Articles from Laslo Kovacs

Pasko

nobody@ipernity.com (Laslo Kovacs) — Sun, 01 Apr 2012 01:28:02 +0000

Laslo Kovacs has posted an article:

Pasko

La nomo de la Pasko estas malsama en malsamaj lingvoj. Komuna origino, tamen, estas la hebrea nomo de Pasko, /pesaĥ/. La vorto signifas eviton aŭ preterpason.

La judaismo instruas ke tiu tago estas memortago de la judoj al eskapo el ilia sklaveco en Egiptujo. Laŭ la Malnova Testamento, la anĝelo de la morto frapis Egiptujon, sed la pordo de la judoj estis signita per sango de freŝe buĉita ŝafido ,do ilian domon la angelo „preterpasis".

Laŭ kristanismo la supra evento /kun multaj aliaj en Malnova Testamento/ estis antaŭbildo de Jesuo. Li ,kiel senpeka ŝafido suferis kaj mortis pro niaj pekoj kaj per tiu sinofero Li elaĉetis ĉiujn homojn el la brakumo de la peko. La trian tagon Li reviviĝis venkinte eĉ super la morto.

Pasko estas memortago de Lia reviviĝo, la plej granda festo de kristanismo.

Irano ekzekutos la kristanan pastron.

nobody@ipernity.com (Laslo Kovacs) — Wed, 20 Jul 2011 22:58:38 +0000

Laslo Kovacs has posted an article:

La Plejsupra Tribunalo de Irano konfirmis la kondamnon al morto por Jusef Nadarkani pro "forlaso de religio". Se la internacia komunumo ne sukcesos iel premi la reĝimon la viro certe estos mortigita, sole pro tio ĉar li elektis por si mem alian religion kaj volis disvastigi ĝin.La tridek tri jara kristana pastro Nadarkani estis arestita en urbo Rast la 13-an de oktobro, 2009. kiam li provis lauleĝe registrigi sian eklezion, la Eklezion de Irano. Ne sole li suferas en malliberejoj de Irana Islama Respubliko pri la malsama kredo. Kvankam islamo toleras la kristanan kaj judan religiojn, tute maltoleras se iu muslimo elektas alian religion aŭ simple ne ptraktikas la sian.Nadarkani fariĝis kristano en sia 19-jara aĝo.La edzinon Fatima la polico arestis pasintjare, oni ne scias ion certan pri ŝia sorto, ankau tion oni ne scias kio okazis pri la du infanoj de la geedzoj Nadarkani La kristanaj eklezioj supre de Vatikano silentas ja ili konas de monatoj kiajn metodojn uzas la irana reĝimo por malhelpi disvastigon de kristanismo. Same silentas EU. Sole Usono plendis por Nadarkani. La reĝimo ne nur la homojn persekutas pro malsamaj ideologio, kredo. Lau pluraj raportoj oni sisteme pereigas la Bibliojn en la lando kies enhavon laudire islamo estimas.

Kial oni kriadas, se oni estas kolera?

nobody@ipernity.com (Laslo Kovacs) — Wed, 20 Jul 2011 22:07:59 +0000

Laslo Kovacs has posted an article:

Iu sankta instruisto ĉe la rivero Gango pretigis sin al rituala bano kiam en la proksimo anoj de familio laŭte kverelis unu kun la alia. Ridetante li demandis la disĉiplojn:

- Kial oni kriadas, se oni estas kolera?

Liaj disĉiploj pensadis, kaj iu el ili respondis:

- Kiam oni perdas paciencon, oni kriadas.

- Sed kial kriadi, se tiu, al kiu vi parolas, staras apud vi? Vi povas ankaŭ mallaŭte diri kion vi volas. – diris la instruisto.

La disĉiploj ne trovis respondon kaj la sanktulo donis jenan klarigon:

- Kiam la homoj koleras unu kontraŭ la alia, ilia koro malproksimiĝas unu de la alia. Pro la distanco ili devas kriadi por aŭdi unu la alian. Ju pli ili koleras, des pli ili kriadas, ĉar des pli granda la distanco estas.

Se du homoj amaj unu la alian, ili ne kriadas, sed parolas afable, kare, ĉar ilia koro estas proksime, inter ili ne estas distanco. Se la amo inter ili estas pli forta, la koroj estas tiel proksime, kvazaŭ en la sama loko, ke ili eĉ paroli ne devas: ili mkomprenas unu la alian jam el alrigardo. Tio okazas se estas amo inter ni.

Li rigardis al la disĉiploj kaj daŭrigis la klarigon:

- Kiam vi diskutas, ne lasu malproksimiĝi viajn korojn. ne uzu vortojn kiuj disigas vin, ĉar alvenos la tago, kiam la distanco estos tiel granda, ke vi ne trovos la revenvojon.

Lingvoj de Eŭropo

nobody@ipernity.com (Laslo Kovacs) — Thu, 19 Nov 2009 17:44:50 +0000

Laslo Kovacs has posted an article:

Mi trovis mapon de Eŭropaj lingvoj sur la suba paĝaro

http://www.eblul.org/index.php?option=com_content&task=view&id=118&Itemid=56

La paĝaro apartenas al Eŭropa Buroo por Pli Malofte Uzataj Lingvoj

European Bureau for Lesser-Used Languages (EBLUL)

Unu el la celoj de EU konservi multlingvecon tamen pli kaj pli la lingvoj malaperas.

Laŭ mia scio la liva lingvo el la finno-ugra familio jam malaperis. Ĉu tiu sorto atendas ankaŭ la aliajn malgrandajn lingvojn? Kiom da lingvoj restos en EU? Kiom da lingvoj restos sur la Tero post 100-200 jaroj? Ĉu oni povas haltigi la malaperon de lingvoj?

Kion vi opinias pri tio?

Laslo

Feliĉan Kristnaskon!

nobody@ipernity.com (Laslo Kovacs) — Sat, 07 Nov 2009 22:17:12 +0000

Laslo Kovacs has posted an article:

http://www.joytoeveryone.com/en