Slavota Gočevi i Ivo Gronče. Danas kuću u Huncu jemo Nikola Taroš i sini ali oni su sada u Australiji...

Prvi za kojega znon je Juraj Taraš, kojo mu je bila žena neznon ali jemo je dvo sina:

Stjepan 1703 - 1773 i

Mate 1719 - 1794.

Oba su se sina oženili a jo ću provat napisat svih ča je ko jemo roda ali neću sve po žensken kolinu jer će mi tribat još puno iskat u drugin Hunčonskin famejami a i okolo po Broču. Odma na početku ću zamolit sve ča znodu čagod veće obo napisonima ili o njihovin potomcima neka mi se jovi na bilo koji nočin. Brž će se ovo diguod napisat i na korti po ča veće bude informaciji to boje za one ča dohodu. Di mi falidu podaci jednostavno ću stavit ? po ću kad dobijen ili nojden ča mi fali dožutat. Počeću od Stipona:

Stjepan 1703 - 1773 oženi se i jemo je tri sina:

Juraj 1742 - 1803. oženjen pogledoj dole.

Ivan 1746 -1810. Oženjen, pogledoj nižje.

Tadija 1753 - 1783, koliko znon ovi se ni ženi.

Juraj 1742 - 1803 je oženi Korneliju Vrsalović - Matešić (Ivana) 1771 i ona mu je rodila četiri ćere i sina:

Katarina 1773 - 1783,

Margarita 1779 - 1783,

Franka - Franciska 1783 - 1783; ove tri sestre su umrle u sedan don...

Jakov 1788 - 1863, oženi se pogledoj daje, i

Diana ?? - udala se 1806 za Antu Tomić, Jurjeva.

Jakov 1788 - 1863, je 1812 godišća oženi Franku Ceparnić (Jurja i Lucije Lučić) 1787 - 1870. i ona mu je rodila tri sina i ćer:

Juraj 1812 - 1881, Oženi je prožnišku Lukreciju Mihovilović (Ante i Katarine Buvinić) 1820 - 1891, i sa njon imo somo sina Petra 1863 - 1871, koji je umri ko dite.

Jerko 1815 - 1817, umri od dvo godišća.

Ivan 1818 - 1894. oženjen, pogledojte daje i

Kornelija 1826 se rodila a ča je bilo posli još mi vajo vidit. ?

Ivan (Jakova i Franke) 1818 - 1894, oženi je 1853 Margaritu Šćepanović (Jakova i Katarine Ceparnić) 1825 - 1903. Ona mu je rodila petoro dice:

Franka 1854 - 1878, umrla ko cura;

Jakov 1857 - ? ; Oženi se 1884 sa Katon Viličić (Andrije i Dome Dujmović) 1849 - ?. ?

Ante 1864 - 1864, umri ko beba,

Katarina 1868 - 1868, umrla od deset don. i

Ivan 1871 - ?

Ivan (Stjepana) 1746 - 1810. Oženi se 1772 sa Margariton Stipičić (Stjepana) 1741 - 1801. i sa njon je jemo troje dice ali su svi umrli mlodi i koliko znon nisu imali nasljednike:

Katarina 1775 - 1813,

Stjepan 1778 - 1803, i

Jerka 1783 - 1817.

Drugo grona Taroševih u Huncu su potomci drugega Jurjevega sina Mote:

Mate (Jurja) 1719 - 1794) za ženu je vaze Katarinu Šćepanović Zelanović 1734 - 1804. Otac jon je bi Ivon, a drugo sestra se udola za Jurja Šćepanović Kjunčević obo čemu će bit riči drugi put... Katarina je Mati rodila tri sina i dvi ćere:

Ivan 1766 - 1817, oženjen vij daje dole; Nono Velen i Molen Ivi,

Jakov 1771 - 1774 umri ko dite, i do ime bratu:

Jakov 1774 - 1774, umri ko beba,

Margarita 1775 - 1851 - udala se 1799 za Nikolu Brizić (Ante i Vice Šesnić) i rodila mu tri sina: Mate se ni ženi; Ivan je oženi Vicu Žilković i od njihove dice su Postirani i Tomići danas u Huncu; i Ante koji se oženi a od njega su Raizovi kojih po mušken kolinu isto tako više u Huncu nimo.

Ivana ? -? ; Udala se 1800 za Nikolu Šesnić (Nikole i Olimpije Karmelić Nikoline) 1770 - 1802 i rodila 1801 ćer Olimpiu kojo se udola za Petra Stipičić Rudu.

Ivan 1766 - 1817. (Mate i Katarine) oženi se 1789 sa Margariton Trutanić (Jurja) 1767 1849, i sa njon dobi devet dice:

Katarina 1790 - 1865, udala se za Jurja Stipičić Palagruž, ?

Ivana ? - ? , udala se 1815 za Kuzmu Benčić (Šimuna) iz Škripa.

Franka 1794 - ? ; udala se 1828 u Selca za 14 godišć starijega Petra Vrsalović (Nikole i Margarite Vrsalović)

Juraj 1796 - 1806, umri od 10 godišć,

Mate 1798 - 1884; oženjen pogledoj dole,

Jakov 1799 - 1799;

Jakov 1802 - 1802;

Jakov 1803 - 1887; oženjen pogledoj daje,

Lukrecija 1806 - 1809.

Mate 1798 - 1884; (Ivana i Margarite) oženi se 1831 za Mariu Vrsalović (Nikole i Margarite Kevešić- od njih su Veli i Perići) 1808 - 1854. Oni su imali petoro dice, nojstarijega Ivana ćemo stavit na zadnje misto:

Margarita 1834 - ?

Katarina 1837 - ? udavala se dva puta: 1856 za pučišćanina a 1859 za Josipa Vrsalovića Bartula.

Petronila 1845 - ?

Nikola 1847 - 1852, umri sa 5 godišć; i

Ivan 1832 1917. oženjen, Veli Ive se oženi 1858 sa Margariton - Maron Vrsalović Carević (Frane i Magdalene Trutanić, od njih su današnji Carevići) 1835 - 1917. Mare je Velen Ivi rodila 8 dice:

Mate 1860 - 1942, oženjen pogledoj daje

Frane 1863 - 1945, -Keko, on se ni ženi;

Jakov 1865 - 1908, ni se ženi smrzo se je u Počivala;

Nikola - Stjepan 1867 - 1944? oženjen pogledoj daje.

Juraj 1869 - 1870, umri ko beba;

Marija 1871 - ? udala se za Vrsalović Carević Jsipa (Jurja i Petre Vrsalović, od Luongotovih)

Juraj 1873 - 1876, umri ko dite;

Magdalena Mandina 1876 - 1880.

Mate (Ivana i Margarite) 1860 - 1942 oženi se 1890 sa Jerku Trutanić (Ivana i Margarite) 1858 1932 i sa njon dobi tri sina:

Ivan 1890 -1944, oženjen, striljon na 08. 03.

Frane 1894 - 1899.

Margarita Kamila 1898 - 1919.

Ivan se oženi 1919 sa Maricon Cvitanić (Luke i Antice Skansi) 1895 - 1982. iz Sumartina. Ona mu je rodila petoro dice:

Mate - Miljenko 1920 - 1944, poginu u partizanima;

Jerka Milosava 1922 - ? ; udala se 1946 za Matu Brizića od Postiranih i njihovi nosidu nadimak Matotovi;

Tončika Đurđa 1924 - ?

Vjera Marija 1928 - ?

Ante 1933 - 2016. ? oženjen

Nikola -Stjepan (Ivana i Margarite) 1867 - 1944, koristi je drugo ime Stjepan, a oženi se 1901 za Tonku Šesnić Brizić (Nikole i Marije Skansi, od Oštorovih) 1880 - 1929. Tonka ili Antica kako su je zvoli rodila je 8 dice:

Ivan Nikola 1902 - 1902;

Nikola Kristin 1903 - 1944, oženjen ubili ga 08. 03.

Mate Martin 1905 - 1905;

Margarita Ruža 1906 - ? ; udala se 1930 u Splitu za Marka Vrdoljaka. ?

Jakov Živko 1910 - ?

Juraj Luka 1912 - ? Zore Taroš, oženi Katicu Stipičić i sa njo dobi ćer Mirjanu (udanu za Rumbolta) i sine Željka i Nenada.

Marija Sofija 1920 - ? udana u Solinu, ćer Sonja?

Zdenka Ana 1922 - 2015, udana za Viska Šesnić Brne, ali nisu imali dice.

Nikola Kristin (Stjepana i Antice-Tonke) oženi se 1940 sa Ljubon Marinelić i sa njon imo troje dice: Anticu 1940 (udana za Jakova Tomića); Stjepan 1941 - 1942; i Nikolu 1944 koji i danas žive sa ženon Anon u Huncu dokle su mu dica u Australiji.

Drugi sin Ivana i Margarite Trutanić je rodonačelnik druge grone Taroševih kojih danas u Huncu nimo ali ih imo po svitu:

Jakov 1803 - 1887 oženi se je 1836 sa Frankon Vrsalović Carević (Jurja i Margarite Arnerić, od braće su Carevići i Komižani, a neputa se udala za Velega Ivu) 1815 - 1884. Oni su imali šestoro dice:

Margarita 1838 - ? udala se 1857 za Petra Drpića iz Pučišć;

Antonia 1842 - ? udala se 1870 za Petra Martinić iz Prožnic;

Ivan Maria 1845 - 1917; oženjen Moli Ive, vij dole.

Katarina 1848 - 1849. umrla ko beba;

Juraj 1852 - 1852, umri ko beba;

Katarina Julijana 1853 - ?; udala se 1881 za Dominika Fabijanovića iz Škripa.

Ivan 1845 - 1917, Moli Ive; oženi se 1876 sa Katarinon Vrsalović (Ivana i Vice Trutanić, od Velih Vrsalovići) i imali su 7 dice:

Franka Maria 1877 - 1910; udala se 1902 za Antuna Brizić Micheli Tomić i sa njin imala dvi ćere: Mariči kojo se udola u Prožnica za Jurja Ivelića i Katicu Tinku kojo se ni udovala.

Jakov 1879 - ? odseli se u Amerike

Ivan Dinko 1880 - 1944, ni se ženi;

Vica 1881 - 1883; umrla ko dite;

Margarita 1883 - 1883 umrla ko beba;

Vica 1884 - ? udala se 1911 za Jakova Vrsalović Stopu, odselili se u Amerike i imali dicu ?

Nikola 1893 - ? ; ženi se dvo puta za sestre Trutanić; prvi put se oženi 1919 sa Danicon Trutanić (Tome i Kate Bonačić Proti) 1893 - 1920; Njihov sin je: Ivan Milan 1920 - ? koji je oženi Olgu Mirković i sa njon imo dvo sina: Nikšu i Inoslava. Nikola se drugi put oženi Danicinon sestron Frankon 1888 - 1944. Franka je rodila troje dice: Danko-Tomislav se rodi 1926 a išo je u Argentinu i imo bare dvo sina; Katica 1928 - 1943 je umrla ko curica a Jakov Marij 1930 - 1944 je ko dite u kužini aktiviro njemačku ručnu bombu ubi sebe i mamu a rani barbu Ivana koji je od tega tri miseca kasnije i umri.

Kantuni - Anguloj

nobody@ipernity.com (Ivica Truto) — Sat, 23 Apr 2016 18:41:53 +0000

Ivica Truto has posted an article:

Danas san gledo nike slike ča hi je sliko Vinko i na jednen dilu njih dica se igrodu po čimatŭoriju isprid Crikve. U ti momenat san vidi nos kad smo bili škobučarija i kad smo se igrali na tien isten čimatŭoriju na "kantune"...

E', bi nan je dosta ti čimatŭorij jedino nas je tribalo bit bare četvorio jer manje ni bilo guštŭožo, i tad je tribalo smonjit jedon kantun... Još boje bi bilo petoro ili šestoro ili veće. Somo ako nas je bilo veće od petoro onda je tribalo "dožuntovat " nove kantune. Pieti kantun bi bi štendarac, onda naprid vrota od čimatŭorijai crikve, sridina zida od Trutinovega vrtla, a ne spominjen se da je kad trefilo da nas je veće igralo od devet.

Igralo se vrlo jednostavno: valo je da bude jedon kantun manje nego igroči, i onda se trkalo ko će zauzest svoj kantun. Kako bi uvik jedon osto bez kantuna, ovi u kantunima su ga zafrkovali, prošetivoli mu se iza škine, minjali kantune, uvik gledajuć da on ne duojde pri tebe u kantun, jer si tad ti tribo iskat di ćeš osvojit kantun. Vajalo je pazit i da te koji iz drugega kantuna ne privari dokle ti zezoš onega u sridi i da ne ide u tvoj kantun po da se ti nimoš di vrotit jer oni iz sride ide u njegov kantun... Za baratat kantune bi se dogovorali na mote, a vajalo je jemat dosta kuraja za baratat kantune po dužini čimatŭorija i brzo trkat jer bi se onda nojčešće i umećali ovi iz trećih kantunih tako da se znalo dogodit da i sva četiri kantuna prominidu gospodora...

Sad san čas bi zatvori oči i vidi di se prošetijemo i ču nas kako se smijemo od gušta zafrkovajuć jedon drugega, da mi se malo vrotit po opet ćapat koji kantun.

En ĉitiu atrikolo mi mallonge priskribis infanan ludon de mia infaneco kiu ni nomiĝis "anguloj". Ni ludis ĝin en preĝeja korto kvarangula tiamaniere ke ludis kvin infanoj de kiuj kvar sukcesus kapti sia angulo. Oni provokis kvinan ŝanĝante angulojn kaj promenante malantaŭ li sed ĉiam atenteme ke li ne pli rapide alvenu ĝis libera angulo. Bela rememoro vekigis min bildo da infanoj kurantaj en la sama koto...

Prsnac

nobody@ipernity.com (Ivica Truto) — Thu, 18 Feb 2016 21:11:42 +0000

Ivica Truto has posted an article:

Niki dom me zamoli Miro Rovinjež da iden vidit je mu kojo loza pala na Prsnacu od Velega goja i ako je da neka zagrodin. Tako san i učini: zatvori san jednu lozu i dvi-tri šćrbine. E sad, dokle san to grodi siti san se dvo čovika od kojih jedniega nison ni jemo prigodu vidit. Govoru da je stori Zone Rovinjež bi čovik teške noravi, ali i veliki rodnik. Ako bi uon čo zapenso učinit to bi učini po svoju. Jo ga se spominjen ko storega čovika. A evo žoč mi je po napamet uon i šer Tuoni Carević, bili su oni priateji neka je Tuoni bi dosta stariji, evo obo čemu se rodi:

Maškino jedonput Zone kraje duoca u Prsnacu,ma ne da bi istuko kupinu nego duboko da je mogo odma sodit ča je ti i izmeće stinje vonka na gomilu. Pasoje tuda šer Tuoni na konju i javijemu se, recmo: "Šer Zone nemojte se umorit!!! A ča to činite?"

-Odgovoro mu Zone: "Evo san se ćapo ovih krajih i naumi ih dovest u kulturu."

-Gledo ga šer Tuoni di se zakopo priko puo mietra i pito ga: "A jeste vi šer Zone napravili računicu za to?"

-A Zone će: " Kad jo čo naumin, ne gledon računicu nego to učinin..."

Na to je šer Tuoni slego ramenima i somo reko: A ti Zane onda maškinaj..."

Nieće bit Zone pravi računicu, ma je i danas lipo vidit gomile okolo duoca u Prsnacu i zanavik ćedu ostat ko spomenik jednien veliken trudu i lavuru.

Šipak - Granato

nobody@ipernity.com (Ivica Truto) — Wed, 13 Jan 2016 07:09:23 +0000

Ivica Truto has posted an article:

Na 11. jenora u Litvi san u butigi kupi sinu šipak, palo mi je napamet kad san ga vidi da mi je reko još vega lita priko telefona da bi ga voli provat. Kad san porti pul Litve stavi san jedniega u kufer iz Rovnega duoca, a ti je bi vec' dobro suh. Navečer san nojpri nače njemu ovega iz butige, bi je dobro zril tako da je jemo bokun gušta, a onda san poče čistit i jutoša iz Rovnega duoca...

Do san mu ga provat, a i jo san pozobo svuoj dil a onda su mi možjoni počeli pokazivot slike: borba Miko Livoguz, Frane Brbun, Rovni dolc, svieti Mikula, a još san bi dite. Dovna je to bilo, malo pokle je barba Miko umri, a uon je umri 1978, sreli se nikuda po selu jo i Frane Brbun. Govori uon meni da je ču da je Rovni dolac dopo nos i da bi voli znat je još živ šipak u njemu, pričo mi je kako je i uon ko dite sa drugima hodi koliendrot po Huncu za svietega Mikulu, od jedniega do drugega Mikule, a nojdražje mu je bilo puoc' u barba Mke Livoguza. Svak bi in čaguod bi do, suhih smokov, orihov, omiendul, ma je barba Miko u Rovni dolac jemo šipak, i bi bi čuvo frute sa njega za darivat dicu kad bi mu duošli koliendrot za svietega Mikulu. Je da je bi jutoš, ali ninder drugo nis mogo dobit šipak nego u Livoguza. To je bi puojam...

Poče san brojit: C'ac'a i Borba su znali za ti šipak ko dica, a ako ga i ni usodi pranuono Onte, bili su živi i uon i žena u doba kad su moji bili dica, tako da bi Pove bi peto generacija kojo ji frute sa vega šipka, bar se meni tako čini. Još jedna stvor, na 11. jenora 1959 u daleken Punta Arenu je umri brat od Mike Livoguza Mote, Ko momak je išo trbuhon za kruhon i vec' se nikad ni vroti doma, di kuo bi da bi svi počivali u miru...

Jes šipak jutoš, ma dabuojda ti mene i u dubokon starosti spominjo na vu priču i moju dicu i njihovu...

Čenpres u Bieci

nobody@ipernity.com (Ivica Truto) — Sat, 19 Sep 2015 21:37:05 +0000

Ivica Truto has posted an article:

Pri por don, ako koga zanimo datum neka oduzimje som, Neno Brizić pokuojnega Jure Postiranina, me zvo da mu uzoren dolac u Bieci. Godine smo, priateji a i svuojta po ženi mu, a meni se za to oće ura-dvi vrimena. A ko dica puno vrimena smo tuda učinili skupa. Odonda pontin i čenpres u krok duoca na riedu...

Eo obo vien čenpresu se rodi. A uon mi je zanimjiv jer znon kako je dospi ovuod di je sada, evo neka i vi znote:

Kako je vuod dospi špjego mi je som pokuiojni barba Jure. Kad je meštar Tutić sodi čenprese po Huncu Jure je bi dite i hodi je u skulu, i njemu je valo ti neti sodit čenprese, a tuo mu se stblo baš svidilo. Bome je i uon ti jemat jedniega svuoga i "ukre" je jednega meštru, ma je onda nasto problem di ga usodit, jer ako je na duocu, vrtlu ili starini ćaća će mu ga odma izgulit. pala mu je napamet rupa u riedu zbondu duoca. odluči ga je tuod badnut.Tako je i učini, ma čenpres nošo rupu u riedu i nsdživi i meštra Tutića i somega barba Juru. Pari mi se da je malo požmari ma još podnosi bure i juga, a meni svaki put kad ga vidim pode napamet barba Jure.

Bonan reaperon por mi - Dobro se vroti

nobody@ipernity.com (Ivica Truto) — Fri, 18 Sep 2015 20:34:37 +0000

Ivica Truto has posted an article:

Saluton al ĉiuj miaj geamikoj!!!

Antaŭ iom da tempo mi ricevis informon ke mia aliro al mia Ipernity loko estos limigita ĉar mi alvenis ĝis ia limnivelo. por pli havi plenan aliron mi devus pagi... Mi iomete malkontentus kaj fakte bojkotis mian aperon, samtempe mi estis okupita per estrado se vilaĝa paĝo ĉe Facebook. Ipernity kiel mia unua simpatio mankis al mi kaj finfine mi revenis, portempe granda parto de miaj fotoj estus ŝlosita sed espereble baldaŭ tio ŝanĝos; do : estu mi bone reaperinta ĉi tie...

Sve nojboje svin mojima priatejima!!!

Pri nikega vrimena kad su me ovizali da če moja Ipernity stranica bit ograničena jer san paso priko granice, najidi san se i bojkotiro stranicu; Imo san posla i na stranici fejsa Hunca ma mi se nakraju ponovo probudila prvo sinpatija i tako san se vroti Ipernityju. Za sada će eći dil mojih slik i daje bit "zakjučon" ufon se ne zadugo. Sve u svemu da som sebi poželin: dobro se vroti!

Križ nad Lokve - Kruco ĉe Lokve

nobody@ipernity.com (Ivica Truto) — Fri, 16 May 2014 20:06:55 +0000

Ivica Truto has posted an article:

Uza somi put ča iz Hunca grie na Lokve i daje pul Tisna, Dola ili Plosie malo isprid Lokov a biće jednu stuo metor pri, stoji križ na umrtvo grodjenen okruglen fundamentu. Sa duonje bondie jemo četiro rieda facodi a sa guornje tri. Na vrhu je poravnona pijačica i na nju stavjena kvadroto klesono stina u koju je bi zataknut križ isto tako kleson. Danas vien križu falidu dvo kroka... Na križu nimo nider ništa napisono, a obo njemu postojidu tri priče: jedna koju san ču somo jedonput je da je tuod nikad niki plemić ubi u lovu nikega čobana jer mu je ovi pristraši pase.

Drugu priču san ču isprovjonu na dvo nočina: počiet ću od onega ča su mi provjali pokuojni moji stariji: Rodilo se obo ten da je tuda na konju pasovo niki mladić ča je hodi za popa, ča bi se danas reklo bogoslov. Na tien mistu je iz vedra neba potego gruom i ubi ga na mistu.

Trećo bi bila ča san je ču od barba Jure Vrsalovića - Šjure, a na je skoro ko i od mojih: Pri puno godišćniki momčić Karatun (barba Juri je nona bila od Karatunih) je na živo jaho i nosi spizu težocima za marendu. Na vien mistu ga je ubi gruom iz vedra neba, a onda su njegovi za spomenut ga se tuod digli ovi križ.

Kad pogledon ove dvi obo gromu, a znajuć da je jedon od Karatuni bi pop i da su u kući jemali oltormoglo bi se reć da se rodi obo iston priči tin pri ča se u obe priče spominje smrt na isti nočin one su mi nikako bližje istini, a ča se dogodilo već nikor siguro nezno...

Kruco ĉe Lokve

Apud vojo iranta de vilaĝo Humac ĝis akvobazenoj nomataj Lokve eble cent metroj antau alveno ĉe Lokve staras kruco. Postamento de tiu kruco estas konstruita sen ligilo de ŝtonoj starigitaj en kelkaj rondoj. De suba flanko estas kvar kaj de supra flanko tri vicoj da ŝtonoj. Sur tiaj fundamentoj estas starigita bele farita ŝtona kruco. Mi pri starigo de ĉi kruco audis tri rakontojn:

1. Dum malluma mezepoko ia nobelulo mortpafis iu paŝtisto ĉar li timigis ĉas-hundojn.

2. Duan rakonton mi audis de mia Avino: Iu knabo iranta al lernejo por esti pastro ĉitie rajdis sur ĉevalo kaj subite lin trafis tondro de sennuba ĉielo.

3. Trian rakonton mi audis de maljunulo kies avino estis de familio Karatun. Antaŭ multe da jaroj tie tondro el sennuba ĉielo mortigis knabon de familio Karaun.Tiu knabo surĉevalo portis tagmanĝon por terkultivistojn. Poste lia familio starigis krucon por memorigi teruran okazaĵon.

Ĉar enfamilio Karatun estis iam pastro kaj eĉ havis altaron en la domo, povas okazi ke du variantoj de sama rakonto estas pli proksimaj al vero...

Lokve

nobody@ipernity.com (Ivica Truto) — Thu, 08 May 2014 21:24:05 +0000

Ivica Truto has posted an article:

Lokve!

Veliko rič, kad boje promislin sve lokve okolo Hunca jemodu ime somo Lokve se zovedu tako bez nikega posebnega imena... Bila Vrnica ili Glogovica, Vele lokve ili Trolokve znodu se po imenu, ma kad se u Huncu spomiene Lokve onda se zno da su to ovie dvi i nijedno drugo. Zoč somo one nimodu imena? Moredu bit somo dvo rozloga: ili su one prvie odnosno nojstarije, ča mi se čini logičnije da se ime lokaliteta od grškega vrimena somo privelo a da su druge lokve zadržole i svoja imena, bilo privedena na hunčonski ili ne; drugi rozluog bi mogo bit da su one bile za Humac nojvažnije.

Moća na počielo: ko dite (nemuojte se čudit, meni je sve počelo kad san bi dite...) slušo san starije: Ćaću, Borbu, Nonu... pričat svakakve gončice i priče. jedna od njih je bila i to kako je vie lokve ugrodi Dioklecijon, a brž i grci pri njega. Danas znon da se to somo govorilo na ti nočin jer su Lokve bile vuod i za njih oduvik. A za tie Grke ča su grodili gomile kojie smo mi poznavoli ko grške bili bi rekli da su oni bili pri Isukrsta. Bila je priča viezona za Gomile na Brkati i za jamu kraj njih, ma nikor ni zno siguro reć kad je to moglo bit nego pri puno puno godišć. Sad, oćemo znat kad, ko je grodi Lokve i gomile, jesu to bili Iliri ili koji norodi pri njih i kako su se zvoli? Mušno da ćemo ikad moć siguro na to odgovorit, zato moća mi od Hunca:

Kako su Lokve bile siguro nojvridnije ča je bilo na Hunčonsken konfinu: stalno voda, nezno se da je Velo lokva nikad prisušila, tako da su judi jemali di duoć do vodie i u nojžešćen krisu, naši Hunčani su napravili put drito iz Hunca do Lokov, čini mi se da je to i jedini put koji jemo u nos svoje ime: Lokveni put. Lokveni put se i danas dobro vidi, na mista se ni puno promini već vikuov, a dil je danas pritvoren u cestu da bi bilo lašnje duoć do ogradih. Ispod Kruškice i uza Stranice su i don danas skaline kojie su bile napravjene da bi bilo lašnje hodit. Ni ovi put osto sačuvon som po sebi: pri bi se odredjivole fašine (obo njima drugi put) za da bi se održovalo ono ča je bilo javno dobro. Javno dobro je bilo ono ča mi zovemo komun, svi su ga mogli duperat a morali su ga i čuvat. Lokve su i u sridnjen viku bile zaštićene Broškin statuton i nikor ih ni mogo "privatizirat" ča bi se danas reklo. Sad moća opet na Lokve:

Na Lokve su dvi lokve: Velo i Molo. Imena su dobili po imbuju. Na slici je Molo lokva, ona je sa jednu stronu zatvorena Njivon, kuontra Njivi su Dvuornice, sa kojih se diluon to lokva i voduon punila,da zemja manje zasipje lokvu izmeju Dvuornic i lokve je ugrodjena pristava i zid naviše njie za fermat zemju. Treću stronu čini Velo lokva. Molo lokva je nižjo od Vele i dobar dil godine puni se voduon iz njie. Tako ujesen i u proliće kad je Velo lokva puna, izmeju nje i Mole lokve uvik va hodit puomjivo da se ne smoči noge, a i usri' krisa na tien mistu je trova zelena. Molo lokva se duperala i dupero za napojit beštijom. Da bi to bilo moguće sa obe dvi strone je napravjen put za u lokvu, a na bondi uz njivu se i dondanas vidi kako je bilo pokogulono sve do u vodu.

Velo lokva! Nju zatvoro sa tri bonde zid od Njive a sa jednie zid od lokve. 1974-5 su moji u Stranici ugrodili gustirnu. Onda san jo jemo 10 godišć, ni mi to prvi put da san hodi u Stranicu, hodilo se i na luožje i na strig i na fraju... Ma vodie ni bilo, po vodu se hodilo na Velu lokvu, jemo san devet deset godišć a i mene su šavoli donit vodie za napit se. Onda je Velo lokva bila skruoz zatvorena za beštijom i dupreala se somo za jude sve dokle je u Molon bilo vodie. Kad bi Molo prisušila onda se kalalo vodu u tri kamenice za napojit beštije, i to se dobro gledo da beštije ne griedu na lokvu, jer je i težocima i čobanima tukalo pit tu vodu.

Kad bi u krisu pala voda na nižje jemale su skaline uz kroj lokve i za njih se govorilo da hi jemo do dna stuo (100) Ako vazmemo i izmirimo jednu skalinu, a to su facode debele okolo kvorta, po temu bi bila duboka okolo 20 metor, ali ni... Velo lokva je ugrodjena u prstenima. Prvi i nojširji prsten bi čini zid od puodneva i zid od Njive. Zid od puodneva je ugrodjen sa facodami da ni jači čovik ne bi svaku mogo dignut, a ni skaline nisu usitno. Tie skaline griedu uvodu do dubine drugega prstena koji je nojčešće okolo mietar ipo pokriven voduon. Kako san jo prstene vidi somo jedonput u životu nemogu sad reć u centimetar koliko su široki, pari mi se da je ovi do kojega gredu skaline kako di od 1,5 do 2 mietra. Onda jemo još jedon prsten još dubji malo veće od mietra. a u sridi je nojdubji dil: ča bi mi rekli batisić. Ti batisić je srce lokve i neka su i prsteni i batisić bili dil zasuti sa trovuon i glibon tuo srce nikad ni ostalo nasuho. 2003 godine kad je bila veliko suša Molo lokva je bila skruoz prisušila i da bi mu brovi jemale di se napojit Jurica Komižanin je pritoči motuornon punpon skoro svu Velu lokvu u Molu. Kad san jo duošo bilo je somo malo vodie napodan batisića. Dvi tri šetemone posli Molo lokva je opet skoro prisušila a to malo vodie u batisiću Vele se malo i povećalo.

Pri su se Lokve, radi tega ča se bez vodie ni moglo, čistile kad bidu prisušile. Ču san da je Molo lokva čišćema kad san jo bi dite i da se ti glib vozi kamionon od Zadruge, ča ga je vozi Ivo Vrsalović, u nos na luožje ko gnjuoj. Drugi put je ča jo znon čišćena pri 4-5 godišć a materijol je izagnon prima svieten Mihovilu.

Ča su lokve bile onima koji su hi ugrodil i onima koji su u ranije brončano doba živili na vien terenu pokazijedu i grebi u grškin gomilami okolo Lokov, nidir drugo na Broču ni toliki bruoj Grških gomil koliko na vien terenu, a i Gomile na Brkati nisu rodjene ko obično Ilirsko gradina. Biće još materijola vuod za pisat kad mene ili koga drgega ćapo voja...

Na slici ča san je stavi vidi se i skaline u Velu lokvu kad je bila "prisušila" pomoću punpe...

La Unua de Majo - Prvi Maja

nobody@ipernity.com (Ivica Truto) — Wed, 30 Apr 2014 19:15:47 +0000

Ivica Truto has posted an article:

Okaze de la Unua de Majo, internacia tago de batalo por laboristaj rajtoj kaj pli bona mondo, al ĉiuj gekamaradoj mi deziras sukceson en luktoj kaj bataloj, ke kiel eble plej rapide atingu siajn celojn kaj ke ni ĉiuj baldaŭ vivu en homeca sociordo!!!

Uz Prvi Maja, don koji je u cilen svitu sinbol borbe za rodniško prava i boji Svit, svima drugaricami i drugovima želin da uspiju u svojima nostojonjima i buorbi, da ča je bržje moguće duojdedu do svojih ciljevi i da mi svi uskoro živit u jednen proven jusken društvu!!!

Al tiuj inoj havanta speciala loko en mia koro speciale mi alkroĉis ĉitiuj floroj de supre, kun elkoraj bondeziroj miaj okaze de Majo (magia tago de amo sur mia insulo)!!!

Ženami; kojie imodu specijalno misto u jednen dilu mojega srca; uz ovuo cviće gore želin odsrca sve nojlipje uz Moj (od davnine magični don jubavi našen škoju)!

Križ na Prsnacu - Kruco sur Prsnac-o

nobody@ipernity.com (Ivica Truto) — Mon, 31 Mar 2014 21:43:01 +0000

Ivica Truto has posted an article:

Kad san poče lavurat u Mikie Šjurinega u Marišnju njivicu, palo mi je napamet da nikad nison ču nikakvu priču zoč je stavjen križ na gomili od Prsnaca. Sliko san križ i raspito se zoč je tuod stavjen.

Ni vi križ ni lipi ni veliki, ugrodjen je u vrh gomile od ogroje i na njemu je napisono: Ovde umri Ivan Versalović C. na 4. veljače 1887. A ča se dogodilo: Ivon Vrsalović Carević sin Petra i Lukrecije Trutanić rodi se 1812 u kući koju stariji Hunčani znodu pod imenon Karatunuša. Čovik se tri puta ženi i sve tri žene je nadživi, i po svemu sudeć je prvi koji je nosi nadimak Rovinjež. Njegovega unuka se još kuo guod spominje: Ivana-Zonie Rovinježa, a praunuk mu je naš učitelj Meštar Rovinjež. Išo lipo čovik u 74 godini ugoru lavurat, e i onda je Prsnac bi Rovinjiežov, i umri je na vien mistu. Usput da spomienen da mu se unuk Zone rodi jedanaest godišć posli 1898, ča se ni za čudit ako mu je ćaća Petar bi rojen 1846 a žena mu je bila mlajo od njega 29 godišć.

Ako još čo čujen obo vien križu onda ću dožuntat...

Daurigas mi priskribi memorindajn lokojn kaj okazaĵojn ĉirkaux mia loĝloko. Sur la foto troviĝas kruco starigita sur loko kie mortis 1887 jare Ivan Vrsalović Carević dum sia 74a vivjaro. Mallonge mi menciis kelkaj konatajn informojn pri la homo dezirante alproksimiĝi okazaĵon al nunajn loĝantojn de Humac.