Articles from Esperanto-Muzeo en Svitavy

Vladimír Türk, kunlaboranto de Esperanto-Muzeo, jubileas

nobody@ipernity.com (Esperanto-Muzeo en Svitavy) — Tue, 17 May 2022 22:24:47 +0000

Esperanto-Muzeo en Svitavy has posted an article:

La 17-an de majo 2018 festis sian vivjubileon Vladimír Türk, plurflanke talentita kaj admirinde laborema esperantisto el la sudbohemia urbeto Netolice en Ĉeĥio.

Krom tradukoj kaj registraĵoj de kantoj kaj beletraĵoj kaj kreado de diversspecaj filmetoj li estas oferema membro de la Cifereciga grupo de ĈEA, kunlaboranta kun Esperanto-Muzeo en Svitavy, por kiu li skanis kaj signorekone prilaboris jam multajn librojn kaj arkivajn materialojn. Li prelegis pri siaj spertoj tiusferaj dum KAEST 2014.

Jen vikipedia artikolo (jam sufiĉe malnoviĝinta kaj atendanta kompletigon)

eo.wikipedia.org/wiki/Vladim%C3%ADr_T%C3%BCrk

Kun la elkoraj bondeziroj kaj dankoj por la poresperanta laboro

ni ofertas al vi malgrandan elekton el liaj kreaĵoj aperigitaj en Ipernity

- por via plezuro:

SONREGISTRAĴOJ

Traduko kaj kantado:

Bela rozo - renesanca amkanto

www.ipernity.com/doc/esperanto-muzeo-svitavy/10582272

Traduko, gitarludo kaj kantado:

Jaroslav Ježek - Ĉapelo en vepro (ĵazkanto)

www.ipernity.com/doc/esperanto-muzeo-svitavy/34927445

Longulo Frankie

www.ipernity.com/doc/tuurq/38575490

duvoĉe kun sia frato-ĝemelo Stanislav

Laŭtlegado, sonreĝisorado kaj sonprilaboro:

Karel Čapek - Morto de Arĥimedo

rakonto el la "Libro de apokrifoj", laŭtlegas kun Jan Řepa

www.ipernity.com/doc/esperanto-muzeo-svitavy/9822781

Karel Čapek - Historietoj de edziĝtrompisto

www.ipernity.com/doc/tuurq/38329850

el "Rakontoj el dua poŝo" (unu el ĉ. 40 registraĵoj, parto de ili

aŭskulteblas en www.ipernity.com/doc/tuurq/docs

FILMOJ

Kantado:

Soldatino (renesanca franca kanto) - kun Pavla Dvořáková

www.ipernity.com/doc/tuurq/39586676

Gitarludo kaj kantado:

Virgulinjo (kantri kanto) - kun Pavla Dvořáková

www.ipernity.com/doc/tuurq/39598816

Plena aŭtoreco de la instrukcia filmo:

Bazaj informoj pri la sonregistra programo Audacity

www.ipernity.com/doc/esperanto-muzeo-svitavy/43245348

Traduko, laŭtlegado kaj sonprilaboro:

Vizitu Pelhřimov - la urbon de rekordoj (gastiganto de la ĈEA-Kongreso en 2016)

www.ipernity.com/doc/esperanto-muzeo-svitavy/45070778

Biciklovagoj tra Břeclav (sudmoravia urbo, gastiganto de la Trilanda Konferenco en 2012)

www.ipernity.com/doc/esperanto-muzeo-svitavy/13606147

Traduko kaj sonreĝisorado:

Petr Vok diboĉulo?

dokumenta filmo pri interesa famulo de la ĉeĥa renesanco

www.ipernity.com/doc/esperanto-muzeo-svitavy/11003733

Filmado:

Antonín Dvořák - Psalmo n-ro 23 (el "Bibliaj kantoj") - kantas Miroslav Smyčka

www.ipernity.com/doc/tuurq/39611900

Amkonfeso de la renesanca nobelulo Petr Vok al Suda Bohemio

www.ipernity.com/doc/tuurq/39586244

deklamas Jan Řepa en la kastelo Kratochvíle (dum PoFeRo 2015)

Kristnaskaj kantoj el Himnaro Cigneta - parto 1

nobody@ipernity.com (Esperanto-Muzeo en Svitavy) — Fri, 18 Dec 2020 08:40:08 +0000

Esperanto-Muzeo en Svitavy has posted an article:

Por bezono de pretigo de muzika programo por adventaj/kristnaskaj Esperanto-aranĝoj, ni disponigas al vi nun elekton - la unuan parton el la ampleksa Himnaro Cigneta kompilata kaj redaktata de ROS' Haruo. Temas pri konataj diversdevenaj kantoj, post kies klako vi povas legi kaj kopii ne nur la tekston, sed ankaŭ aŭdi la melodion (plej kutime elektronikorgenan akompanon). Post klako per dekstra muso al la vorto MIDi sube de ĉiu paĝo, post "Save Taget as .... - Konservu celon kiel ...) povas ankaŭ elŝuti la melodion en vian komputilon). Per diversaj programoj eblas facile konverti midi formon al WAV (sufiĉas skribi al Google-serĉilo "free midi to wav converter " kaj vi ricevos pluaj proponojn), kiun vi povas sekve kopii al kompaktdisko kaj uzi ev. la melodion por akompano dum la aranĝo (se vi ne havas taŭgan muzikiston inter vi).

Krome senpaga programo "Notation Player":http://www.notation.com/DownloadNotationPlayer.htm ((se vi havas Windows XP aŭ Vista) povas aŭtomate fari el la midi-melodion ankaŭ muziknotojn, kiujn vi povas printi kaj uzi event. po "viva" akompanado. Mi persone ofte uzas tiun manieron.

Kristnaskaj kantoj sendube havas sian misteran belon kaj ĉarmon ankaŭ por tiuj, kiuj ne konsideras sin kristanoj, ĉar festado de Kristnasko estas parto unu el niaj lastaj komunaj simbolaj ritoj, kiu povas spirite/enkore renovigi nin ....... (Freneza aĉetumado, abundaj materiaj donacoj kaj manĝoj ja tute ne estas esenco de la festoj kaj ĉiu povas mem decidi, kiel travivi ilin).

Ni tre ĝojos, se vi sendos al ni materialojn pri kristnaskaj kantoj el viaj landoj! Ni volonte aperigos ilin en nia nova speciala albumo KRISTNASKO.

Abio vi, abio vi (O Tannenbaum) germana

Al ni aperis nun io nova (Zjawiło się nam dziś coś nowego) pola

Alestu, fidelaj (Adeste Fideles) latina

Alvenis tempo al ni de advento (Es ist für uns eine Zeit angekommen) germana

Aŭdu! kantas anĝel-ĥor' (Hark! the herald angels sing) angla

Aŭdu : Sonas pastoralo (Quem pastores laudavere) latina

Bebo Dia, tamen nia (W żłobie leży) pola

Betleĥemon kuris la paŝtista ar' (Przybieżeli do Betlejem pasterze) pola

Blovu trombonon kun laŭta sonor' (Lift up the trumpet, and loud let it ring – Jesus Is Coming Again) germanlingva usona himnaro de Sepatagaj Adventistoj

Ĉarma Krist-vesper’! (Sæle jolekveld!) norvega

Ĉarma la tero (Dejlig er Jorden) dana

Ĉe-sine kuŝas Krist' la Beb' (The Christ-child lay on Mary's lap – teksto G.K.Chesterton) angla

Di' naskiĝas, forto falas (Bóg się rodzi, moc truchleje) pola

Ding dong! Plenas en ĉiel' (Ding Dong! Merrily on High) angla

Dum klara nokto venis ĝi (It came upon the midnight clear)

Dum nokte gardis al ŝafar' (While Shepherds Watched Their Flocks by Night) angla

Dum nokt' silenta kantas la ĉiel'

(Wśród nocnej ciszy) pola

En bova fojntrogo (Away in a manger) angla

En Kristnaska vespero, el alta ĉiel' ( “La Unua Noel') (The First Nowell) angla

En la reĝa Betlehemo (Once in Royal David’s City) angla

En la vintromezo (In the Bleak Midwinter – melodio Gustav Holst)) angla

Estu bonvena, Krist' Sinjor' (Sei uns willkommen) germana

Fama rakonto en Evangelio (Wesołą nowinę, bracia słuchajcie) pola

Feliĉega vi, ĉarmoplena vi (O du Fröhliche / O sanctissima) germana, itala

For, longe for, en Judea land' (Far, far away on Judea's plains) angla

Ĝoju la mondo! (Joy to the World!) angla

Pavla Dvořáková (padv)

Invito al la semajnfina renkontiĝo en la Esperanto-Muzeo

nobody@ipernity.com (Esperanto-Muzeo en Svitavy) — Sat, 29 Aug 2020 08:01:27 +0000

Esperanto-Muzeo en Svitavy has posted an article:

Laŭnome Aŭtuna, astronomie Malfrusomera renkontiĝo en nia muzeo okazos inter la 4-a kaj la 6-a de septembro 2020. Ĉi-jare ne okazos kutima inaŭguro de la nova ekspozicio, ĉar pro la koronkrizo la nunan ne povis vidi sufiĉe da vizintantoj.Tamen por vi preparatas interesa kleriga, kultura kaj turisma programo kaj ebleco renkonti malnovajn kaj novajn geamikojn. Epidemiologia situacio en Ĉeĥio estas sufiĉe stabila kaj nedanĝera por vizitantoj.

Pli detalajn informojn pri la aranĝo legu en

muzeum.esperanto.cz/eo/expozicioj/bonvenon-en-la-a-tuna-renkonti-o-en-la-esperanto-muzeo.html

Esperanto-Muzeo post la koronvirusa paŭzo denove malfermitas por vi!

nobody@ipernity.com (Esperanto-Muzeo en Svitavy) — Mon, 29 Jun 2020 21:16:33 +0000

Esperanto-Muzeo en Svitavy has posted an article:

Informoj en la retejo:

http://www.muzeum.esperanto.cz/eo/expozicioj/esperanto-muzeo-en-svitavy-somere-denove-malfermitas-por-vi.html

http://muzeum.esperanto.cz/eo/cxefa

Max Kašparů - Dek paŝoj al ĝojo

nobody@ipernity.com (Esperanto-Muzeo en Svitavy) — Sun, 17 May 2020 17:51:30 +0000

Esperanto-Muzeo en Svitavy has posted an article:

DEK PAŜOJ AL ĜOJO

Max Kašparů

Prologo

Ni estis alvokitaj al la vivo kaj konsistaĵo de ĝia bona kvalito estas ankaŭ sento de ĝojo kaj feliĉo. Sed absolute feliĉa en la mondo estas neniu. Nek persa ŝaho, nek nafta magnato el Kuvajto.

Avido pri la perfekta feliĉo estas trompa, iufoje male ĝi povas konduki al sento de vantiĝo, aŭ eĉ al morbida stato de la korpo aŭ psiĥo.

Se ni volas vivi iom pli feliĉe, ni devas reveni al natureco, al dum jarmiloj atestita vivpraktikado kaj al saĝeco de patroj.

Mia ŝatata angla verkisto Chesterton diras: „Kuraĝo pledi por tradiciaj virtoj havas nuntempe nuancon de krimo, kaj unu afero, kiu postulas senmezuran kuraĝon, estas proklami memkompreneblecojn.“

Mi permesos al mi lin iomete kompletigi kaj al la citaĵo aldoni eĉ kelkajn vortojn: La kuraĝon nuntempe postulas ĝuste pledo de tiu ĉi natureco.

Dek paŝoj, kiuj konsistigas enhavon de tiu ĉi eta eldonaĵo, estas prefere propono, kiel esti pli feliĉa, ol kompaso, kiu montrus direkton al la perfekta feliĉo.

Super enirejo de unu vilaĝa sonorilturo estas surskribo: „Ŝparkolekti oni povas eĉ el malmulto – nur komencu kaj persistu.“

Mi permesas al mi parafrazi tiun ĉi bonan instruon kaj skribi: „La ĝojon vi atingos post malgrandaj paŝetoj – nur ekiru kaj daŭrigu.“

Sac. D-ro Max Kašparů (Deset kroků k radosti - Dek paŝoj al ĝojo, 2020)

al la indekso

La unua paŝo: AMU KAJ PARDONU

Estis iu insulo, sur kiu loĝis ĉiuj emocioj: ĝojo, malĝojo kaj multaj aliaj, inkluzive de amo. Iun tagon ricevis ĉiuj loĝantoj sciigon, ke la insulo subakviĝos. Ĉiuj emocioj sin preparis por rapida foriro el la insulo, ili ensaltis ŝipon atendante fornavigon; nur la amo volis ankoraŭ momenton resti sur la insulo, kiun ĝi amegis, por helpi al ĉiu, kiu tie simile kiel ĝi restis.

Kiam la amo preskaŭ sin dronis, ĝi komencis helpopeti. Tiumomente apude ŝipiris riĉeco. La amo diris al ĝi: „Riĉeco kunprenu min!“

„Mi ne povas, en la ŝipo estas multe da oro kaj arĝento, kaj por vi ne plu estas libera loko.“

Tial ĝi petis la preterirantan vantecon: „Mi petas, helpu min!“

„Mi ne povas al vi helpi, vi estas tute malseka kaj vi neniigus mian novan ŝipon...“

Poste la amo alparolis malĝojon. „Ĉu mi povas iri kun vi?“

„Sed, la amo, mi estas tiel malĝoja, ke mi eĉ ne volas iun vidi kaj mi do daŭrigos prefere sola.“

Poste apude ŝipnavigis ĝojo, sed ĝi estis tiel gaja, ke ĝi eĉ ne aŭdis, kiel la amo vokas pri la helpo.

La amo pro malespero ekploregis. Tiumomente ĝi ekaŭdis voĉon: „Iru, amo, mi prenos vin!“

Estis tio maljunulo kaj la amo pro la ĝojo forgesis demandi pri lia nomo. Kiam ili albordiĝis, ĝi demandis la saĝecon: „Kiu estis tiu maljunulo, kiu min ĉi tien alveturigis?

La saĝeco respondis: „Estis tio tempo.“

„Ĉu la tempo? Sed kial min volis transveturigi nur la tempo?“

La saĝeco respondis: „Ĉar nur la tempo estas kapabla helpi kaj ekkompreni grandan amon.“

La tempo kaj la amo estas du gravaj grandoj en la vivo de homo. La tempo estas formo por la amo kaj la amo devas esti enhavo de la tempo. Plie la amo estas la plej forta motivigo por bonfarado.

Version de la amo priskribas sankta apostolo Paŭlo en sia novtestamenta letero al korintanoj tiel:

Se mi parolus la lingvojn de homoj kaj anĝeloj, sed ne havus amon, mi fariĝus sonanta kupro aŭ tintanta cimbalo.

Kaj se mi posedus la profetpovon, kaj komprenus ĉiujn misterojn kaj ĉian scion, kaj se mi havus ĉian fidon, tiel ke mi povus formovi montojn, sed ne havus amon, mi estus nenio.

Kaj se mi disdonus mian tutan havon por nutri la malsatulojn, kaj se mi lasus mian korpon por forbrulo, sed ne havus amon, per tio mi neniom profitus.

Amo longe suferas, kaj bonfaras, amo ne envias, amo ne fanfaronas, ne ŝveligas sin.

Amo ne kondutas maldece, ne celas por si mem, ne koleriĝas, ne pripensas malbonon.

Amo ne ĝojas pri maljusteco, sed kunĝojas kun vereco.

Amo ĉion toleras, ĉion kredas, ĉion esperas, ĉion eltenas.

Amo neniam pereas, sed, ĉu estas profetadoj, ili neniiĝos, ĉu lingvoj, ili ĉesiĝos, ĉu estas scio, ĝi neniiĝos.

Ĉar ni scias laŭparte, kaj ni profetadas laŭparte, sed kiam venos perfektaĵo, tiam neniiĝos tio, kio estas laŭparta.

Kiam mi estis infano, kiel infano mi parolis, kiel infano mi sentis, kiel infano mi pensis, nun fariĝinte plenaĝulo, mi jam forigis la infanaĵojn.

Ĉar nun ni vidas per spegulo, malhele, sed tiam okulon ĉe okulo; nun mi konas laŭparte, sed tiam mi konos tiel same, kiel ankaŭ mi estas konita.

Restas do nun fido, espero, amo, tiuj tri; kaj la plej granda el ili estas amo. Al tio ni povas aldoni: Nia tempo estu plenigita per la amo kaj nia amo testita fare de tempo. Por nia propra ĝojo.

Fonto: www.ikue.org/cz/arkivo/a-118-2-20.htm

Kronvirusa pandemio: Kion gravan ni povas lerni pro ĝi?

nobody@ipernity.com (Esperanto-Muzeo en Svitavy) — Wed, 01 Apr 2020 06:49:09 +0000

Esperanto-Muzeo en Svitavy has posted an article:

La homaron vizitis malsano. Ŝajnas, ke iusence oni bezonis ĝin por ion ekkonscii

Ni ĉesis estimi nian sanon kaj tiam venis malsano, por ke ni sciu, ke la sano estas la plej grava valoro.

Ni ĉesis estimi la naturon, kaj tial ni ricevis tiun malsanon, por ke ni povu ĝui naturon kiel raran trezoron.

Ni ĉesis funkcii kiel familio kaj tial la malsano fermis nin en niaj hejmoj, por ke ni povu denove funkcii kiel tradicia familio.

Ni ĉesis estimi maljunularon kaj kriplulojn kaj tial venis la malsano, ke ni sciu, kiel tre vundeblaj ili estas.

Ni ne estimis sanlaboristojn kaj apotekistojn, kaj nun ni vidas, kiel ili estas neanstataŭeblaj.

Ni plu ne estimis instruistojn kaj tial la malsano fermis lernejojn, por ke la gepatroj povu provi instrui siajn infanojn.

Ni pensis, ke ni povas aĉeti ĉion, esti kie ajn, veturi kien ajn, havi ĉion ajn, sed la malsano montris al ni, ke ĉio ĉi ne estas memkomprenebla.

Riĉavido nin regis, liberan tempon ni pasis en supermarktoj, tial la malsano ilin fermis, por ke ni komprenu, ke feliĉon oni ne povas aĉeti.

Ni direktis nian intereson al nia aspekto kaj malsano transformis nian vizaĝon, por ke ni sciu, ke en la vizaĝo ne troviĝas nia beleco.

Ni pensis, ke ni estas regantoj de la mondo, tial la malsano sendis ion nevideblan, ke ĝi nin bridu kaj rekomendu al ni humilecon.

LA MALSANO MULTE DEPERENAS SE NI, SED ANKAŬ DONAS AL NI LA EBLON

MULTE LERNI KAJ KOMPRENI,

KIO VERE EN LA VIVO GRAVAS..

Tradukis Jindřiška Drahotová kaj Margit Turková

Marto 2020.

P.S. Kompreneble tiu ĉi teksto tuŝas nur unu el aspektoj de la kompleksa problemaro de la pandemio.

TRI DONACOJ (Kristnaska rakonto)

nobody@ipernity.com (Esperanto-Muzeo en Svitavy) — Mon, 23 Dec 2019 09:38:35 +0000

Esperanto-Muzeo en Svitavy has posted an article:

Kiam paŝtistoj foriris kaj revenis trankvilo, Infaneto levis kapeton kaj direktis rigardon al duonaperta pordo. Staris tie malgranda, timema knabo. Lia tuta korpo frostotremis.

“Venu!” - diris Jesuo - “kial vi timas?”

“Mi ne kuraĝas, mi havas nenion, por al vi donaci” - respondis la knabo.

“Mi tre volas, ke vi donu al mi iun donacon” - diris Novnaskito.

La malriĉa veninto honteme ruĝiĝis.

“Mi vere havas nenion. Se mi havus ion, mi tion donacus al vi.” Li traserĉis poŝojn kaj li trovis finfine malnovan, rustintan poŝtranĉileton.

“Se vi volas, mi donacos ĝin al vi.”

“Ne” - diris Jesuo - “restigu ĝin por vi. Mi volas ion alian de vi. Mia deziro estas, ke vi donu al mi tri donacojn.”

“Mi tre volas” - respondis la knabo, “sed kion mi faru por vi?”

“Donacu al mi vian lastan desegnaĵon!”

La knabo ruĝiĝis ĝis oreloj, proksimiĝis al kripeto, kaj por ne ĝeni al Maria kaj Jozefo, li flustris en orelon de Jesuo:

“Mi ne povas, mia desegnaĵo estas tre malbela. Neniu volas rigardi ĝin.”

“Ĝuste” - diris la Infaneto - “pro tio mi volas ĝin. Vi devas donaci al mi tion, kion aliaj malakceptas, kaj kio ne plaĉas al ili.”

Post momento la Infaneto diris:

“Mi volas, ke vi donacu al mi vian teleron.”

“Sed ... mi ĝin frakasis hodiaŭ matene” - veis la knabo.

“Ĝuste tial mi ĝin volas. Vi devas ĉiam donaci al mi tion, kio estas frakasita kaj rompita en via vivo, mi volas tion ripari. Kaj nun” - insistis Jesuo - “ripetu al mi respondon, kiun vi respondis al viaj gepatroj, kiuj demandis, kiamaniere frakasiĝis la telero.”

La vizaĝo de la junulo paliĝis. Li klinis la kapon kaj iom pli poste li ekflustris:

“Mi mensogis al ili. Mi diris, ke la telero elglitis el miaj manoj kaŭze de mallerteco, sed tio ne estis vero. Mi koleris kaj mi elĵetis la teleron el la tablo. Ĝi falis sur la plankon kaj frakasiĝis.”

“Ĝuste tion mi volis aŭdi de vi” - diris Jesuo. “Vi devas ĉiam donacadi al mi tion, kio estas malbona en via vivo: viajn mensogojn, eksplodojn de kolero. Mi volas liberigi vin de ili. Vi tion ne bezonas. Mi volas feliĉigi kaj sanigi vin kaj mi pardonos al vi ĉiujn kulpojn. Mi volas, ke vi venadu ĉiutage al mi.”

Surbaze de “Fidelitè 1/1997" prilaboris Stanisław Śmigielski

FONTO: gazeto //Dio benu//, presorgano de la Katolika sekcio de ĈEA

www.ikue.org/cz/arkivo/a-60-4-05.htm#15

Esperanto-Muzeo en Svitavy solenis sian dekjariĝon

nobody@ipernity.com (Esperanto-Muzeo en Svitavy) — Tue, 02 Oct 2018 19:48:37 +0000

Esperanto-Muzeo en Svitavy has posted an article:

Inter la 14-a kaj la 16-a de septembro kunvenis ĉ. kvindeko da partoprenantoj por festi kune la 10an naskiĝtagon de la muzeo.

Post la vendreda inaŭguro de la nova tutjara ekspozicio "10 jaroj de la muzeo kaj 100jaroj de la respubliko" (kun la subtitolo por la dua temo "Historio de Esperanto en Ĉeĥoslovakio en 1918-1968") kun akompana programo kaj prelego de Petro Baláž

okazis en la historia salonego en la Ottendorfer-Domo solena sabata matineo, kiun ĉeestis ankaŭ favorantoj de Esperanto la urbestro de Svitavy David Šimek kaj direktorino de la Urba Muzeo kaj Galerio en Svitavy Blanka Čuhelová.

Persone salutis kaj gratulis SKEF-prezidanto Peter Baláž, KEA-reprezentanto László Szilvási kaj prezidantino de AEH Lenka Angelová. Ĝojigaj estis ankaŭ alvenintaj salutleteroj i.a. de Blanka Skučková el la Ministerio pri kulturo de ĈR, kaj el pluraj institucioj eksterlandaj (Esperantomuzeo Vieno, Zamenhof-Centro en Bjalistoko, Interkultura Centro Herzberg, Germana Esperanto-Biblikoteko en Aalen, Esperantic Studies Foundation el Usono, plue el Rumanio, Italio, Togo k.a.)

Dankoj al almenaŭ kelkaj el la muzeaj kunlaborantoj kaj bruligo de la naskiĝtaga torto kaj refreŝiĝo okazis sekve denove en la muzeo. La solenan momenton filmis ankaŭ la regiona televido CMS, kiu publigis pri ĝi la VIDEORIPORTON:

https://www.youtube.com/watch?v=ORN-j_k8qyI

Post la ekskurso al Moravská Třebová kaj ties interesaj muzeo kaj renesanca kastelo okazis koncerto de la ensemblo SENPROBLEME (la registraĵon vi povas spekti ĉi-tie:

https://www.youtube.com/watch?v=Va-n8EpPNeM

kaj vespera amuziĝo kun projekciado komuna kantado.

La dimanĉa antaŭtagmezo estis dediĉita al Internacia Muzeo Seminario, kies temoj estis "Rezultoj de memstaraj esploroj pri la historio de la Esperanto-movado en Ĉeĥoslovakio en 1918-1968" kaj "Spertoj pri ciferecigado de dokumentoj kaj ilia utiligo en la muzea kaj biblioteka praktiko".

En FOTOGALERIO https://www.ipernity.com/doc/esperanto-muzeo-svitavy/album

vi povas vidi elektitajn fotaĵojn el la programo.

Krome estas iom post iom prilaborataj videoj kaj materialoj el la seminario.

Baldaŭ vi povos scii pli pri la enhavo!

Pavla Dvořáková

Ni invitas vin soleni kune dekjariĝon de Esperanto-Muzeo en Svitavy

nobody@ipernity.com (Esperanto-Muzeo en Svitavy) — Thu, 16 Aug 2018 17:25:24 +0000

Esperanto-Muzeo en Svitavy has posted an article:

La jubilea aranĝo kun riĉa programo okazos

inter la 14-a kaj la 16-a de septembro 2018.

Kion ni estas por vi preparantaj?

KADRA PROGRAMO

Vendrede:

19:00-22:00 Inaŭguro de la nova ekspozicio dediĉita al 10 jaroj de la muzeo kaj 100 jaroj de la Ĉeĥoslovaka respubliko (resp. Esperanto en Ĉeĥoslovakio en

1918-1968), kun akompana programo kaj refreŝiĝo

Sabate:

9:00-11:45 Solena programo omaĝe al dekjariĝo de la Esperanto-Muzeo en la Ottendorfer-salonego

post tagmanĝo duontaga busekskurso al Moravská Třebová

(vizito de la Urba Muzeo kaj de la renesanca kastelo)

18:00-19:30 Koncerto de la muzikgrupo SENPROBLEME

20:00 vespermanĝo kaj amuziĝo

Dimanĉe:

Dimanĉe 8:30-12:30 okazos INTERNACIA MUZEA SEMINARIO

kun du temoj:

- Rezultoj de memstara esploro pri historio de Esperanto-movado en 1918-1968

(precipe, sed ne nur) en Ĉeĥoslovakio

- Utiligo de modernaj teknologioj kaj rezultoj de ciferecigado en la muzea kaj biblioteka laboro

paralele: 9:00-11:30 Urbovizito kaj promeno

Ĉi-tie elŝuteblas

DETALA PROGRAMO KAJ INFORMOJ PRI TRANOKTO, MANĜOJ KAJ KOTIZOJ

******************************

KONTAKTO

Esperanto-Muzeo, nám. Míru 81/1, CZ-568 02 Svitavy

cea @ esperanto.cz

tel. +420 774 928 974 (prezidantino Libuše Hýblová)

kontakto pri la ekspozicio kaj la muzea seminario:

pavla.dvorakova @ esperanto.cz

Kompleta aliĝilo kaj pagoinformoj troveblas en

www.esperanto.cz/eo/akce/10-jaroj-de-esperanto-muzeo-en-svitavy-987.html

Limdato por aliĝoj kaj mendo de servoj estas 31.8.2018, poste sengarantie!

Ni ĝojatendas vian abundan partoprenon!

Bonvenon en la Esperanto-Muzeo en Svitavy post ĝia rekonstruo!

nobody@ipernity.com (Esperanto-Muzeo en Svitavy) — Fri, 09 Mar 2018 15:17:50 +0000

Esperanto-Muzeo en Svitavy has posted an article:

Dum januaro kaj plejparto de februaro 2018 en la teretaĝo de la Domo de Ottendorfer en Svitavy (Ĉeĥio) en kiu troviĝas la Esperanto-Muzeo, realiĝis rekonstrulaboroj celantaj precipe forigi la kaŭzon de la humideco, kiu damaĝis la murojn.

Fine de februaro 2018 la muzeo denove malfermis sian pordon al la vizitantoj!

Estu do bonvenaj, aparte en la jaro, kiam la muzeo festos ŝian 10jariĝon!

Dum la laboro meritplene helpis - precipe koncerne ordigadon kaj lavadon - ankaŭ volontuloj de la lokaj Esperanto-kluboj el Svitavy kaj Česká Třebová. Post la rekonstruo disponeblos en la muzeo i.a. nova kuirejeto, en kiu ni povos pli komforte pretigi por niaj gastoj kafon aŭ teon.

Ni volonte akceptas gastojn dum la tuta jaro!

Ni aparte rekomendas anticipe kontakti nin ĉe la adreso

muzeo @ esperanto.cz.

Por ĉiuj pliaj detaloj bv. klaki al artikolo el la muzea retejo

http://www.muzeum.esperanto.cz/eo/expozicioj/la-esperanto-muzeo-post-la-rekonstruo-denove-malfermitas.html

10 jaroj depost forpaso de Claude Piron

nobody@ipernity.com (Esperanto-Muzeo en Svitavy) — Mon, 26 Feb 2018 17:45:09 +0000

Esperanto-Muzeo en Svitavy has posted an article:

la 26-an de februaro festus sian naskiĝtagon CLAUDE PIRON, kies 10jara forpasjubileo okazis la 22-an de januaro 2018.

Belgdevena svisa psikologo kaj UN-tradukisto kaj interpretisto, samtempe elstara esperantisto, lingvisto, verkisto de facillingvaj rakontoj kaj krimaj kaj alistilaj noveloj (parte sub la pseŭdonimo Johan Valano), Akademiano, erudicia, tamen tre modesta kaj simpatia homo, kiu meritas ne estis forgesita.

https://eo.wikipedia.org/wiki/Claude_Piron

Ni omaĝu per rememoro pri tiu ĉi eksterordinara persono, ne nur pere de biografiaj faktoj, sed ankaŭ pere de disponeblaj libroj, videoj kaj sonregistraĵoj. Pere de ilia uzo lia persono kaj rezultoj de lia laboro restos plu vivaj inter ni.

Ni aparte rekomendas al via atento la retejon

http://claudepiron.free.fr

en kiu eblas libere legi kaj elŝuti multajn el liaj artikoloj, libroj, videoj kaj sonregistraĵoj !!!

En nia Muzea paĝo ni disponigas gustume

la mallongan videon kun lia persona omaĝo al Esperanto

https://www.ipernity.com/doc/esperanto-muzeo-svitavy/46302104

la libron La bona lingvo

https://www.ipernity.com/doc/esperanto-muzeo-svitavy/46302236

la prelegon Esperanto - Kiaj perspektivoj post unu jarcento?

https://www.ipernity.com/doc/esperanto-muzeo-svitavy/46302164

sonregistraĵon de la instiga prelego Psikologiaj reagoj al Esperanto

https://www.ipernity.com/doc/esperanto-muzeo-svitavy/46303006

la popularan kanton Fromaĝ' el Edamo, kiun li kantas kun sia edzino

https://www.ipernity.com/doc/esperanto-muzeo-svitavy/46302040

ligilon al sonlibro kaj filmo laŭ la instrua detektiva libreto GERDA MALAPERIS!

www.ipernity.com/doc/esperanto-muzeo-svitavy/46303044

Ne maltrafu lian instruan videon anglalingcan kun ĉeĥ- kaj alilingvaj subtitoloj,

kiu donas inspirajn ideojn por argumenti por la internacilingva ideo!!

https://www.youtube.com/watch?v=Jb1txDSvmZ8

Pavla Dvořáková

Kristnaska grandkanto de la amo por dommastrinoj - Vánoční velepíseň lásky pro hospodyně

nobody@ipernity.com (Esperanto-Muzeo en Svitavy) — Tue, 19 Dec 2017 16:47:24 +0000

Esperanto-Muzeo en Svitavy has posted an article:

Parafráze na novozákonní 1. List Korintským 13:1-8

Parafrazo je la novtestamenta 1-a Epistolo al la Korintanoj 13:1-8

Kdybych svůj dům perfektně ozdobila světelnými řetězy, jedlovými větvičkami

a cinkajícími zvonečky, ale neměla lásku ke své rodině,

nejsem nic víc než dekoratérka.

Se mi perfekte ornamus mian domon per lumaj ĉenoj, abiaj branĉetoj

kaj tintantaj sonoriletoj, sed ne havus amon al mia familio,

mi estas nenio pli ol ornamantino.

Kdybych se lopotila v kuchyni, napekla kila vánočního cukroví,

navařila labužnické pokrmy a připravila vzorově prostřený stůl,

ale neměla lásku ke své rodině, nejsem nic víc než kuchařka.

Se mi ŝvitlaboregus en la kuirejo, mi bakus kilogramojn da kristnaska sukeraĵaro, kuirus bongustegajn pladojn kaj preparus modele aranĝitan tablon, sed ne havus amon al mia familio, mi estas nenio pli ol kuirantino.

Kdybych pomáhala vařit polévku pro bezdomovce, zpívala koledy

v domově pro seniory a všechen svůj majetek darovala na dobročinnost,

ale neměla lásku ke své rodině, nic by mi to neprospělo.

Se mi helpus kuiri supon por senhejmuloj, kantus kantojn

en hejmo por senioroj kaj sian tutan havaĵon donacus por bonfarado,

sed ne havus amon al mia famlio, per tio mi neniom profitus.

Kdybych ověsila vánoční stromeček třpytivými baňkami

a vánočními hvězdami, zúčastnila se úchvatných slavností,

zpívala sóla v kostelním sboru, ale zapomněla na Ježíše,

potom jsem nepochopila, oč o Vánocích běží.

Se mi ĉirkaŭpendigus la kristnaskan arbeton per trembrilantaj globornamaĵoj kaj kristnaskaj steloj, partoprenus ravajn solenaĵojn,

kantus solojn en la preĝeja koruso, sed forgesus pri Jesuo,

tiam mi ne komprenus, pri kio dum la Kristnasko temas.

Láska přeruší pečení, aby mohla vzít dítě do náručí.

Amo interrompas bakadon por brakumi la infanon.

Láska zanechá zdobení a políbí manžela.

Amo lasas ornamadon kaj kisas la edzon.

Láska je přátelská a trpělivá navzdory chvatu a stresu.

Amo estas amikema kaj pacienca spite al hasto kaj streso.

Láska druhým nezávidí jejich dům s vzácnými vánočními

porcelánovými servisy a nádhernými ubrusy.

Amo ne envias la aliajn pro ilia domo kun valoraj kristnaskaj

porcelanaj servicoj kaj belegaj tablotukoj.

Láska neokřikuje děti, ale je za ně vděčná, že jsou.

Amo ne kriadmonas la infanojn, sed dankemas por ili, ke ili estas.

Láska nedává jen těm, od kterých může něco očekávat,

ale ráda obdarovává právě ty, kteří to nemohou oplácet.

Amo ne donas nur al tiuj, de kiuj ĝi povas ion atendi,

sed volonte pridonacas ĝuste tiujn, kiuj ne povas repagi tion.

Láska všechno vydrží, všemu věří, všechno doufá, všechno snáší.

Láska nikdy nepřestává.

Amo ĉion eltenas, ĉion kredas, ĉion esperas, ĉion toleras.

Amo neniam ĉesas.

Mobilní telefony špičkové kvality se rozbíjejí, perlové náhrdelníky se ztratí, golfové hole zrezaví. Ale darovaná láska zůstane.

Pintkvalitaj poŝtelefonoj rompiĝas, perlaj kolieroj perdiĝas,

golfbastonoj rustiĝas. Sed la donacita amo restas.

posláno dr. Maxem Kašparů

sendite de d-ro Max Kašparů

ze zahraničních zdrojů - autor neznámý

el eksterlandaj fontoj - la aŭtoro nekonatas

z češtiny do esperanta přeložila

la ĉeĥa lingvo esperantigis

Pavla Dvořáková

Ni invitas vin al nia nuntempa ekspozicio "LA HOMO KONTRAŬ BABELO"

nobody@ipernity.com (Esperanto-Muzeo en Svitavy) — Wed, 19 Jul 2017 07:25:18 +0000

Esperanto-Muzeo en Svitavy has posted an article:

Nia nova tutjara ekspozicio, ĉi-foje nomita "LA HOMO KONTRAŬ BABELO" estis inaŭgurita la 9-an de junio 2017 en la ĉeĥa lingvo (ankaŭ por la loka publiko) kaj la 10-an de junio 2017 por la esperantlingvaj vizitantoj.

Ĝi estas dediĉita al la 100-jara datreveno de forpaso de d-ro L.L.Zamenhof, kiu ĉi-jare troviĝas sur la oficiala listo de UNESCO, sed ankaŭ al la ceteraj pioniroj de Esperanto kaj de la ideo de la justa lingva komunikado kaj interkompreniĝo inter homoj.

La ĉefaj pluaj jubileantoj, prezentitaj en la ekspozicio estas F.V. Lorenz kaj T. Čejka. Poligloto (laŭ atestantoj onidire scipovinta centon da lingvoj!) kaj multflanke talentita homo František Vladimír LORENC, en Esperantujo konata kiel Francisco Valdomiro LORENZ (1872-1957), jam kiel 18 malriĉa studento el propraj rimedoj eldonis en Pardubice en 1890 la unuan Esperanto-lernolibron por ĉeĥoj. Du jarojn pli poste li elmigris al Brazilo, kie li vivis kaj verkis ĝis sia morto. Ankaŭ tie fakte fondis Esperanto-movadon kaj ĝis nun onidire li estas tie la tria plej konata kaj plej populara ĉeĥdevena persono.

Pli pri lia rimarkinda vivo kaj personeco vi povas ekscii en la videoregistraĵo de la prelego de Petro Chrdle.

La dua gravulo estas Teodoro ĈEJKA (1878-1957), aginta en la orientmoravia urbeto Bystřice pod Hostýnem, ekde 1900 aŭtoro kaj eldoninto de la unuaj lernolibroj kaj vortaroj kaj redaktoro de la unuaj gazetoj aperintaj en ĉeĥaj landoj.

Ĉiuj tri elstaruloj estas prezentitaj ne nur sur biografiaj paneloj, sed ankaŭ en vitrinoj kun libroj kaj kolektmaterialoj, dosierujoj kun kompletigaj informoj kaj surmuraj historiaj fotaĵoj k.t.p.

La ekspozicio prezentas interesaĵojn pri historio de Esperanto en Ĉeĥio, reprilaboritan libroekspozicion kun pluraj novaĵoj pri aktualaj sociaj temoj, interesajn gastojn en nia muzeo, novan prezenton de la aktiveco de la Klubo de amikoj de Esperanto en Svitavy, bildkartojn el la muzea kolekto kaj rezultojn de de la detektiva historia esplorado pri identeco de eksterlandaj korespondantoj de Petr Eduard Skála el la ĉeĥa urbo Horažďovice el la jaroj 1908-1913. Tiu estos temo de aparta artikolo, kiun ni pretigas por vi.

Por legi pli detalajn informojn pri la ekspozicio mem kaj pri riĉa programo de la Muzea nokto kaj de la inaŭguro de la ekspozicio, bv. klaki al la artikolo en la muzea retejo.

La aranĝo estis parte finance subvenciita de la Regiono Pardubice (kadre de la projekto ("Pardubice - lulilo de Esperanto en ĉeĥaj landoj").

Elekton de fotaĵoj el nia ekspozicio, el la Muzea nokto kaj la inaŭguro vi povas trovi en nia FOTOGALERIO.

La ekspozicio alireblas tutjare, ĝis septembro 2018, kiam nia muzeo solenos 10 jarojn de sia ekzisto. Malfermohorojn kaj kontaktojn vidu ĈI-TIE . Bv. ne forgesi, ke nia muzeo estas prizorgata plene volontule kun malalta budĝeto kaj ni ne povas garantii daŭran ĉeeston de iu esperantista deĵoranto.

Eksterlandaj gastoj, kiuj interesiĝas pri komentita trarigardo kaj renkontiĝo kun lokaj esperantistoj, nepre bv. ĝustatempe anonci vin ĉe la adreso muzeo@esperanto.cz kaj interkonsenti pri ambaŭflanke konvena dato kaj tempo!

La urbo kaj ĝia ĉirkaŭaĵo, bone trafike atingebla el ĉiuj direktoj (Prago, Brno-Vieno, Ostrava), havas multon interesan por oferti. Ni volonte prizorgos por vi taŭgan tranokton kaj helpos vin organizi vian restadon (vidu pli en la rubriko Kontakto).

Vidu ankaŭ niajn fotoalbumojn Svitavy invitas vin kaj Bohemia-Moravia Landlimo.

Ni antaŭdankas por diskonigo de nia ekspozicio kaj antaŭĝojas vian viziton!

Pliajn informojn pri la ekspozicio mem disponigas

Pavla Dvořáková el Písek, aŭtorino kaj estrino de la ekspozicio,

pavla.dvorakova@esperanto.cz

Pliajn informojn pri viziteblo de Svitavy kaj de la muzeo disponigas

Libuše Dvořáková el Svitavy, gvidantino de la muzeo kaj de la loka klubo,

libuse.dvorakova@esperanto.cz

Forpasis emerita opersolisto kaj honora ĈEA-membro Miroslav SMYČKA

nobody@ipernity.com (Esperanto-Muzeo en Svitavy) — Wed, 10 May 2017 07:04:27 +0000

Esperanto-Muzeo en Svitavy has posted an article:

Kun malĝojo ni informas, ke la 25-an de aprilo 2017 en sia 90a jaraĝo forpasis en Prago emerita opersolisto kaj bonega esperantisto Miroslav Smyčka. Temas pri senduba grava perdo por la tutmonda Esperanta kulturo.

Miroslav Smyčka naskiĝis en 1926 en Olomouc kaj esperantiĝis kiel studento jam en 1945. Dum sia vivo li aktoris en regionaj operteatroj en Brno, Opava, Liberec kaj precipe Ústí nad Labem (30 jarojn) kaj České Budějovice. Kiel baritonisto li ĉefrolis en dekoj da famaj operoj de ĉeĥaj kaj tutmondaj komponistoj (Smetana, Dvořák, Janáček, Martinů, Mozart, Donizetti, Verdi, Puccini, Ĉajkovskij, R.Strauss k.a.). Vidu fotoalbumon de liaj roloj en la 1960-aj jaroj

muzeo.rajce.idnes.cz/Operni_role_Miroslava_Smycky_v_Jihoceskem_divadle

****************

Li estis bonega kaj konvinkita esperantisto kun profunda lingvoscio. Li prezentis sian arton ankaŭ dum multaj Esperanto-aranĝoj (Universalaj kaj naciaj kongresoj) kaj estis ĉeforganizanto de elstaraj Internaciaj Kulturfestivaloj en Ústí nad Labem.

Pro siaj meritoj en la kultura kampo en 2002 li fariĝis honora membro de Ĉeĥa Esperanto-Asocio.

Ĝis la lastaj monatoj de sia vivo li estis en mirinda kaj enviinda fizika kaj psika freŝeco.

La liaj vortoj, tion sendube helpis ankaŭ tio, ke li povis aktive okupiĝi pri siaj du grandaj amoj - klasika muziko kaj Esperanto, kaj vivi en amikeca medio de esperantistoj.

Liaj kantoj aperis en 1993 sur la kasedo Famaj kantoj por belaj horoj, eldonita de KAVA-PECH, kaj en 2009 sur duobla KD Melodia Regalo, eldonita de ĈEA. Pliaj registraĵoj de kantoj, poezio kaj prozo efektiviĝis inter 2010 kaj 2016 en periodo de lia loĝado en České Budějovice kaj membreco en la sudbohemia Esperanto klubo La Ponto en Písek, al kies aranĝoj li abunde kontribuadis. La registraĵo realiĝis dank al lia kunlaboro kun Vladimír Türk kaj Pavla Dvořáková kaj kaj aperis precipe en la socia retejo Ipernitio.

Pli detalajn informojn pri lia vivo, riĉa arta aktiveco kaj agado kadre de la Esperanta movado vi trovos en VIKIPEDIA ARTIKOLO

eo.wikipedia.org/wiki/Miroslav_Smyčka.

Ni rekomendas al vi ĵus kompletigitan

liston de la interrete aŭskuteblaj registraĵoj de Miroslav Smyčka

www.esperanto.cz/eo/aktuality/listo-de-interrete-a-skulteblaj-registra-oj-de-miroslav-smycka.html

Nemalmultaj el ili troviĝas kaj elŝuteblas ĉi-tie en Ipernitio!

Ĉi-forme kaj en niaj rememoroj tiu ĉi admirinda homo kaj artisto povos esti plu ĉeesta inter ni. Dankon por ĉiuj artaj travivaĵoj kaj por la belo, kiun li postlasis al ni!

************************

Miroslav Smyčka dum Vikimanio en Svitavy, en oktobro 2011

La tristan anoncon alportis en Ĉeĥio pli ol 12 konataj ĵurnaloj kaj gazetoj, kiuj ankaŭ informis pri lia fervora esperantisteco.

La lasta adiaŭo okazas la 4an de majo 2017 ekde la 14a horo en preĝejo de Virgulino Maria la Pacreĝino en Prago 4-Lhotka.

Tiuj, konis kaj ŝatis Miroslav kaj volas esprimi sian kondolencon, povas skribi al lia filinoal la ADRESO:

Divadlo Semafor, Jolana Smyčková, Dejvická 27 CZ-160 00 Praha 6.

Ŝi estas aktorino, kantistino kaj dublistino kaj en sia infanaĝo ŝi ankaŭ lernis Esperanton de sia fervora patro. Ŝi aprezas ideon de Esperanto kaj valoron de Esperanto-komunumo kaj geamikoj por ŝia patro kaj la reeĥo, ankaŭ el eksterlando sendube subtenos ŝin en ŝia aflikto. Dum al neformala parto de la lasta adiaŭo laŭ ŝia peto ankaŭ eksonos kelkaj registraĵoj en Esperanto (el listo supre menciita).

Rememoru Miroslav - Mirek aŭ Mirĉjo - kune kun ni - ĝuante kaj diskonigante plu de li neforgeseble interpretitajn kantojn kaj literaturaĵojn.

Pavla Dvořáková

Invito al inaŭguro de la nova muzea ekspozicio 2017

nobody@ipernity.com (Esperanto-Muzeo en Svitavy) — Fri, 17 Mar 2017 22:53:44 +0000

Esperanto-Muzeo en Svitavy has posted an article:

Ni elkore invitas vin al inaŭguro de nia nova muzea ekspozicio kun akompana semajnfina programo, kiu okazos en Svitavy 9.-11.6.2017.

Ĉi-foje ni precipe aktualigos nian ĝeneralan ekspozicion, riĉigitan je rememoro pri tri jubileantoj - d-ro L.L. Zamenhof, Francisko Valdomiro Lorenz kaj Theodor Čejka.

Atendas vin ne nur fotaĵoj kun informoj, sed prezento de interesaj libroj kaj aliaj dokumentoj kaj de kolektmaterialoj. Ni planas ankaŭ komplete renovigi enhavon de nia interaga tuŝinfopanelo kaj riĉigi virtualajn kolektojn en nia komputilo por uzantoj.

Detalan programon kaj informojn pri tranokto kaj trafiko vi povas legi en

nia muzea retejo:

muzeum.esperanto.cz/eo/expozicioj/invito-al-muzea-nokto-2017-kaj-ina-guro-de-la-nova-ekspozicio.html

Kontakto: muzeo (ĉe) esperanto.cz

Ni ĝojatendas vian viziton!

La 18-a de majo - Internacia Tago de Muzeoj

nobody@ipernity.com (Esperanto-Muzeo en Svitavy) — Thu, 19 May 2016 07:00:38 +0000

Esperanto-Muzeo en Svitavy has posted an article:

La urbo Svitavy invitas vin al Oficiala Antaŭkongresa Ekskurso

nobody@ipernity.com (Esperanto-Muzeo en Svitavy) — Thu, 21 Apr 2016 22:20:04 +0000

Esperanto-Muzeo en Svitavy has posted an article:

La urbo Svitavy, sidejo de nia muzeo havas la honoron gastigi ĉi-jare la unusolan

Oficialan Antaŭkonresan Ekskurson, destinitan por partoprenantoj de la 101-a Universala Kongreso en Nitro gastigos en la tagoj 19.-23.7.2016 ĝuste la urbo Svitavy.

La aranĝo okazos inter la 19-a kaj la 23-a de julio 2016 kaj organizas ĝin

Ĉeĥa Esperanto Asocio kunlabore kun UEA kaj la loka Klubo de amikoj de Esperanto.

Ne maltrafu la okazon en amika etoso (kapacito de unu buso) malkovri belaĵojn de Ĉeĥio kaj viziti nian muzeon! Ĉion ĉi tre favorpreze!

Loĝado por 4 noktoj estas certigita en Svitavy en du kategorioj:

komforta tristela hotelo Garni kaj pli modesta kaj malplikosta studenthejmo .

Dumtage preparatas por vi ekskursa programo:

Svitavy (akcepto en la urbodomo, urbaj memorindaĵoj, nia Esperanto-Muzeo kaj Urba Muzeo kaj Galerio kun ekspozicio pri Oskar Schindler

tuttagaj ekskursoj al ĉarmaj urboj Litomyšl kaj Olomouc (kun memorindaĵoj sur UNESKO-listoj)

surfote: Esperanto-Muzeo - kastelo Litomyšl - Olomouc-ĉefplaco - Svitavy-ĉefplaco - Olomouc-preĝejo de S.Maŭricio

Vespere atendas vin kulturaj kaj amuzaj programoj (koncerta, danca, kantado kaj amuziĝo en privata bierejo).

Proponatas avantaĝa ebleco de komuna busvojaĝo al "Nitra":https://eo.wikipedia.org/wiki/Nitra (kun halto en "Brno":https://eo.wikipedia.org/wiki/Brno) (kontraŭ 15 Eŭroj)

Por vidi detalojn klaku al nia FOTOGALERIO!

Aliĝoj kaj pagoj eblas NUR pere de UEA (kadre de la ALIĜILO AL UK-o!

ĈEA disponigas nur informojn pri la loko, programo, transporto k.t.p.

Kontaktadreso: cea (ĉe) esperanto.cz

PORINFORMAJ PREZOJ:

Kategorio A) 250 Eŭroj - 4 tranoktoj en dupersona ĉambro en la tristela hotelo GARNI, kun plena pensio (manĝoj)

ekde marda vespero ĝis sabata mateno; ekskursoj (buso inkl. enirprezojn), vesperaj kulturaj kaj amuzaj programoj

Kategorio B) 170 Eŭroj - 4 tranoktoj en du-tri lita ĉambro

en studenthejmo, 3 tagmanĝoj kaj 1 vespermanĝo en bierejo;

ekskursoj (buso inkl. enirprezojn), vesperaj kulturaj kaj amuzaj programoj

Prezo de ekstraj noktoj antaŭ la aranĝo - en Svitavy:

Hotelo Garni, dulita ĉambro: € 25 popersone; Pensiono Bárta, dulita ĉambro: € 15 popersone.

LIMDATOJ POR ALIĜO:

La prezoj validas por aliĝoj ĝis la la 15-a de junio.

Poste kun krompago 25 Eŭroj.

Pliajn informojn vidu en la Dua bulteno, paĝo 13.

ATINGEBLECO

Svitavy situas sur la ĉefa trajnlinio inter Prago kaj Brno (kun konektoj el Bratislava kaj Vieno). Vojaĝo el Prago daŭras 2 horojn, el Brno 1 horon.

Ni pretigas por vi liston de rekomendataj konektoj.

ORGANIZA TEAMO:

estraranoj de ĈEA kun riĉaj spertoj pri organizado de aranĝoj

Vladimír Dvořák - ĈEA-prezidanto - kontraktoj, eksteraj rilatoj, financoj, organizado

Libuše Dvořáková - ĈEA-vicprezidanto - surloka organizanto en Svitavy

Pavla Dvořáková - ĈEA-komitatano - informado, ekskursoj, programo

- ĉiuj tri plentempe ĉeestos dum via restado

Vratislav Hirš - ĈEA-komitatano - kasisto

helpantoj el la Klubo de amikoj de Esperanto en Svitavy

Ni esperas vian intereson kaj antaŭĝojas vian partoprenon☺!

REKOMENDATAJ LIGILOJ - klaku al esperanto.cz

Omaĝe al Internacia Tago de Porinfana Literaturo (la 2-an de aprilo)

nobody@ipernity.com (Esperanto-Muzeo en Svitavy) — Sat, 02 Apr 2016 21:53:18 +0000

Esperanto-Muzeo en Svitavy has posted an article:

Ni larĝigas nian oferton en nia albumo

"FABELOJ KAJ PORINFANA LITERATURO"

Nia aparta novaĵo estas ĉeĥa fabelo "Pri Orharulino" riĉe ilustrita per belegaj secesiaj ilustraĵoj.

Elŝutebla en www.ipernity.com/doc/181031/41496940

Nove aldonitas ankaŭ

"Pipi Ŝtrumpolonga"

kaj "La Aventuroj de Pinokjo"

En la dosierujo DOKUMENTOJ

https://www.ipernity.com/doc/181031/album/295790/docs

troveblas pliaj interesaj fabeloj kaj sonregistraĵoj por elŝuto!

Ni invitas vin al la vizito!

*******************

Por povi senpage elŝuti sufiĉas nur senpage simple registriĝi

indikante vian nomon (aŭ alinomon!) kaj retadreson.

en

www.ipernity.com/subscribe/

Sube dekstre de la ĉefpaĝo de Ipernity vi povas elekti la lingvon, en kiu la retejo komuniku kun vi (inkl. Esperanton).

Indiko de la naskiĝdato devintus esti nedevontiga (resp. estas nekontrolebla).

Humuro estas la plej granda plastro por vundoj de la vivo (CITAĴOJ PRI HUMURO) - okaze de la 1-a de aprilo

nobody@ipernity.com (Esperanto-Muzeo en Svitavy) — Fri, 01 Apr 2016 09:39:32 +0000

Esperanto-Muzeo en Svitavy has posted an article:

Humuro estas la plej granda plastro por vundoj de la vivo

CITAĴOJ PRI HUMURO

okaze de la 1-a de aprilo

- Rideto kaj bonhumoro estas signo de venko super la sorto.

- Humuro estas la plej granda plastro por vundoj de la vivo. Wilhelm Bousset

- Gajeco estas speco de kuraĝo. Ernes Hemingway

- Plori kaj plendi estas pek', surper ĉiuj trezoroj de la mondo estas rid' ...

- Ĝis kiam vi povas, ridu, ĉar vi ne scias, kiam via rido ĉesos ....

- Ridu tuj, ne atendu ĝis kiam vi estos feliĉaj, ĉar alikaze vi ne devus ĝisatendi ....

- Humuro estas la plej granda benaĵo de la homaro.

- Humuro kiel esprimo de la interna ekvilibro kaj la homa toleremo, gaja certeco kaj libereco estas nemalhavebla parto de ĉiu pli alta homa ordo. Franz Schönberger

- Rido: masaĝo de la spirito. Karalius

- Humuro estas pluvombrelo de saĝuloj. Erich Kästner

- Humuro estas la plej nobla formo de la homaj sentoj. Bjørnstjerne Bjørnson

- Humuro estas la plej digna esprimo de ĉagreno. Miloš Kopecký, ĉeĥa aktoro

- Humuro estas salo de la tero. Kiu estas per ĝi bone trasaligita, konserviĝas longe freŝa. Karel Čapek

- Humuro estas la plej demokratia el la homaj kutimoj. Karel Čapek

- Humuro estas batalo kontraŭ la homa stulteco. En tiu ĉi batalo ni povas neniam venki, sed neniam ni rajtas ĉesi ĝin. Jan Werich

- Humuro estas unu el elementoj de genio. Johann Wolfgang Goethe

- Humuro ne signifas ridi, sed pli bone scii. Vladislav Vančura, ĉeĥa verkisto

- Indikilo por ekkono de vereco de la koncerna stultulo estas HUMURO. Vera stultulo malŝatas, se iu pri stultuloj ŝercas. Unuavice tion malŝatas cenzoroj. Jan Werich

El pensoj de Johano Amoso Komenio

nobody@ipernity.com (Esperanto-Muzeo en Svitavy) — Wed, 30 Mar 2016 14:10:12 +0000

Esperanto-Muzeo en Svitavy has posted an article:

EL PENSOJ DE JOHANO AMOSO KOMENIO, instruisto de la nacioj (1592-1670)

AMO KAJ NEPERFORTO

Se oni volas forpeli tenebrojn, necesas alporti lumon.

Ĉion en tiu ĉi mondo oni povas rebonigi

nur per fajna varmo de la amo, ĉar aliel tio ne eblas.

Ĉio mem fluu, en aferoj perforto ne estu.

Dio sendube volas, ke inter ni estu anstataŭ perforto amo,

anstataŭ kvereloj simpleco de la kredo, anstataŭ kofliktoj reciproka toleremo.

KOMUNECO

Ni ĉiuj sur unu podio de la granda mondo staras,

kaj io ajn okazas ĉi-tie, ĉiujn koncernas.

Neniu naskiĝas por si mem, ĉiuj naskiĝas por la homa socio.

Publikaj aferoj apartenas al publiko. Kio ĉiujn koncernas sammezure tion ĉiuj devus solvi, aŭ almenaŭ pri tio scii.

AGEMO, PRETECO AL SERVO

Kion vi ne kreos en la tempo, kiu estas al vi disponigita,

ne plu faros tion iu anstataŭ vi.

Ne promesu, ke vi faros, ne fanfaronu, ke vi faris,

sed lasu al viaj agoj, ke ili parolu anstataŭ vi.

Vivo agema estas la vera vivo.

Mallaboremo estas por homo tombo dumviva.

Kion vi devas fari, faru kun plezuro; kion vi mem povas fari, tion ne atendu de la aliaj kaj senkaŭze ne prokrastu pro nenio.

Kiam vi povas iun helpi, faru tion kun la plej granda plezuro.

VIVSTILO KAJ VIVSINTENOJ

Bazo de sano kaj feliĉo estas modereco en ĉio.

Malsanoj estas pli bone kuraceblaj per la ĝusta vivreĝimo

ol per fortaj medikamentoj.

La tuta hastado nur por bruto bonas.

Havaĵo estas certa zorgo, rangoj malplena fumo, voluptoj

dolĉa veneno, teniloj de nia malbono. Ĝis kiam homoj tion ne komprenas, ili postĉasas ombrojn sen aĵoj kaj dissolviĝas,

dediĉite al neniaĵoj, mem al nenio.

Feliĉas la homo, kiun avertas eraro de la aliulo.

Forno elprovas oron kaj turmento homon.

PENSADO KAJ PRIJUĜADO

Ne kredu ĉio, kion oni prezentas al vi por kredi:

Esploru ĉion kaj konvinkiĝu pri ĉio mem!

Estas afero de prudenteco reteni sin de prijuĝo

antaŭ ol plene ekkoni de aĵojn, kaj precipe vortojn kaj agojn.

La homo havas racion por distingi, kaj volon por elekti,

kio ajn estas ie bona aŭ malbona.

Forto de la vero armita per lumo de la ekkono estas nevenkebla.

EDUKADO KAJ KLERIGADOÍ

Tia estas la estonta epoko, kiel estas edukataj

ĝiaj estontaj civitanoj.

Niaj instruistoj ne rajtas esti similaj al kolonoj ĉevojaj,

kiuj nur montras, kien iri, sed mem ne iras.

Unusola instruisto inda je tiu nomo estas tiu.

kiu vekas spiriton de libera pripensado

kaj evoluigas senton de persona respondeco.

Sed se rebonigo estu sukcesa, ĝi devas esti kompleksa kaj multflanka, ĉar se oni ne rebonigos samtempe ĉion, kio reciproke rilatas, neniam vi progresos antaŭen ...

Celo de klerigado kaj saĝeco estu, ke homo vidu antaŭ si klaran vivovojon, sur ĝi singarde paŝu, li memoru pri pasinteco,

konu nuntempon kaj antaŭvidu estontecon.

Vidu nian albumon KOMENIO !!!